موهوب

فى احدى برامج الكابتن مدحت شلبى قال بأن هناك صحفى من اصحاب الصحف الصفراء او الباهته مش فاكر بالضبط المهم ان هذا الصحفى قال ان مقدموا البرامج الرياضية يتقاضوا اجور قد تزيد عن 100 الف فى الشهر فى حين ان الشباب يتظاهر امام مجلس الشعب ليجد فرصة عمل بمبلغ 300 جنيه فى الشهر ماذا كان رد الكابتن مدحت قال له انت باصص لنا على 100 الف فى الشهر انت مش عارف انه فى مطرب ممكن يتقاضى المبلغ ده فى حفله لا تزيد عن ساعه او ساعتين واضاف الكابتن مدحت وقال وثانيا انت لا تعرف اللغه الانجليزيه وهو يخاطب الصحفى قال له لو تعرف انجليزى كان عرفت انه فى كلمه اسمها تلنت وهى تعنى موهوب انا واحد بيسمع البرنامج استغربت وتعجبت هو لازم الواحد يعرف كلمة تلنت اللى معناها موهوب او عبقرى يعنى مينفعش يعرف موهوب او عبقرى لازم تلنت المهم نحن مع كلام الكابتن مدحت شلبى قال له لو انت تعرف كلنة تلنت كان عرفت انه فى ناس تستحق الالاف وناس تستحق الملايين وفى هذا الوقت عرفت انى انا واحد مش تلنت انا مش تلنت واعترف واقربس ما افرحنى انى 99.9 فى المئه من الشباب مش تلنت التلنت هم الكابتن مدحت شلبى وامثاله من التلنت اما نحن فلا انا حتى مش عارف اكتبها بالانجليزى talent الله واكبر كتبتها يمكن اكون تلنت بس انا اعترف ان الكابتن مدحت شلبى تلنت لانه يتقاضى هذه المبالغ فى زمن لا يجد الشباب فرصة عمل ب 300 جنيه لانه نحن فى زمن التلنت ربنا يتولنا برحمته وينقذنا من التلنت لانه على كل شىء قدير