اهلاوية حتي الموت ... هل تتذكروني..لم انساكم

اسماء وربنا ما صدقت عنيا ان شوفت ليكي توبيك

ومع انك مزكرتيش اسمي بس مش مهم

المهم انك وحشتييييييييييييييييييييييييييييييييييييييييييييييييييييييييينييييييييييييييييييي جدااااااااااااااااااااااااااا والله العظيم ولو ناسيه اسمي كمان انا زوزو مش انتي ال دلعتيني بكدا ولا ايه
حمدا لله علي سلامتك والمنتدي زاد اشراق وبهجه من جديد

وربنا يديم عليكي السعادة ويرزقك كل ماتريدين

ع فكره انا نجحت وداخله رابعه ان شاءالله

يااااااااااااااه يا دكتورة
انا سألت عنك طوب الارض و برده معرفتش اوصلك
حرام عليكي
يا اسووومة يا حيااااااااااااتي
سيبك من الي فاااااااات كله المهم انك تكوني بألف خير و صحة
و كل سنة و انتي طيبة عيد سعيد ان شاء الله

انتي بجد وحشااااااااااااااااني لدرجة متتخيلهاااش انتي المفروض تبقي متأكده من مكانتك ف قلبي
انا للاسف تنسيق مش طلع
و بيني و بينك انا قررت اهج للاسف
انا مسافرة الجمعة ان شاء الله
الله اعلم هرجع و لا لأ مأخدتش قرار بس لو التنسيق طلع ع حاجة تستاهل غربة ف بلدي هرجع غير كده ربنا يتولاني بقي
حبيبتي انتي دايما ف قلبي
و بجد انا لازم اسمع صوتك قبل م اسافر
و بخصوص ماما فدوى
فأنا مش عارفة
بعتتلي انهاردة رسالة غريبة ع الاوف
ان شاء الله خير بس اوعدك لما اكلمها قريب
المهم عايزة اطمن ع نتيجتك
امتيااز و لا ؟؟؟؟؟؟
انتي حرة
هههههههه
و الله ليكي وحشة يا سومة

زوز لا انا فكراكي طبعاااا
ربنااا يخليكي بجد بتهيالي لو كنت طولت اكتر ف المنتدي كنا اتصاحبنا
الف مبروك نجاحك حببتي فين جولدن هارت رشا كان نفسي اشوف كلمة منها

ميمو فين ماما فدوي وبوسي عشان خاطري تبلغيهم بالتوبيك نفسي اشوف كلمة منهم
ولا انا مش ف قلوبهم
هكمل رد بعدين وهقول اسباب غيابي باختصار المرة الجايه لما ادخل ومش هتشوفوني تاني
طالما ان وجودي زي عدمه ... وشكرا لحبايبي كلهم الل قدروني
ميمو ماتخافيش هكلمك قبل السفر مكنتش اعرف انك مسافرة انا اموت لو ماسمعتش صوتك قبل ماتسافري بس ابعتيلي الرقم

وانا مش زعلانه ع ال ماسالوش انا ع الاقل هعرف انهم مش بيحبوني وعياطي عليهم هيسكت بقي طالما اني مش ف قلوبهم
اصل لما بعرف دة بهدي اكتر من الحب نفسه

وحشتيني يابوسي كان نفسي اكلمك
ماما مش مصدقه انك ماسالتيش ع سومة

دكتورة انت ف قلوبنا كلنا
و عشاااااان خاطري متزعليش من الي مردوش هم اصلا مدخلوش من فترة ان شاء الله خير
بنا كلام كتير يا اسما انت وحشاني جداااااااااااااااا
و يريت متغبيش مرة تانية لو سمحتي حراااااااااام عليكي
بجد
انا بجد مصدقت لقيتك
عشاااااااااان تقضلي معانا لو سمحتي
اسماااااااااااااا عشان خاطري متبعديش تاااااااااااني
انا بجد محتجالك
تقريبا كده معتش فضلي حد ف الدنيا
بجد متتخيليش الوحدة الي انا فيها
هتبعدي انتي كمان
انت متعرفيش انا فيا ايه و يرتني بعرف اتكلم

