آخر موضوع ليا هنا فى المنتدى

الرياضه فى مصر ..زباله ..عارف ليه ..تعالى اقولك

الرجاء قرائة الموضوع بدون تعصب والحكم عليه
والرجاء الاستفادة بذلك
________________________________________

الجمهور محتشد في المدرجات يرفع الأعلام البيضاء والحمراء، وكل فريق منهم يردد هتافات خاصة مهذبة لائقة تحترم مشاعر الفريق الآخر.. حتى شوف..
" (.............) يازمالك"
"(..............) يا أهلي"
"آه ياني آه ياني آه ياني.. الزمالك طول عمره التاني"
"ماتقولشي يمين ولا شمال.. ياحلاوة الأهلى بتلاتة الهلال"
"ياللا ياللا ياللا.. الزمالك بيخسر جوه وبره"
"هوبا هوبا هوبا.. فضيحة الأهلي وصلت أوروبا"
وبعد أن أطلق الحكم صافرة البداية بدقيقة واحدة فقط.. يحرز الأهلي هدف التقدم فتهتف جماهيره سعيدة وتبدأ جماهير الزمالك في إطلاق الشتائم والسباب للاعبي الأهلي كل واحد باسمه؛ لأنه "إزاي يعني يجيبوا جون في الزمالك"، قبل أن يحرز الزمالك هدف التعادل فتهتف جماهيره وتهلل سعيدة مبتهجة وتتحول جماهير الأهلي إلى إطلاق الشتائم والسباب للاعبي الزمالك كل واحد باسمه؛ لأنه "إزاي يعني يجيبوا جون في الأهلي"..
وبعد أن تتبادل الجماهير كل مالذ وطاب من شتائم جديدة ومبتكرة وينسون في وسط هذا الحماس الرهيب أن يشجعوا فريقهم تنتهي المباراة بالتعادل..
وتخرج الجماهير وقد سن كل واحد فيهم أسنانه استعدادا للمعركة القادمة..فين؟ في القهاوي والشوارع وفي البيوت والشغل والجامعة .. ده أنت غريب قوي!
***
ع القهوة

يجلس "حسونة" مرتديا فانلة الزمالك البيضاء وهو يمسك في يده كوبا من الشاي ويقول لأصدقائه بأعلى صوته حتى يسمع جاره في المقهى "عوضين":
"هع هع هع.. بس قطعناهم في الماتش.. أنا أصلا مش عارف الأهلي ده بيلعب كورة ليه.. آه ممكن يلعبوا سلة.. يد.. طايرة.. أي حاجة.. إنما الكورة دي مايصحش يلعبوها خالص.. ياعم دي فرقة خسرت من الهلال السوداني بالتلاتة.. يبقى المفروض يلعبوا بلي أحسن.. هع هع هع.. آه والله بلي مسافات طويلة هع هع هعهوع!"

يقف "عوضين" منفعلا في قلب المقهى وهو يمسك في يده اليمنى بزجاجة مياه غازية قبل أن يقول لرفاقه الملتفين حوله وقد ارتدوا فانلة الأهلي الحمراء المميزة:
"والله ياجدع الواحد مش عارف هي ليه القرعة -القرعة واخد بالك- بتتباهى بشعر بنت عمة أبوها.. يعني ياريت حتى بنت أختها.. والله فرقة الزمالك دي صعبانة عليّ.. تحس إن جماهيرها مولودين ياعيني وعندهم عقدة نقص.. وبعدين موضوع الستة واحد ده عامل لهم برضه "تربنة في الاستبحس"... هعهع هوو لعلعلع.. آه والله في الاستبحس.. بيتهيألي المفروض الزمالك يبطل يلعب كورة ويد وسلة.. وبلي كمان ويلعب بقى في مناخيره.. أي والله مناخيره.. والخوف أحسن ياخد المركز التاني برضه.. هعهع..هوع هوع!"

