
BONBONAYA- ** مشرفه فى المنتدى الاهلاوى **


عدد الرسائل : 3403
العمر : 29
الموقع : https://ahly-123.ahlamontada.com/profile.forum?mode=editprofile
العمل/الترفيه : النــــــــــت
المزاج : الإبتسامة ... إنها لا تستغرق لحظة لكن ذكراها يبقى لآخر العمر
نقاط : 11610
نقاط تميز العضو من خلال تقييم مواضيعه من الاعضاء : 7
تاريخ التسجيل : 07/10/2007
من طرف BONBONAYA الأربعاء 27 مايو 2009, 9:28 pm
الفصل الحادي عشر
الجزء الرابع
الحلقة الاخيرة
( الجزء الخامس )
عمر كان واقف وبيتأمل بنته وهي بتلعب .. ايوة كانت بتضحك بس ما كانتش عجباه ... كان حزنها باين عليها .. وحرام بنت في السن دي تحزن بالشكل دى وتشيل الهم من دلوقتي .. وحاول عمر كتير معاها عشان يخرجها من الحالة اللي هي فيها .. بس هي خلاص حكمت على نفيها وقعدت في القوقعة بتاعتها ومش عايزة تخرج منها .. وفي نفس الوقت ازادت تعلق بابوها .. مش عايزاه يغيب عنها لحظة .. افترك موقف حصله من يومين .. اصحابه اصروا عليه انهم يسهروا مع بعض .. وهو ما كنش ليه نفس .. بس انحرج منهم ووافق .. طلب من رهف انه تهتم وتعشي مي وتنيمها .. وبعد حوالي ساعة اتصلت بيه رهف وبتقوله ا ن مي مش عايزة تنام .. رجع للبيت عشانها واول ما شافته فضلت حضناه ومش عايزة تسيبه .. لغاية لما نامت في حضنه .. عدم وجود جدها وميرنا في البيت خلاها تخاف انه تفقد اعز الناس ليها اللي هو ابوها .. غير انشغال امه واخته وكمان مرات اخوه بميرنا .. وما فيش حد بيهتم بيها كل دى حلاها تتعلق بابوها قووي .. وفي نفس الوقت ازادت تعلقها بمدرستها ابلة سهى .. اللحظات الوحيدة اللي بيشوفها فرحانة لما بتروح المردسة .. دي بنتي وانا لازم امن مستقبلها .. وامنها حياة طبيعية .. زي غيرها من الاطفال اللي في سنها .. امي كبرت وما بقتش فاضية .. ورهف ومصيرها حتتجوز .. وميرنا وراها انشاء الله .. مين اللي حيفضل وحيرعى بنته وهو في الشغل .. واذا حصلي حاجة مين اللي حيخلي باله منها ... ومش بس كدة .. هي محتاجة لحنان الامومة في حياتها .. ودى مش حتلاقيه الا عند عماتها .. انا بفكر في ايه .. .. صرخ قلبه .. انا بفكر في ايه معقول بفكر في الجواز بعد فاطمة .. اكيد عقلي فيه حاجة .. رد العقل .. ماتكونش اناني .. قبل ما تفكر في نفسك فكر في بنتك .. انت مش شايف حالتها عاملة ازاي ..
مي: بابا بابا..
فاق من السرحان اللي هو فيه على صوت مي وهي بتنادي عليه وماسكة بنطلونة ...
عمر: نعم يا حبيبتى
مي: تعالى نلعب اللعبة دي ؟
عمر: لا يابابا دي خطيرة ..
مي: انا عايزة اركبها ..
عمر : حتيجي في نصها وتعيطي وتقولي انا عايزة انزل
مي بعزم: انا ما بعيطش
ودى اللي حيموتني يا مي .. عايزك تعيطي وتطلعي كل اللي جواكي .. انت طفلة مش كويس الكبت اللي انتي فيه دى .. رن موبيه .... لقى على الشاشة .. لقى اسم اخوه
عمر: السلام عليكم .. ازيك يا عبد العزيز
عبدالعزيز: وعليكم السلام .. الحمد لله انت عامل ايه
عمر: تماام بخير انت اخبارك ايه واخبار ميرنا
عبدالعزيز: لسة فاكر ان ليك اخوات ليه ما بتتصلش بيا
عمر: ههههه والله كل يوم بتصل بميرنا مالك ا نت
عبدالعزيز:ماشي حعديها بمذاكي المرة دي .. المهم انت فين دلوقتي .
