أسوأ ما حصل لي في الفالنتين لما حماتي اتخانقت معايا خناقة كبيرة عشان شايفة إنه كلام فارغ ودلع إن جوزي –اللي هو ابنها- يكلف نفسه ويجيب لي هدية في اليوم ده! أجمل مفاجأة حصلت لي بقى إن جوزي حبيبي جاب لي هدية وسهرنا مع بعض بره البيت! سارة |
أنا مخطوبة عن حب.. وفي اليوم ده عزمني أنا واخواتي عندهم في البيت وهو على فكرة بيحب الموسيقى وبيغني وبيلحن هو ومجموعة من أصحابنا.. رحت ولقيته عازم كل أصحابنا كانوا قاعدين دواير وساكتين وعاملين إضاءة هادية وأول ما دخلت بدأ حبيبي يغني لي أغنية عملها لي مخصوص وهو اللي كتب كلماتها ولحنّها وهمّ عاملين نفسهم كورال... وبعد ما خلّص الأغنية لسه فيه أحلى مفاجأة... إنه حدد ميعاد الفرح وحجز في المكان اللي كنت باحلم إن فرحي يكون فيه.. ريما |
أنا كرهت الفالنتين واللي يتشدد له... بيفكرني لما كنت أنا وحبيبي متضايقين من بعض وأنا علشان أصالحه جبت له هدية بارفان "سنييه" تحفة... ويومها اتخانقنا وكسر زجاجة البارفان. بسنت |
أنا وحبيبي بنحب بعض من أيام الجامعة واتخرجنا واشتغلنا ولسه بنحب بعض، بس كنت بدأت أقلق لأنه مافتحش موضوع الجواز.. في الفالنتين اللي فات قال لي إنه نفسه يجمع كل جروب الجامعة وحصل وخرجنا كلنا سوا وركبنا مركب في النيل.. واحنا في المركب وقدام الكل طلب مني الجواز.. وكان أحلى يوم في عمري.. ادعو لي لأن اليوم اللي أحلى منه هيبقى كمان 4 شهور.. فرحي يا جماعة. خمسة وخميسة |
كنت باموت فيها وكانت بتحبني في الجامعة.. وقررت أتقدم لها بس أجِّلت الموضوع لحد عيد الحب وعرّفت كل أصحابي أنا هاعمل إيه.. كان عيد ميلادها قبل عيد الحب بأسبوع فاتصلت بيها بس وقلت لها كل سنة وهي طيبة. ويوم الحب، جبت لها بوكيه ورد كبير وغالي وهدية محترمة وقدمتها لها وسط أصحابنا وطلبت منها نبقى مع بعض طول العمر و.... رفضتني! حب ولا طالش |
أسوأ فلانتين عدّى عليّ كان السنة اللي فاتت لما خرج مع أصحابه ولا عبرني..! مفروسة |
واحنا قاعدين مع بعض يومها وقبل ما يفتح هديتي، وأنا بالعب بالموبايل بتاعه، لقيت رسالة حب من واحدة تانية.. واكتشفت إنه بيخونّي.. جرح تاني |
أجمل مفاجأة في حياتي حصلت في الفالنتين، لما واحدة صاحبتي جابت لي هدية وقالت لي إن اليوم ده مش بس للي بيحبوا بعض "الشباب والبنات".. مرمر |
ههههههه.. أحلى حاجة حصلت لي في يوم الحب؟؟! مش فاكر غير إني في اليوم ده كتبت كتابي على مراتي حبيبتي.. واحنا دلوقت عندنا بيبي.. ههههههه.. مفاجأة.. صح؟ أحمد |
كنت أول مرة أعترف إنه يوم الحب.. عشان اتصلت بيّ وقالت لي إن باباها اللي كان معصلج معايا وافق على جوازنا.. هيثم |
خطيبتي حبيبتي كانت زعلانة مني ومش بتكلمني لأني مش باهتم بيها زي ما بتهتم بي وبتقول لي إن ده دليل على إنك مش بتحبني زي ما باحبك.. وأنا بصراحة أهبل قوي في الحاجات دي وهي معاها حق.. بس أنا والله باموووت فيها فوق ما تتخيل هي بس مش باعرف أعبر ولا أقول. يوم الفالنتين جه بعد ما اتخانقت معايا بيومين.. رحت وديت عربيتي لمحل الورد وخليته يوزع عليها كلها ورد أحمر وأبيض وروز.. وفوق السيارة عملت صندوق على قد السقف مربوط بفيونكة كبيرة. حطيت فيه الهدية ورحت عندهم ووقفت لها قدام البيت... وصالحتها. الرايق |