اسماء انتي كمان وحشانا اوي
لما شفت العنوان
فرحت انك ظهرتي من جديد
ايه الغياب ده كله
وشكرا انك لسة فاكراني
انا كنت بحسبك نسيتينا
انا كنت دايما ببعتلك رساليل ع الميل
كل شوية
وانتي حلمتي بيا ده ماكنش حلم ده يبقا كابوس ههههههههههه
والقلوب عند بعضها
انا بخير والحمد لله كل شئ تمام
واهم حاجة انك بخير
وياريت تفضلي معانا ع طول

دكتورة اسماء
حمدالله على السلامة
الحمدلله انك بخير
انا سها يارب تكونى فكرانى
والله المنتدى محتاج ندخل كلنا
نورتى يااسماء والله
يارب نشوفك موجودة زى الاول على طول
فى رعاية الله

كلسنه وانتى طيبه يادكتوره

بصوا ياجماعه انا مجهزالكوا الرد دة من قبل ماشوف الردود
تكملة لاني بكتبلكوا بالعافيه ركزوا فيه
بس اعرفوا حاجة انا بحبكم كلكم جدا جدااا افهموه ونقفل الصفحه دي بتاع سبب الغياب عشان ماتوجعوش قلبي وانا جايلكم اهوه برغم ظروفي
حاسه فيه رعد وبركان حواليا عشان اكتبلكم ههههههههه

لو سألتي طوب الارض كان قاللك عني
كنت اسألي الشمس والقمر والشجر والسما والعصافير وكل الطبيعه
كانوا هيقولولك اني كلمتهم وعنيا دمعت باشتياق ليكم وابتسمت قدامهم بحب عميق يسكن بداخلي
هحكيلكم باختصار
يوم 9 شهر سته بالتحديد كنت راجعه من امتحاني منتههي السعادة
وبكلم اعز صديقاتي عشان افرحها بيا واتصدمت بيها صدمة عمري
صديقتي دي انتوا ماتعرفوهاش
بس روحي كانت فيها مفيش حاجة عن اسماء مكانتش تعرفها كانت معايا طول سنتين فاتوا كل يوم .. عارفين يعني ايه كل يوم وتيجي ساعت الامتحانات وتنقطع عني يعني اعيش من غير روحي
بسبب حد كان قريب مني بردو وقع مابينا وانا بحب الاتنين بس زي ماتقولوا اتخانت من الاتنين وبدون ماظلم حد فيهم من قبل الل حصل
من غير رغي كتير عن صديقة عمري الل ماتعرفش ماذا يحدث بداخلي الان ع الرغم اني مازلت ع اتصال بها ولكن جرح لن ينهيه الزمان وجرح لم اتوقع ان يفت في حلم الصداقه الذي احيا به لانني كنت ع استعداد ان اموت من اجلها .. صعب اشرح كتير بس مهما شرحت مش هتفهموا الل كان جوايا
انا قضيت امتحاناتي بفضل الله وحده
بس جوايا صوت بيقول انا وحيدة ف الدنيا ليس لي سوي الله
ابي مات
كنت اردد هذه الكلمة وابكي بابا مات
مكنتش بقولها كدة بس لما تحسوا الاحساس الل حسيتوا والالم الل مصمم مايجيش غير وقت امتحاناتي ويقتلني زي ساعت وفاة بابا .. واقرباء روحي يتركوني ف شدتي
انا اخفيت هذا عنكم
لم استطع ان احكي
هذا لم يكن بمقدوري ان اقصه علي احد انا لمحتلك قبل كدة يابوسي ان فيه مشكله مع صاحبتي ولكن دون تفاصيل
عارفين اليوم دة انا ماعملتش حاجة ف موبايلي عشان يبوظ بس سبحان الله وكأن ربنا بيبعتلي رساله كفايه سيبي الناس خليكي ف حالك
موبايلي باظ لوحده .. انا قفلته لاني كنت عاوزة انعزل بس جيت افتحه لقيته باظ
وماتصلحش غير لما مودي اتصلح وبقيت واخدة قراراتي وحسمت اموري وحيدة دون انيس او جليس كي اثبت للقدر وللعالم انني سأحيا وحيدة

