بسم الله الرحمن الرحيم
مش قادرة اتكلم بجد ولا اسلم عليكم كالعاده بس ياتري فيه حد تخيل اللي حصل
انا الشوط الاول كنت مبسوطه اوي لا انا طول اليوم كنت مبسوطه اوي .. انا اساسا يوم اي ماتش ببقي فرحانه جدااا وبعد اغني لحد الشوط التاني مابدأ وكل شيء اتقلب
كنت بتفرج ودموعي ف عنيا ومش مصدقه اللي بيحصل
بس مافقدتش الامل لاخر ثانيه صحيح لما جه الجون التاني فينا كنت خلاص هدخل انام بس ماقدرش اسيب الاهلي واقوم
ورجعت للحماس تاني بس اقول ايه حراااام اللي بيحصل دة
انا كنت بتفرج واقول حرام
يمكن الاهلي كان وحش بس بذمتكم هل يستحق الخساره
الفرقه التانيه ليست بهذا المستوي العالي ابداااااااااا
احنا كنا متقدمين ف كل حاجة لحد ماجابوا فينا جونيني هجمات مرتده سريعه زي كل مرة ومانعرفش نسيطر عليهاااا
اقول ايه ف الحظ كل الكور اللي ف الشوط الاول بره وهما كام كورة يجيبوا جونين
طيب ازااااااااااااااااااااي
فلافيوووووووووووووو علامات استفهام كتيرررررررة ع مستواه الشوط الاول .. عدم تركيز نهائي كل كوره ف السما وهيه اجوان محققه
كمان بركاااااات يمكن عشان الاصابه فقد الحاسه التهديفيه
احمد حسن انهاردة مش عارفه كان ماله مش متحمس زي كل ماتش
ممكن عشان الغرامه !!
حتي ابوتريكه ماحستشي انه عمل حاجة من ساعة مانزل يمكن حظه وحش مالحقش يتكتك
بس يجماعه الشوط الاول اربع كور ع الاقل اجوان محققه
شفتوا سؤ حظ اكتر من كدة ولا دة عدم تركيز وتخاذل واحنا كنا ضامنين الفوز
الجهاز الفني مانويل جوزيه مش هاين عليه يقوم يقف الا كتر خيره اخر عشر دقايق لقيته بيحس وواقف
وانا اللي من اول الشوط التاني وانا مش عارفه اعد الجماهير ليها الحق تتخض بعد الجونين كله سكت ومش عارف ينطق هيقولوا ايه انا مش مصدقه نخرج من دور ال 16 مش معقوووووووووووووووووووول
اللعيبه بعد مادخل فينا الجونين واكنها مش قادرة تتحرك اكيد العامل النفسي مهم
بس لو فيه مدرب بيحس ليه مايقومش يحمس لعيبته يقلهم فيه امل والفرقه التانيه اللي لاول مرة كنت عاوزة اقول للجماهير انزله عليهم ماتسبوش حد سليم هههههههههه اقول ايه عمالين يضيعوا الوقت ويكسروا حماسنا وتوترنا زيادة
بالنسبه لمانويل جوزيه انا صابره عليه من زمان ومش راضيه اتكلم بس انا فعلا ليا عليه كلام كتيرررررررر
اللعيبه هيه هيه ماتغيرتش يجماعه بس ايه حصل هبوط بدني وحماسي غريب
اكيد الفنيات مش هتتغير بس لو مركزين هنعرف نبدع لو فيه مدرب بيشستغل زي الاول عشان يصنع اسم وتاريخ كان دة هيحصل
بالتاكيد مش بنهي تاريخه وبالتاكيد عمل كتير بس هوة احنا ليه كدة بنحب نبقي الوضع كما هو عليه ونقول دة استقراااار !!!!
