الاستوديو التحليلي لمباراة الاهلي وهارتلاند

السلام عليكم ورحمة الله وبركاته

يسعدني اقدم الاستوديو التحليلي لمباراة اليوم

على بركة الله هنبدأ

الفريقين

[center][center][center] [/center]		[center][center][center] [/center] [/center] [/center]
الاهلى		هارتلاند

في اطار الجولة القبل الاخيرة من دور الثمانية من دوري ابطال افريقيا


ملعب اللقاء

استاد القاهرة


موعد المباراة

الاحد الساعة التاسعة والنصف بتوقيت القاهرة

القنوات التي ستذيع المباراة

الجزيرة الرياضية +9
نايل سبورت(ارضي)
القناة الثانية(ارضي)

ندخل بقا على اجواء المباراة

قائمة الاهلي
في حراسة المرمى :شريف اكرامي احمد عادل عبالمنعم محمد مختار

الدفاع : شريف عبدالفضيل سيد معوض وائل جمعة احمد السيد محمد سمير ايمن اشرف

الوسط:احمد فتحي محمد شوفي حسام عاشور شهاب الدين احمد احمد شكري ابوتريكة

الهجوم: فضل جدو محمد طلعت اسامة حسني غدار

دول اللاعيبة اللي دخلوا المعسكر

نتكلم عن المباراة شوية

المباراة دي اكيد مهمة مش بالنسبة للاهلي فقط بل للاسماعيلي ايضا ولفريق هارتلاند

الاهلي هيدخل المباراة وفي رصيده 5 نقاط
وهارتلاند 4 نقاط
والاسماعيلي عنده 3 نقاط

يعني لو اي نتيجة غير الفوز لا قدر الله هتعطي امل كبير للاسماعيلي ولهارتلاند

تعالوا مع بعض نفترض جميع النتائج

اولا: ان شاء الله فوز الاهلي
هيضمن بطاقة التأهل لدور الاربعة
لانه هيكون عنده 8 نقاط
وستكون مباريات الجولة الاخيرة تحصيل حاصل
حتى لو الاسماعيلي فاز على الاهلي هيكون عنده 6 نقاط
وهارتلاند فاز على الشبيبة هيكون عنده 7
يعني الاسماعيلي وهارتلاند برة


ثانيا:لا قدر الله تعادل الاهلي هندخل في افتراضات مالهاش عدد
هيكون عنده 6 نقاط
وهارتلاند 5 نقاط
هيكون فيه امل كبير لهارتلاند في الجولة الاخيرة
لو فاز على الشبيبة هيكون عنده 8 نقاط
وفي نفس الوقت اتغلب الاهلي من الاسماعيلي
هيفضل الاهلي على 6 نقاط بتوعه
والاسماعيلي هيكون برضه 6 يعني الاتنين برة
ولو الاهلي اتعادل مع الاسماعيلي
برضه الاتنين بره
وكل الاهلاوية هيتمنوا فوز الشبيبة او التعادل وفي التعادل بقا هندخل في حسابات تانية
اما في حالة فوز الاهلي على الاسماعيلي فالاهلي هيتأهل

ثالثا: لاقدر الله خسارة الاهلي
وده امل كل الاسماعيلاوية
الاهلي هيكون عنده 5 نقاط
هارتلاند 7
الاسماعيلي 3
تعالوا بقا نشوف الجولة الاخيرة معلشي تعبتكوا
بس عاوزة اوضح ان لسه فيه امل للاسامعيلي وهارتلاند وكل النتائج واردة ودي كرة قدم يعني مليانة بالمفاجاءات ويارب لاعبيتنا والاهلي مايستهتروش
الاهلي مش هيكون قدامه غير انه يفوز على الاسماعيلي ومش كدة وبس لازم الشبيبة تفوز على هارتلاند وده اللي استبعده ان الشبيبة تدي فرصة للاهلي انه يتأهل
والاسماعيلي كدة كدة هيكون برة

الاسماعيلي امله الاهلي يتعادل مباراة هارتلاند
وهارتلاند يتغلب وهو يفوز على الاهلي

يعني حسابات كتيرة في حالة عدم فوز الاهلي
وان شاء الله الاهلي يتجنب كل ده ويريحنا ويريح كل الناس ويفوز ان شاء الله

سيناريو المباراة والنتيجة بقا
مابقتش اضمن اي شئ ولا حتى بنسبة واحد في المية انا هستنى وهتفرج وهشوف ايه اللي هيحصل

بس المباراة صعبة جدا مش سهلة خالص
ويارب اللاعيبة تدخل مركزة وتعمل حاجة كويسة
وياريت مايستسهلوش المباراة لان هارتلاند هيدافع بمنهتى الاستماته لان التعادل في صالحه برضه
واتمنى الاقي حلول لو حقيقي هارتلاند لعب 11 لاعب دفاع
فيه الكرات الثابتة والتصويب من الخارج واللعب السريع


[/center][/center]