تعرفوا ليه مابعدتش نهائي ؟؟؟
عشانكم
بوسي كان لازم كل امتحان اطمن عليها وهيه ثانوية عامه وافتح موبايلي كل امتحان عشانها كنت بحط الخط ف موبايل اختي
انا كان بأيدي احط الخط ف موبايلها ع طول لان موبايلها دة اضافي
بس انا نفسيا محدش يعرف الل جوايا

ع فكرة ياميمو رغم بعادك كنت شايله همك بس لما بفتح الموب مش بلاقي رسايلك بس كنت بدعيلك انتي وبوسي ساعت الفجر

كان فيه بنت تانيه انتوا ماتعرفوهاش
ثانوية عامه مكانتش بتذاكر غير بمكالمه مني وانا الل انظملها كل حاجة ولو غبت ارجع الاقيها ماعملتش حاجة
يعني كنت شايله همي وهم غيري ومحدش عرف يشيل همي والا اقبل ان حد يشيل همي انا كفيله بنفسي طالما الدنيا مصممه
بعد الامتحانات مكانش ينفع امشي نهائي
لسه نتيجتكم لازم اطمن عليكم
والل ماتعرفهوش ان مجرد وجودي جنبكم كان بيفكرني بالذكريات دي وبيتعبني اوي نفسيا رغم حبي ليكم وحرصي عليكم
وانتي يابوسي باباكي كان تعبان ورغم قسوة حياتي مانفعش اسيبك غير لما اطمن عليه وع راحتك
ماما فدوي سألتي سومة مالك وانا ماتكلمتش وكان جوايا كتير بس مابعرفش احكي لما اتصدم صدمة كبيره زي دي كان بيبقي نفسي اكون سعيدة عشان اسعدكم لاني لما بزعل واكلم حد بحس اني زعلته اكتر

وعشان كدة كنت باعدة حتي الاميل قليل لما ادخله وانتوا اصلاا عارفين اني مبحبش اتكلم ع الميل كتير غير لو فيه حد هساعده ب حاجة
انتوا ممكن تفتكروا دة هين
بس ماتعرفوش اتأثرت اد ايه

بعد امتحاناتي باسبوع والل زود همي وبعدني اكتر
اختي حصلها مشكله كبيره مع زوجها وجات عندنا وكانوا هينفصلوا انتوا متخيلين ساعتها عصبية وضيق اي حد فيهم عشان انا اهمش مشاعرهم واهتم بمشاعري انا مقدرش اوصفلكم عصبيه ماما .. ولا اقللكم ان دة كان مؤثر عليا اوي ازاي وازاي كان بيفكرني اكتر بوالدي
لاني حاسه ان كل معاناتي بسبب فقدي ليه لانه كان احن الناس عليا كان بيعوضني الي حد كبير وجود ناس ف حياتي
وبذهابهم اتمنيت اني معرفهمش عشان اتعود علي الفراق دون مساعده لانك مش ديما هتلاقي مساعده الناس ع طول وانا اتعودت من صغري اعتمد ع نفسي بس جيت ف لحظة اعتمدت ع حب بعض البشر وخذلوني