ع فكرة محمد شوقي كان بينفعنا كتير ف نص الملعب
ومتعب حرااااام خسرنااااااااااك يامتعب ارجع بقي وقوم بالسلامه والله ماكنت بفقد الامل طول ماموجود ف الملعب بحسه ممكن يجيب جون ف اي ثانيه وانا عارفه ان كل الاهلاوية عندهم ثقه فيه كبيره مهما كان بيطول غيابه حتي قرايبي الزمالكويه كانوا بيخافوا منه
الحضري مش هتكلم هوة خسر نفسه وخسر كل حاجة قبل ما الاهلي يخسر
خط الدفاع
انا سمعت متعب بيقول الفرقه لو كلها فايقه بالتاكيد الدفاع مش هيكون بالحاله دي وبالتاكيد اي تأثير ف نص الملعب بياثر ع الدفاع
ليه ملاحظة غريبه ع الاهلي
احنا ليه مش بنعرف نضغط ع المنافس
ابدا مش بحس اننا بنعرف نعملهاااا وكل الفرق تجيد فعلها امام الاهلي ودة دايما يبوظ خططنا
مانويل جوزيه يجماعه من وجهة نظري السبب ف الجون الاول بلا منافس
لانه لما خرج سيد معوض نزل راس حربه والجنب الشمال ساعة الكورة ارتدت كان فاضي تماما كنت بدور ع لاعب يقابل بس جلبرتو كان لسه مانزلشي ومحدش توقع ان الجون يجي في سرعه كدة وع بغته مننا
ومسافة التغيير مايحصل
هقووول ايه
بطولة الدوري رااااااحت ونمنا اعتقد كلنا زعلانين انا عن نفسي امبارح بعد الماتش ماقدرتش ادخل المنتدي كنت حاسه مش هعرف اقول كلمه
عموما عزائي الوحيد هوة بطولة الكونفدراليه بس ياتري هيكون ايه ردكم لو ضاعت زي غيرها
هيكون ايه ردنا ع الدوري اللي واقف ع كف عفريت زي مابيقولوا
والا شماته الحاقدين فينا
هقول ايه هما الزمالكوية مش لاقيين فرقتهم يفرحوا بيها بقم بيفرحوا بخسارتنا لان الاهلي كبير دااائما
بصراحه هما صعبانين عليا مش عارفه وهما كل حاجة ضاعت منهم لسه بيشجعوا كورة ازاي
اذا كنت انا هموت عشان خرجنا من افريقيا
لا والا يغيظكم اكتر الاسمعلوية يقولولك الاهلوية يتغلبوا من اي فرقه صفرا عشان بتفكرهم بالاسماعيلي !!!!
صحيح فرق تعبانه مفيش تاريخ بيتكلموا ع ايه اساسا
بصراحه كان لازم اكتب كل حاجة عشان ارتاح شوية عشان الحاله امبارح كانت لا توصف
وبرده هنفضل نقووول اووووووو اهلاوووووووووووي مهما طااال الزمان ولكن لا بد من وقفه
ان يقف اللاعبين مع انفسهم قبل كل شيء المدرب والجهاز الفني لازم وقفه ونعزز من الروح المعنوية قبل كل حاجة
عموما كما قال ادمنا العزيز قدر الله ما شاء فعل
وانا بقلكم هيه الكورة كدة بس فعلا احنا مكناش نستاهل الخساره امبارح بس ربنا رايد
انا اريد وانت تريد والله يفعل مايريد ولكن فلتبقي الكلمة الاخيره للفانله الحمراء ف
بطولة الدوري
تو بي اور نوت تو بي
اكون او لا اكون
» العاب روحانيه ادخل مش هتندم
» لعبه ايه امنيتك
» انا عضوه جديده
» لعبة الاوامر
» والله دي لعبه هتجنني
» قصة لمن يريد التزوج
» اختبر شخصيتك ادخلوو لايفوتكم
» الجائزة 1000 جنية يلا مستنين اية
» اكلات خفيفة وسريعة التحضير
» تعارف عضو زملكاوى جديد
» صور خطوبه عماد متعب على يارا نعوم)(حصريا على الاهلاوى الاول
» كلمات نابعه من قلب محطم " تستحق القراءه
» من افلام جنيفر لوبيز فلم الاجرام والاثارة للكبار فقط مترجم 259 ميجا U Turn دي في دي
» من افضل لاعب مصري
» سجل دخولك على المنتدى بصلاه على النبى
» عايز تبعت رساله تهنئه بشهر رمضان ادخل وشوف وال تعجبك اكتبها
» عيد ميلاد الليله مين عيد ميلاد حبيبة قلبي ادخل هني بسرعه ...!!!
» **هنا بيانات كل الاعضاء**اتفضلم عرفم نفسكم **وتعرفم على غيركم **
» شريط شرين الجديد حبيت *كامل (حصريا)
» هتضحك غصب عنك
» بالصور.. تصاميم ملاعب قطر لكأس العالم 2022
» ايه اكتر موقف محرج اتعرضت ليه؟؟؟؟؟؟؟؟
» ألبوم منوعات اغانى حزن وجرح اروع الاغانى
» *ننفرد كعادتنا بالاغنيه التى هزت الوطن العربى *الضمير العربى *حصريا على الاهلاوى
» اجازة الربيع في دبي مع مكتب ترحال العربية
» اجازة الربيع في دبي مع مكتب ترحال العربية
» برنامج يحول الكتابه الى صوت رجل أو إمرأة
» البطاقه العائليه للرسول عليه الصلاة والسلام " ارجو التثبيت للأهمية"
» جوزية