أنا باحب اليوم ده أويييييي... أصله كان اليوم اللي ركبت فيه عجلة بثلاث عجلات مع أول إنسانة عرفتها وحبيتها في حياتي على شاطئ البحر... الرومانسي |
كان نفسي أعمل أي تجديد في حياتنا أنا ومراتي حبيبتي ونفتكر أيام الحب والجامعة والخطوبة. روّحت بدري قبلها في اليوم ده وفرشت أرضية البيت بالورد والشموع برائحة الياسمين وورق ورد جاف ريحته حلوة برضه.. واشتريت تورتة وحطيتها على السفرة وسط الشموع.. يعني صرفت حوالي 400 جنيه بس. طفيت النور وقعدت في وش الباب وأنا حاطط إيدي على الكمبيوتر عشان أول ما تدخل أشغل أغنية I want to spend my life loving you بتاعة زورو اللي بتموت فيها، وكان نفسها تبقى في فرحنا ورقصنا عليها سلو.. فتحت الباب وشغلت الأغنية... وأول ما شافت المنظر رمت الشنطة على الأنتريه وقالت: إيه اللي بهدل الشقة كده؟؟! حاجة نكد |
أنا كنت واقع خالص وباموت فيها ولا كنت عارف أنا بالنسبة لها إيه، وجبت لها هدية عشان الفالنتين ومش عارف هاقدمها لها ازي ولا بصفتي إيه.. لحد ما جِه اليوم ده.. لقيتها هي جايبة لي هدية.. حوض سمك كبير بالسمك بكل حاجة.. كانت أحلى حاجة حصلت في حياتي.. بس أسوأ حاجة بقى إن السمك كله مات بعد أسبوع!! الفقري |
» العاب روحانيه ادخل مش هتندم
» لعبه ايه امنيتك
» انا عضوه جديده
» لعبة الاوامر
» والله دي لعبه هتجنني
» قصة لمن يريد التزوج
» اختبر شخصيتك ادخلوو لايفوتكم
» الجائزة 1000 جنية يلا مستنين اية
» اكلات خفيفة وسريعة التحضير
» تعارف عضو زملكاوى جديد
» صور خطوبه عماد متعب على يارا نعوم)(حصريا على الاهلاوى الاول
» كلمات نابعه من قلب محطم " تستحق القراءه
» من افلام جنيفر لوبيز فلم الاجرام والاثارة للكبار فقط مترجم 259 ميجا U Turn دي في دي
» من افضل لاعب مصري
» سجل دخولك على المنتدى بصلاه على النبى
» عايز تبعت رساله تهنئه بشهر رمضان ادخل وشوف وال تعجبك اكتبها
» عيد ميلاد الليله مين عيد ميلاد حبيبة قلبي ادخل هني بسرعه ...!!!
» **هنا بيانات كل الاعضاء**اتفضلم عرفم نفسكم **وتعرفم على غيركم **
» شريط شرين الجديد حبيت *كامل (حصريا)
» هتضحك غصب عنك
» بالصور.. تصاميم ملاعب قطر لكأس العالم 2022
» ايه اكتر موقف محرج اتعرضت ليه؟؟؟؟؟؟؟؟
» ألبوم منوعات اغانى حزن وجرح اروع الاغانى
» *ننفرد كعادتنا بالاغنيه التى هزت الوطن العربى *الضمير العربى *حصريا على الاهلاوى
» اجازة الربيع في دبي مع مكتب ترحال العربية
» اجازة الربيع في دبي مع مكتب ترحال العربية
» برنامج يحول الكتابه الى صوت رجل أو إمرأة
» البطاقه العائليه للرسول عليه الصلاة والسلام " ارجو التثبيت للأهمية"
» جوزية