ميمو بتسالي عن نتيجتي
اقللك جبت امتياز ف اول مادة الل هيه كانت اصعب مادة بالنسبالي
لكن بعد الل حصل دة تفتكري انا عشت ازاي ... دة انا كنت بتلمس وجودها معايا وهيه مش قادرة تقف جنبي مش بلومك ياصديقه عمري بس كل انسان ليه قوة احتمال وانا مش هجبرها تقف جنبي ع حساب نفسها كنت بخرج الف الشوارع ع امل ارجع الاقي منها رساله او رنة ولكن مفيش كانت بتوصل بعد تعب كبير ووقت الامتحانات مايتعوضش فيه يوم عاتبتها بس ب رقه مكانش ليا اني اجرح مشاعرها الطيبه وانا عارفه انه غصب عنها
لكم ان تتخيلوا وليس لكم ان تسالوني اكثر من ذلك
انا ف الاخر جبت جيد جدا
اليوم دة ياميمو كان تاني يوم ماكلمتك فيه وقولتيلي ساعتها هتجيبي امتياز ولا زي كل سنة الكلمة دي جرحتني منك اوي بس انتي مكنتيش تعرفي ومالكيش ذنب
بس انا فعلاا السنادي كنت مذاكرة اكتر من اي سنة بس جيت ساعت الامتحانات وضاع كل مجهودي مكنتش بقدر حرام كل انسان وليه طاقه اي جرح فكرني بوالدي ولان الامتحانات والمذاكرة ارتبطتت بوفاته ف بدايه الكليه مكنتش بقدر امسك الكتاب حقيقي كنت زي التايهه واي حاجة بتأثر ف نفسيتي كانت بتاثر ع مذاكرتي ممكن انا اتعقدت هههه ..امي كانت سعيدة ساعت نتيجتي وقالتلي انتي انجزتي لو حد مكانك كان طلع ب مواد بس انا مكانش تفكيري كدة وبعدها مكنتش اقدر اوريكم اسماء بعد دة ومقدرش حد يسالني عملتي ايه ف النتيجه
ع فكرة السنة دي كانت سعيدة بالنسبالي دراسيا جدا وف الجامعه
شاركت ف مؤتمر وعملت بحث انا وصديقتي وخدنا مركز اول واتكرمنا وخدت جوايز وشهادة تقدير بس انا عمري ف حياتي ما فرحه ليا كملت
انا نشطاتي الان سياسيه م الدرجة الاولي ومشاركه ف جمعيه خيريه
كان نفسي احكيلكم عن دة واوعيكم ايه الل بيحصل ف البلد الان بس انا مكنتش عاوزة المواجهه دي تحصل والا كنت قادرة احكي والا اتكلم
انا حياتي مش هتقف عند ناس باعوني ابدااا وهكون من غيرهم وحتي قلبي مش بيفكر ف الحجات دي كتير انا دلوقتي جيت لان قلبي مفتقدكم اوي ولان الوحده الل قفلت ع نفسي بيها ظالمه ليا اوي
مشاكل مع ماما كانت وعاوزاني ابعد عن كل الناس الل عرفتهم م النت طالما اني اتغدر بيا مرة ف اعز الناس عندي يبقي خلاص لما تشوفني فاتحه اميل وبكلم حد فيكم مشكلة الدنيا بتحصل معاها وانا مش ناقصه اصلاا
عمري ماحب اخبي عن امي حاجة هيه لسه ماتعرفش اني كتبتلكم بس هقولها وهيه لازم تعرف انها السبب ف دة
لاني ف مرة كنت قاعده بعيدة عنها لاني مبقتش بحب اتكلم كتير قالتلي انتي كدة تحبي تكلمي كل الناس الا انا
كل الناس دي المقصود بيها انتوا كانت بتغير منكم لما اكلمكم وهيه لا
تخيلوا
انا هنا كنت خلاص بعيده عنكم ومش بكلم حد خالص
مقدرتش امسك نفسي ساعتها وم اليوم دة وانا اتقلب كياني قولتها هما فين الناس دول ماخسرت كل حاجة مبقاش معايا حد بعد ماكنت املك كل الناس والف من يواسيني مفيش حد ارتاحتي دلوقت .. يارب تكوني ارتاحتي يا امي

كتابتي ليكم هنا ممكن تخسرني والدتي هيه هتغضب مني ولو غضبت انا هزعل اوي انا بسببها احزنت ناس كتير اوي ف حياتي حتي لو كنت معاهم بس مافرحتهمش بسبب كلامها وانا امي ماتعودتش اخبي عنها شيء لان دة ف نظري خيانه للامانه