عمر: في مشوار
عبدالعزيز: مشوار والا قاعد تلعب
عمر: هههههههههه.. ما دام انك عارف بتسأل ليه
عبدالعزيز: انا غلطان انت وحشتني وقلت اتصل بيك عشان تيجي واشوفك
عمر: انت هنا ؟؟؟؟؟؟؟؟
عبدالعزيز: ايوة انا في البيت .. حتخلص امتى وتيجي ..
عمر بلهفه: ميرنا معاك
عبد العزيز : ايوة
عمر: دلوقتي جاي
عبد العزيز : يعني لو ميرنا مش معايا ما كنتش جيت دلوقتي ... صح
عمر: ههههههههه روح بس.. يالا مسافة الطريق انشاء الله
عبدالعزيز: ههههههه
وقفل التليفون مع اخوه وبص لمي
عمر: مي حبيبتي كفاية كدة عشاننروح البيت دلوقتي عمو عبد العزيز وعمتو ميرنا وصولا وهما في البيت
مي بهدوء: طيب
لييييه مي .. معقوله مش مشتاقة لعمتها .. ليه ما تعبريش عن شعورك لييييييييييييييه ..
بعد اسبوع من وصول ميرنا البيت .. جات ام خالد تزورهم وتطمن عليها .. الخدامة جراحت لاوضة ميرنا وقالتلها ان انها عايزاها تيجي عشان تسلم على ا م خالد ..
ميرنا : ام خالد هنا ؟؟
الخدامة : اوية .. و المدام بتقولك تعالي بسرعة
ميرنا بتفكير .. طيب طيب روحي انتي دلوقتي .. واقفلي الباب وراكي ..
وبعد ما خرجت الخدامة .. قعدت ميرنا تفكر .. ام خالد .. ايه اللي جابها هنا .. اوعى تكون جاية عشان تتكلم في الجواز .. خلاص كل حاجة انتهت .. ولا عايزة تشوفني هل حنفع لابنها ولا لاء .. ووقعت عنيها على المرايا ..وقعدت تشوف وشها .. .. قربت من المرايا .. ورفعت الشاش اللي على وشها .. وشافت الخطوط المتعرجة .. لونها احمر مايل للبنفسجي .. كان منظرها بشع جداا .. ما قجرتش تتحمل الم نظر ورجعت الشاش مكانه .ز لا مستحيل اطلع واقابلها وانا بالشكل دى
الباب خبط
رهف : مين
رهف : انا رهف ممكن ادخل ..
ميرنا : تعالي
رهف : انتي لسة ما لبستيش .. امي بتقول يبسرعة
ميرنا : مش عايزة اطلع
رهف وهي معقده حواجبها: ليه طيب
ميرنا : انتي عا يزاني اقابلها وانا بالشكل دى
رهف : وفيها ايه
ميرنا : لالالا مش ع ايزة ..
رهف : ميرنا والله عيب ..
ميرنا بدات تفقد اعصابها .: لا عيب ولا حاجة .. وممكن لو سمحتي تسبيني لوحدي ..
رهف وهي بتحاول تقرب من ميرنا : ميرنا
ميرنا : انت ما بتسمعيش .. ما بتفهميش .. برا .. اطلعي برا ..
رهف : اسفة يا ميرنا مش قصدي اني اضايقك ...
ميرنا مش عايزة تضعف قدام رهف .. هي حاسة بنار جواها .. مش عايزة تبينلهم انها بقيت ضعيفةوعاجزة ..
ميرنا : انا عايزة اقعد لوحدي ..
ولما شافت لقيت رهف لسة واقفة قدامها ..
ميرنا : لو سمحتي
خرجت رهف من اوضة ميرنا وهي حزينة على اختها .. اما ميرنا اول ما طلعت رهف قعدت تعيط .. لغاية لما اتبل الشاش اللي على وشها ..
بعد ما مشيت ام خالد .. طلعت فوزية لاوضة ميرنا .. ميرنا احرجت امها قووي عشان مانزلتش وسلمت على ام خالد .. وام خالد كانت بتتصل كل يوم تتطمن على ميرنا .. يبقى دي جزاتها .. والمفروض ميرنا تقدر الموقف دى ..