الاميل مش هينفع اكلم عليه حد عشانها
والمنتدي مرحله انتقاليه لان ماعرفش اوصل كلامي ليكم كلكم غير من خلاله وارجوكم ماتطولوش وجودي عشان امي
لاني عاوزة ارضيها وارضي ربنا حتي لو ع حساب مشاعري
دلوقتي تقريبا عرفتوا كل حاجة وانا بريت ضميري من احبائي وعشان تعرفوا اني ماخنتش حد فيكم ولا ان وفائي ليكم قل بس لو فعلاا بتحبوني كنتوا جيتوا انتوا تطبطبوا عليا بعد الل حصل
لان محدش فيكم يعرف ان شلت همومكم جوايا وانا ساكته ازاي
ع فكرة الل حكيته جزء من الل عانيته.. وانا مبحبش افتكر الكلام دة ولا اتكلم فيه انتوا وحشتوني اوي ماتألمونيش بجد كفايه

اخيراا انا كنت بدعي ربنا كتيررررر اللهم بلغ احبتي السلام مني
اللهم بلغ احبتي السلام مني
وياريت سلامي يكون وصل واسفه ليكم
وانا نسيت اكتب كلمة للمنتدي
بس كان نفسي تكون الخلفيه اسود زي اول يوم دخلت هنا عشان اقله كلام كتير
بس لو شفتوا جدران المنتدي هتلاقوني كتبت كلام كتير فيه وألفت مواضيع من دماغي وكنت بلغي كلمة منقول الل عبير كاتن نفسها تلغيها بس الزمن بقي .. وانا بتمني التوفيق للاهلي والاهلوية بس ركزوا شوية ف السياسه والل بيحصل ف البلد ناو وبيان التغيير
ونسيت اقول اسم ريهام ف الاسامي
مرة كنت فاتحه اميلي وهيه رغم قله معرفتنا ببعض قالتلي عاوزة اطمن عليكي بس للاسف ياريهام انا اسفه معرفتش اتكلم ساعتها لاني كنت مع قرايبي وف البلد بس سلمت بس ماعطتكيش حقك
وبجد مرسي لشعورك انك عاوزة تطمني عليا
ربنا يهديكي ويصلح حالك وحالنا جميعا وكل سنة وانتي طيبه
وع فكرة ياجماعه ماتنسوش ان الكمبيوتر عندي اصلاا بايظ من فترة يظهر زعل ع زعلي هههه .. وسافرت البلد كتير
اللهم بلغ احبتي السلام مني

اسماء التي تحبكم دوما وابدا في الله

يصس يا اسماء ربنا وحده يعلم انا فيا ايه بس انا قررت اني اعمل زيك مش هشيل همومي لبشر
قررت ابعد عن ناس كتير وخصوصا اصحاب
و بتهيقلي انتي عارفة ليه
الاصخاب دول اكتر ناس ممكن يدمروا البني ادام
وممكن يقتلوه
و يطعنوه بسكين مسموة حقد و غل و كراهية
بس انا الحمد الله طلعت بخسائر قليلة و ارباح كتيرة عرفت مين عدوي و مين صديقي بجد
لحد م وصل لدرجة اكون موجوعة و ملقيش حد جنبي

انا راي تقفلي صفحة قديمة
و موضوع المنتدي و النت انتي و مامتك القرار ليكوا اكيد انا بجد مضايقة يمكن اسبابي قررت اخليها لنفسي
بس كل الي هقولهولك انك شخصية جميلة اوي و ربنا يحبب فيكي خلقه و تكوني اسعد حد ف الدنيا

ميمو بصي الل واثقه منه طالما انك متضايقه يبقي انتي بتحاولي تعملي الصح
انا مش عاوزاكي تحكيلي ابدا الل حصلك انا فهماكي من غير ماتتكلمي وعلاجك ودواكي
مع ربنا
روحي ل ربنا واقري قرءان وابكي ع اد ماتقدري وهوة مش هيسيبك
وانا بكلمك بكرة ان شاء الله بس يارب ربنا يقدرني ع دة عاوزة اسمع صوتك مبتسم وتفاءلي تفاءلي بجد اوي
انتي لسه صغيره ع وجع القلب دة

وبالنسبه للصداقه
الصداقه اقوي من اي حاجة ف نظري وانا ع استعداد اضحي بأي حاجة ف سبيلها
بس المشكله ان صحابي نفسهم مش بلاقيهم ممكن يضحوا بأي حاجة عشاني
زمان مكنتش بفكر كدة
مكانش عندي صداقه بالمعني دة بس دلوقت هقللك اني انا وصديقتي هيه مازالت ف قلبي صديقتي وصديقه عمري
وحياتي ول حد الان منتهي قمة سعادتي لما اكلمها والاقيها فرحانه بس نفسي اكلمها اوي بس الدنيا صعبه

اخيرا ابتسمي للخيانه ابتسمي للغدر ابتسمي لاي حد ظلمك
خليكي قوية قوة الجبال مفيش مخلوق يهزك مفيش حاجة تألمك ربنا اكبر من اي حاجة ومن كل حاجة خلي المعني دة يملي قلبك
قلبك اللمحب الحساس دة
لو وجهتيه ل ربنا اكييد هتلاقي نفسك هناك لان الانسان الحساس حساس ف كل حاجة
حساس ف الامور الدنيوية وف حب ربنا والدين
عارفه انا اسعد يوم ف حياتي قضيته كان قريب ف قافله لتوزيع شنط رمضانيه ف قريه رحتها سفر ب بالباص
منتهي سعادة وسلامة النفس البشريه لما توجهيها للخير وللصفاء والنقاء الل حسيته كنت ببص من الشباك وانا حاسه اني اميره ف مكاني او حوريه من الحور العين كنت بكلم ربنا والشمس والطبيعه زي ماتعودت اعمل حديث لو سمعتوه حديث يخلب الاذهان بصفاء وطيبه وتسامح

عارفين دعوة المظلوم ليس بينها وبين الله حجاب
لكن انك تنقي قلبك من مجرد الاحساس بالظلم وتبقي صافيه اوي زي الملايكه دي سعادة الدنيا ومافيها منتهي القوة
ربنا ساعتها هيزيدك من فضله وثوابه عظييييييم

م الاخر ابتسمي وانا هنزلك توبيك كتبته بعد الزياره دي عسي انه يعجبك عشان خاطر اختي الصغنطوطة الل قتلت قلبي م الحزن عليها .. ربنا يطمن قلبك ويهديكي للصح .. استفتي الله واستخيريه بصدق وعزيمة
والله انا لو مكانك كنت سافرت لابعد مكان ف الحياه ماترهقيش حد بتحبيه بالعتاب هيزود المك والمه
ولحوار الكرامة جانبا اخر
اوف زهقتوني يابنات ههههههه مش عاوزة اشوف حد حزين بطلوا بقي
بتغموا نفسكم وتقرفوها ليه ماتعذبيش نفسك انتي وهيه والله ماحد يستاهل اه ياقلبي اديكي وجعتي قلبي اهوه ياميرو ناقص هوة ماحدش ينادي عليه ناو خلوه ف مكانه
هيه كلمة وخلاص ريحي نفسك بعديها ياااااارب ياااارب
يارب وفقني اديلك الكلام ف موقعه الصحيح

جولدن هارتي حياتي
لا كان حلم جميل وانتي كنتي مبسوطة معايا وانا فرحت بيكي
وايه ياعم الرومانتيك الل انت فيها دي الله يسهله ياغالي ههههههههههه
ميمو قالتلي اخر اخبارها انتي مش هتقوليلي ايه اخر اخبارك
والنبي طمنيني ع ماما فدوي انا هموت عليها كانت اول حد بيعرف سومة والله انا بتهيالي لو عاتبتني بنص كلمة ممكن يجرالي حاجة معتقدش اني هعرف اعمل حاجة غير اني هعيط اصلها صعبه اوي
بس ياريت تقدروا وتفهموا كلكم ان فعلا كانت حالتي صعبه ومكانش بأيدي والله كان احساس صعب اوي
لما تلاقوني بقيت قوية كدة اقفوا جنبي والنبي انا محتاجلكوا تقابلوني بحب واشتياق بلاش عتاب
اغنيلكوا حليم
بلاش عتاب ياحبيبي من العذاب انا خدت نصيبي ههههه والله الدنيا خدت حقكوا مني تالت ومتلت وقتلت سومة ماتقتلهاش انتي يا ماما بقي عشان خاطري انتي وبوسي حبيبة قلبي