خبطت فوزية على ميرتا وما ستنتش رد ودخلت ا وضتها .. لقيتها قاعدة على الكرسي وبتقرا المجلة .. رفعت ميرنا راسها ولقيت امها حاية ناحتيها وقعدت قدامهاعلى السرير ....
فوزية : انتي تعبانة ..
ميرنا : لا ما فيش حاجة يا ماما
فوزية : طيب ليه ما جتيش تسلمي على ام خالد ..
ميرنا : ماليش نفس ومش عايزة اقابل حد ..
فوزية : مش عيب الست تيجي لغاية هنا عشان تتطمنت عليكي وانت ما ترضيش تسليم عليها ..
ميرنا : مش كدة يا ماما .. بس ما اقدرش اقابل حد ما اقدرش
فوزيه بصتلها بشفقة وكلمتها بصراحة : عشان ما بتمشيش ..
ميرنا وهي بتبص لامها وعنيها بتلمع من الدموع : ياريته يجي على المش بس يا ماما في حاجت تانية كتير ..
فوزيه: انشالله بعد العمليه حترجعي احسن من الاول ...
ميرنا بصوت مرتجف: انشالله ..
بعد صمت ...
فوزيه: تعرفي ليه ام خالد كانت هنا النهاردة ؟
ميرنا : عشان تشوفني ..
فوزيه: طبعا .. بس كانت عايزة تتكلم في موضوع الجواز
ولاحظت فوزية عدم اهتمام بنتها بالموضوع وانها ما علقتش على الكلام اصلا ..
فوزيه: انتي مش عارفة هي قالت ايه
ميرنا : انا عارفة مش محتاجة انك تقولي . الحمد لله انها جت منهم
فوزيه باستغراب: هو ايه اللي جت منهم
ميرنا : فسخ الخطوبة
فوزية : ليه بعد الشر .. ام خالد تقول ان الولد شاريكي ومتمسك بيكي وانشاء الله بعدما تخلصي العلمية بتاعتك وتهدى الظروف ويخلص حداد ابوكي .. حيجوا ويتفقوا على كل حاجة .
ميرنا : انتي بتقول ايه بذمتك انتي عايزاني اتجوز وانا في الحالة دي
فوزية : ربنا حيشفيكي انشاء الله
ميرنا : انا مستحيل امشي تاني .. وحتى لو شفيت اتجوز ازاي وابويا مات
فوزيه بحزن: الله يرحمه
ميرنا : يا ماما كفاية انا مش عايزة اتجوز .. وحصوصا ياسر .. لو سمحتي ما تجبرنيش على الجواز .. انا مش عايزة
فوزيه: وليه طيب .. واشمعنى ياسر بالذات
ميرنا : ياسر شافني قبل ما اتشوه .. وهو حتى ما جاش المستشفى ولا سأل عني مرة واحدة
فوزيه باندافاع: ما تشوهتى .. دي جروح وحتروح انشااء الله مع العملية ..
ميرنا : برضه حيبقى فيه علامة ..مش حرجع زي الاول ....
فوزيه: الجمال جمال الروح
منيره: ما يهمنيش جمال الروح .. يماما انا انسانة عاجزة .ز انا مش حمشي ومشوهة .. انا مش عايزة اتجوز مش عايزة
فوزيه:كفاية يا ميرنا كلامك دى بيقطع قلبي
ميرنا : هي دي الحقيقية .. لازم نتقبلها حتى لو كانت مؤلمة ... وانا مؤمنة بقضاء الله وقدره
فوزيه اندهشت من حكمة بنتها: ونعم بالله...
لاحظت على بنتها اثار التعب .. ميرنا بتتعب بسرعة
فوزيه وهي تقوم : طيب اسيبك دلوقتي عشان ترتاحي ..
ابتسمت ميرنا لامها : شكرا يا ماما
وساعدتها امها انها تنام على السرير .. لغاية دلوقتي مش قادرة ميرنا تتعود على انها تعتمد على نفسها في انها تروح من السرير للكرسي والعكس
بالليل جاتلهم نورة وكانوا كلهم قاعدين بيتعشوا .. بعد ما خلصت نورة كانت عايزة تروح ولان جوزها كان مسافر وصلها عمر للبيت ..وهما في الطريق قعدوا يتكلموا شوية
نورة : تعرف انا شوفت مين انبارح
عمر وهو عاقد حواجبه: مين؟
نوره: ابلة مي
عمر: ابله سهى
نوره: هههههههه .. وانت اش عرفك بيها
عمر: هو انتي ناسية انها مدرسة بنتي .. دى غير كلام مي عنها كل يوم ..