وحيات سومة عندكوا خطي ضاع
انا اصلاا بصراحه كان نفسي يضيع من قسوة الل كنت فيه وربنا بقي عمل معايا حجات
عارفين وانا بتكلم عن الماضي بحس قلبي واجعني
وحيات اغلي حاجة عندكوا ماتحطونيش ف الموقف دة
وحيات حبي ليكم انا رجعت عشانكوا قدروني وماتخذلونيش مش قادرة اتحمل والله ماقدر اتحمل دة


سهي
حبيبه قلبي
فكراكي طبعا ازاي انسي اخت برتني الل بموت فيها وبعشقها
ف مرة اعدت اقرا توبيكاتي القديمة هنا وشفت ردودها عليا كنت بحب ردودها اووووي وكانت بتحبني من بعيد ل بعيد وانا كمان

كذا مرة رديت عليكي ف المنتدي ياسهي وانتي ماخدتيش بالك وديما اسالك ع سمر ومش بتقوليلي اخبارها ليه
سلمي عليها وقوليلها تدعيلنا والف مبروك البيبي النون انا بعشق الاطفال

بصوا واصلاا الاطفال بيحبوني ببقي ماشيه ف الشارع والاقي طفل يعدوا يبصولي ويلعبوا معايا والله ومامتهم تقولي دة مش بيسكتوا مع اي حد هههههههههه
ثقه بقي اصل الحب بيشع من عنيا اعمل ايه هههههههههه (غرور دة والا ايه يادكتورة ) ممكن بردو

وحد يشوفلي نوسه والنبي
عشان كفايه عاوزة اقفل صفحه المنتدي انا معتزله المنتديات والاميل وهاتولي فدوتي اخد حضن بس ياماما عشان خاطري ماتبقيش قاسيه عليا لما ترجعي
دة انا بدعيلك ديما بالصحه والسعادة واقول يارب ماتبقي زعلانه من سومة دة انا ياختي مابتدلعش الا ع حسك
قوليلها يابوسي ياللي هتقهريني بدري وتقولي رسايل كتير يابنتي انا الخط مش معايا وقولتلك الميل تقريبا مش بيوصل رسايل فيه حاجة معرفش هيه ايه بس م الواضح ان لما نفسي بتتسد من حاجة بتبوظ لوحدها احزروااا بقي والنبي كفايه

وجعتولي اديا ومش هعرف اكتبلكوا كدة تاني اصلاا انا مسافرة بكرة او بعده او اول يوم العيد وورايا حجات ومشغوليات كتير ويعلم ربنا بكتبلكم ازاي صدقوا غلاوتكم بقي :))
لوف يو مس يووو اول ياحبايبي

بت يامريهان انا احتارت اعمل معاكي ايه
بس خدي اسمعي الفديو دة وشوفي الكلمات رووووووووووووووووعه حقيقي لما بسمعه بطير ف السما
https://www.youtube.com/watch?v=GUvOn8TASAs&feature=player_embedded#!

اظن بقي نالكيش حق بعد ماتشوفيه تعيطي اضحكي يابت اوعي توجعي قلبك
وبهديه ليكم كلكم

وايه بلاش الاغاني الحزينة بتاع البوابة دي هيه ناقصه ههههههه
انا جايلكوا زياره تعملوا فيا كدة.. وفين جو رمضان بقي كان زمان بشوف هنا ادعيه واناشيد دينية ومشاري

بت ياميروا المرة الجايه هتبقي اخر مرة ادخل بس يارب اعرف اعدلكم كتير كدة لحد مالحق اشوف بوسي وماما فدوي الل جننوني
وهحكيلك موقف حصل معايا بره وانا خارجة هتموتي م الضحك ياللا تصبحوا ع خير انا ع موعد مع الشقاء غدا ف المنزل
عقبال عندكو العيد جاي وانا الل هقوم بواجب التنضيف وربنا يرضي الوالدة عليا قولوا امين مش هعرف ادخل خالص ممكن تشوفوني بالليل
هابي دريمز للجميع .. اعتقد كتبت للمنتدي كتير ) عشان يفتكرني بالخير

تسلمي يا سومة و الله انا بدعيلك من قلبي انك تكوني بخير
و الاغنية تحفة
ع فكرة انا هتغر كده دلع و فيديو و توبيكات مين قدي
هههههههههههههههههههههههه
تسلمي حياتي انا خلاص رضيت بالأمر الواقع الحمد الله ع كل حال
قدر و مكتوب

زوز لا انا فكراكي طبعاااا
ربنااا يخليكي بجد بتهيالي لو كنت طولت اكتر ف المنتدي كنا اتصاحبنا
الف مبروك نجاحك


الله يبارك فيكي

وبجد انا نفسي تبقي مبسوطه وبجد انتي مزعلاني قوي وحاسه بيكي قوي ربنا يفرح قلبك يااااااااااااااااااااااااااارب

قبل مامشي ههديكم اغنية سعيدة بقي عشان تفتكروني بكلام حلو

https://www.youtube.com/watch?v=Uh4_K-jwOa4
حماقي نقطة ضعفي لما بسمعه بيفكرني بحجات كتير بيجنني بس الالبوم الل فات اجمل من الالبوم الجديد
الل عاوز يضحك عليا يسمعني حماقي خصوصا اغاني معينه كدة
وياللا ع تصوير الفيلم الل بعشقه الفيلم دة منتهي الروعه احلي فيلم شفته ف حياتي بس للاسف شفت الجزء الاول بس
مفيش حب كدة .. احم احم هههههههه

والاغنية التانيه جميله اوي بردو اهداء بقي مناسبه العيد
https://www.youtube.com/watch?v=sInaZ1d2nys&p=0F93C35CD0C44D4C&playnext=1&index=63
افسدوا اخلاقي وخلوني اسمعكم اغاني اهوه ههههههههه
بحب الاغنيتين دول جدا وبغنيهم كتير

ياللا كل سنة وانتوا طيبين وبالف خير واتمني الل ماشافوش التوبيك يشوفوه واحساسي يوصلهم
ويارب تفضلوا كلكم فاكرني بكل الخير مهما ابعد واغيب وتبقوا بتحبوني ديما جوه قلوبكم ويارب ربنا يسعدكم
ويرضي عنكم ويهديكم ويصلح حالكم ويخفف همومكم .. دعوات من قلبي بقي مسك الختام
حبيت النهايه تكون سعيدة وماتخافوش عليا انا بعرف ازاي اغير المود بتاعي انا بس كان نفسي اجي اديلكم دعوة فرحي واعزم المنتدي كله )
حلم جوايا بس هتبقوا معايا بقلوبكم الرقيقه دي.. واكيد هفضل موجودة طيف جميل ف ذكرياتكم تبتسموا كل ماتفتكروه وتقولوا كانت انسانه طيبه سامحوني يا احبابي
في رعايه الله

ع فكرة لو لاحظتوا اسمي منور البوابه هههههههههههههههه سلام

عارفة يا اسما كان نفسي اقولك خليكي
بس للاسف مقدرش
الي يريحك اعمليه
و الله اعلم بكرة مخبي لينا ايه
كلامك معايا لسه ف وداني بجد حجات كتيرة اوي بنا جميلة مش عارفة اقولك ايه
بنا ذكريات جميلة اوي
و للاسف الذكريات هي الي بتعيش من الماضي الجميل
لو قريتي كلامي
اتمني تفهميني و انا متأكده انك هتفهمي ايه قصدي
و يريت تفكري تاني و تفضلي لو هترتاحي محاولة اخيرة يمكن يائسة

بخصوص الفيلم فالفيلم تحفة حاولي تشوفي الاجزاء الباقية انا بقي عندي هوس بالفيلم ده
ههههههههههههههههههه

اسماء بجد نفسي اشوفك في المنتدي تاني وترجعي تنورينا من تاني وحشتيييييييييينا قوي