نورة : بس بجد مردسة حلوة وطيبة وزي العسل .. وتصدق ان مي كانت دايما بتفكلاني بيها .. سبحان الله
عمر : وليه بتفكر بيها
نورة: يعني بتقول على اللي هي حاساه وشعورها اتجاه مدرستها ... فيها ايه دي
عمر:اااااه
نوره: المسكينه فقدت امها في سن صغير ..
عمر: الله يرحمها
نوره: قعدت اتكلمت انا وهي فترة طويلة ..
عمر: وانتي عرفتيها منين
نوره: كانت معايا في الجامعة .... بس هي اصغر مني بسنتين
عمر:اااااه
نوره :على فكرة بتموت في بنتك وبتحبها موووت .. وكانت طول الوقت بتكلمني عن بنتك .. وشكرت فيها قوووي وقالت انها شاطرة ومؤدبة
عمر من غير سابق انذار: هو شعرها احمر ؟
نوره باستغراب: لا ليه ؟؟
عمر: سؤال
نوره: هو انت شوفتها ولا ايه ؟
عمر: هههههههه.. حشوفها فين بس يا مجنونة... انا بسأل بس
نوره: مش عارفة بس سؤال غريب شوية
عمر: اصل مرة دخلت على مي اوضيتها وهي بتحاول تلون شعرها احمر بتقولي زي الابلة سهى ...
نوره: ههههههههههههههههههههههههههههههه... حرام عليها شوهت صورتها .. هي شعرها كستنائي وعاملة فيه ميش عنابي مش احمر ...... ههههههههههه وعشان خاطر مي خليها احمر
عمر: ههههههه وهي اش عرفها بالالوان دي كلها ... هي جت على بالها احمر
نوره بنبره صوت غير: مش غريبة يا عمر
عمر : هو ايه اللي غريبة ؟
نوره: تعلق مي بابلتها .. يعنى مي ما تتعلقش باي حد بسهوله
عمر وهو يتنهد: مش عارف والله
نوره وهي بتلف على الكرسي اللي ورى : البنات ناموا
وقف عمر قدام بيت نوره
عمر: ليه ما نمتيش عندنا مادام احمد مسافر
نوره: ما ينفعش وكمان ما عملتش حسابي في لبس البنات
عمر: كانوا خدوا هدوممن مي
نوره: معليش..المرة الجاية انشاء الله
ونزلت وهي شايلة عبدالرحمن ....اما عمر شال البنات اللي كانوا نايمين ورا ..ودخلهم البيت
نوره: شكرا يا عمر تعبناك
عمر: بس يا عبيطة ... خلي بالك من نفسك ومن العيال
نوره:خلي بالك وانت بتسوق وما تجريش ...
عمر:حاضر ... انشالله ..
كانت فاردة نفسها على السرير ... حاولت تروح لكرسيها ... حاولت تتسند وتروح للكرسي .. حطت كل ايد على دراع الكرسي .. وحاولت تنقل جسمها من السرير ليه .. بسبب ثقل جسمها على الكرسي وبسبب العجلات الي تحت .. دفع الكرسي على ورى وهي لازالت معلقه بين الاثنين .. فوقعت على الارض جامد ...
في الوقت دى كانت سارة نازلة لتحت عشان تجيب كوباية حليب لعبد العزيز .. سمعت صوت حاجة بتقع من اوضة ميرنا .. شافت النور طالع من اوضتها عرفت انها صاحية مش نايمة ... ولان الصوت كان عالي فتحت الباب على طول ..شافت ميرنا واقعة على الارض بين السرير والكرسي ... وهي في الارض وراسها دافناه في الارض وكتافها بتهتز وبطلع صوت مكبوت .. عرفت سارة انها بتعيط ... راحتلها على طول وقعدت جمبها ..
سارة : ميرنا مالك .. اتعورتي ولا ايه
ارتفع صوت عياط ميرنا .. قعدت سارة على الارض جمبها وحطت اديها على كتف ميرنا ..
وبطبطب عليها .. كانت ميرنا في الفترة اللي فاتت كانت ميرنا متقبلة وضعها وكانت بتحمد ربنا على ما ابتلاها ... وعمرها ما اشتكت او عيط على حالها .. ايوة هي عيطت بس مش لدرجة الانهيار .. كانت صعبان عليها نفسها ..
سارة : ميرنا يا حبيبتي ..قومي ..
حاولت تشيلها من على ا لارض ..
ميرنا : روحي وسيبيني ..
سارة : ما اقدرش اسيبك .. انا حساعدك
ميرنا وهي بتعيط : مش عايزة حد يساعديني انا اقدر اقوم لوحدي ...روحي مش عايزة حد معايا في الاوضة ...
اتقبلت سارة كلامها لانها ماتلومهاش على الحالة اللي هي فيها دي
سارا:طيب انا حمشي بس بعد ما تقومي
ميرنا بعصبية : قلتلك روحي دلوقتي
سارة : لاء مش رايحة الا لما اقومك
ميرنا : انتوا عايزين مني ايه ليه مش عايزين تسيبونوني في حالي ...حرام عليكم والله حرام .. ورجعت تعيط تاني ..اتقطعت قلب سارة على صحبيتها .. وقعدت تبصلها بنظرة الشفقة ..
ميرنا : انا مش عايزة حد يبصلي بنظرة الشفقة .. مش عايزة شافقتكم فاهمين .. مش عايزاها .. انا ليه عشت ... ليه ياربي ما ختنيش مع ابويا كنت ارتحت من اللي انا فيه .. ل
وقعدت تعيط اكتر
سارة : ميرنا حرام اللي انتي بتقوليه دى ... استغفري ربنا
ميرنا بعياط : خلاص يا سارة انا حياتي انتهت .. المفروض اني مت .. ما ينفعش اعيش .. انا مش قدرة استحمل .. مش قادرة اتحمل الالم اكتر واتعذب اكتر من كدة .. مش قادرة
قربت منها سارة وضمتها ليها .. وميرنا قعدت تعيط في حضن سارة .. وسارة تعيط معاها في نفس الوقت ..
ميرنا : انا عايزة اموت ... عايزة اموت ..
سارة : لا يا ميرنا ما تقوليش الكلام دى ... حرام ... ازاي عايزانا نعيش من غيرك .. عايزة تبعدي عننا ليه
ميرنا : وانا اعيش بالشكل دى ليه
سارة : انشاء الله بعد العملية كل حاجة حترجع احسن من الاول .. وحترجعي لحياتك ولدراستك وتحققي اهدافك .. خلي املك كبير بربنا
ميرنا : ونعمة بالله .. ساعديني اني ارجع للسرير
سارة : حاضر ..
يعد ما ساعدت سارة ميرنا .. وغطتها باللحاف ..
سارة : الكلام اللي انتي قولتليه حرام .. المفروض انك تحمدي ربك ... في ناس اصعب منك بكتير ...قولي الحمد لله ...
ميرنا : الحمد لله
سارة : اقري قران واهدي كدة يا حبيبيتي .. اجيبلك حليب دافي
ميرنا :لا شكرا
سارة : مش عايزة اسمع منك الكلام دى تاني
ميرنا : بس انا خايفة
سارة : من ايه ؟
ميرنا : من حياتي .. من العملية ... من كل حاجة
سارة وهي بتبتسم وبطمن ميرنا : بعد ما تعمل يالعملية حترجعي احسن من الاول .. وحتتجوزي ياسر .. وحتروحي الجامعة .. وحترجع حياتك طبيعية زي الاول واحسن كمان .. بس انتي خلي ايمانك بربنا كبير
ميرنا :لا ياسارة مستحيل ارجع الجامعة .. انا قلت لعبد العزيز واحنا في لندن انا يسحب ملفي ويلغيني من الكلية
سارة : ازاي .. وليه ؟
ميرنا بدأت تعيط ولفت وشها الجهة التانية : بس ياسارة .. انا ما اقدرش اروح بالشكل دى ..
سارة : احنا مش اتفقنا دلوقتي ..
ميرنا : خلاص يا سارة سيبني دلوقتي انا عايزة انام
سارة : لا انا حقعد جمبك
ميرنا : روحي لعبد العزيز .. اكيد هو مستنيكي دلوقتي .. يالا يا سارة ..
سارة : لو انتي عايزة كدة ماشي
ميرنا : ايوة
عرفت سارة ان ميرنا عايزة تقعد لوحدها .. فسابتها على راحتها .. وكانت رايحة على اوضتها فافتكرت الحليب عشان عبد العزيز .. فراحت المطبخ ومسحت دموعها ودخلت على عبد العزيز ..
عبدالعزيز وهو يشوف سارا تدخل الغرفه وفي ايدها كوباية الحليب
عبدالعزيز: اتأخرتي قوي يا سارة
سارة : مش لاقيا الحليب وقعدت ادور عليه
عبدالعزيز: ماشي
سارا: عبدالعزيز ..
عبدالعزيز : امم
سارا:هي ميرنا قالتلك انها تسحب ملفها من الجامعة ..
عبدالعزيز: ايوه
سارا باستغراب: وسحبته ..
عبدالعزيز: لا طبعا ...
سارا: الحمد لله .. احتمال تغير رايها ..
عبدالعزيز: دى اللي انا قلته عشان كدة ما سحبتهوش
سارا: طيب عبد العزيز ينفع اروح معاكم الاسبوع الجاي لندن
عبدالعزيز:انتي مش عندك جامعة
سارا: ايوة بس ما فيش امتحانات دلوقتي .. وانا ممكن اخد غياب
عبدالعزيز: لا ياسارة دى مش يوم ولا يومين دى اسبوع يا سارة ..
سارا: عايزة ابقى جمب ميرنا وهي بتعمل العملية ..
عبدالعزيز:كلهم نفسهم يبقوا جمبها .. انتي قعدي هنا وخلي بالك من دراستك .. وكمان عايزاكي تبقي جمب امي ورهف
سارا:ميرنا يمكن تحتاجني
عبدالعزيز: انا حكون معاها .. ولا انتي مش واثقة فيا
سارا: لا طبعا انت قدها وقدود ... بس
عبدالعزيز: خلا ص سارا قلت لا ... ما تحاوليش كتير
سارا : ماشي اللي تشوفه
_________________
سامعين مليون
هنشجع ونكون ورا منتخبنا
هنكون معاهم ورا ومعاهم قلوبنا
بنحب الكورة وهنشجع ولادنا
ما تايلا فرصة اجادنا
الجون فى ايدينا هنشجع بلادنا
مفيش حد هيشجع نادى
الكل واحد هيشجع بلادى
ونلف القريه ونسجل ونقول مصر
بيحس واحد ويقول مصر ........ دى فرصة نشرف بلادنا
» العاب روحانيه ادخل مش هتندم
» لعبه ايه امنيتك
» انا عضوه جديده
» لعبة الاوامر
» والله دي لعبه هتجنني
» قصة لمن يريد التزوج
» اختبر شخصيتك ادخلوو لايفوتكم
» الجائزة 1000 جنية يلا مستنين اية
» اكلات خفيفة وسريعة التحضير
» تعارف عضو زملكاوى جديد
» صور خطوبه عماد متعب على يارا نعوم)(حصريا على الاهلاوى الاول
» كلمات نابعه من قلب محطم " تستحق القراءه
» من افلام جنيفر لوبيز فلم الاجرام والاثارة للكبار فقط مترجم 259 ميجا U Turn دي في دي
» من افضل لاعب مصري
» سجل دخولك على المنتدى بصلاه على النبى
» عايز تبعت رساله تهنئه بشهر رمضان ادخل وشوف وال تعجبك اكتبها
» عيد ميلاد الليله مين عيد ميلاد حبيبة قلبي ادخل هني بسرعه ...!!!
» **هنا بيانات كل الاعضاء**اتفضلم عرفم نفسكم **وتعرفم على غيركم **
» شريط شرين الجديد حبيت *كامل (حصريا)
» هتضحك غصب عنك
» بالصور.. تصاميم ملاعب قطر لكأس العالم 2022
» ايه اكتر موقف محرج اتعرضت ليه؟؟؟؟؟؟؟؟
» ألبوم منوعات اغانى حزن وجرح اروع الاغانى
» *ننفرد كعادتنا بالاغنيه التى هزت الوطن العربى *الضمير العربى *حصريا على الاهلاوى
» اجازة الربيع في دبي مع مكتب ترحال العربية
» اجازة الربيع في دبي مع مكتب ترحال العربية
» برنامج يحول الكتابه الى صوت رجل أو إمرأة
» البطاقه العائليه للرسول عليه الصلاة والسلام " ارجو التثبيت للأهمية"
» جوزية