المشهد بعد ذلك معروف.. كلمة من "حسونة" على كلمة من "عوضين".. شتيمة من هنا على لكمية من هنا.. هوبا.. كرسي في الكلوب.. خناقة.. طاخ طيخ طوخ.. طراخ.. الأهلي حديد.. يازمالك يامدرسة!
***
لغاية وقتنا هذا لم يتفق الجميع على هوية الشعب أو البلد أو الشخص اللي اخترع كرة القدم..
فيه اللي بيقول إنهم الصينيين وفيه اللي بيقول إنهم لأ دول اليونانيين وفيه اللي بيأكد على أنهم الرومان.. وفيه اللي بيحلف برأس جده أنهم الفراعنة..

عموما لو اختلفنا على مين اللي اخترع الكورة..
أكيد مش هنختلف على أن التشجيع اللي بيحصل في مصر ده
أكيد أكيد ملهوش أي علاقة بالكورة!

مخترع كرة القدم أياً كانت جنسيته..
كان يهدف من اختراعه ده لتقريب الناس والشعوب من خلال اللعب والتنافس..
وأكيد عمره ماتصور أن كرة القدم أصبحت سببا للفرقة والتشاحن والاختلافات والخناقات وربما الحروب كمان مش بس بين الشعوب وبعضها البعض لأ ده بين الشعب الواحد اللي بيتكلم لغة واحدة وبتحكمه ثقافة وعادات وتقاليد واحدة.. كل ما هنالك بس أن فيه جماعة منهم لابسين فانلة حمرا والتانيين لابسين فانلة بيضا!

لو مش مصدقنا
اتفرج على أي ماتش كورة فيه الأهلي أو الزمالك وحتى مش لازم يكون الفرقتين بيلاعبوا بعض..

لما يخسر الأهلي من أي فرقة حتى لو كانت أجنبية هتلاقي أول ناس فرحانين ومبسوطين بده هم كتير من من جمهور الزمالك..

ولما يخسر الزمالك من أي فرقة حتى لو كانت من كوكب المريخ برضه هتلاقي أول ناس فرحانين ومبسوطين بده هم كتير من من جهور الأهلي..

ده اسمه شماتة وتشفي وتمني السوء للغير سيادتك..

أيوه اسمه كده وملهوش أي اسم دلع تاني وده شيء غريب جدا.. وسلوك أكيد له تأثير على باقي سلوكيات الناس في المجتمع الواحد..

يعني ممكن الشماتة والتشفي ده ينتقل من الرياضة- وهو أكيد اتنقل أصلا- إلى باقي تفاصيل الحياة اليومية..

ويمكن ده سبب من أسباب تفسخ -حلوة تفسخ دي!- المجتمع المصري دلوقت.. وأنه مافيش حد قلبه على حد.. وأنه الأغلبية كل همها أن الخير يكون ليها وبس.. يولع بقى الناس التانيين!

جايز أنتم شايفين كلامى كبير وإنى محبكها
قوي.. مش عارف إيه دخل الكورة في علاقات الناس وبعضيها.. وإيه اللي جاب القلعة جنب البحر..
حقكم برضه..
بس سورى لازم تستحملونى ده اخر موضوع ليا هنا فى المنتدى لانى خلاص هطلع من المنتدى
وبرضوا حولوا تنسوا ان الى كاتبه الموضوع زمالكاويه واقراوه من غير عصبيه وتعصب انا حاولت اختصر بس هوده الى طلع منى

بجد التوووووووبيك حلو اوىىىىىى
وبيتكلم عن حاااااااجة بتحصل فعلا
وبجددددد فى الاستاااااااااد بيحصل حاجاااااااات بشعة
لدرجة انهم ممكن يولعوا فى اللاعيبة ويولعوا فى الاستاااااااد
يعنىىىىى التشجيععععععع بعصبيةةةة وتهووووووور واسااءة للعيبة
ومش قادرة اقولك بقى لو انتى فى الاستاد وماتش الاهلى والزمالك بقى
معتقدش انك هتخرجى سليمة من الاستااااااد لازم تخرجى قبل ما الماتش يخلص
يعنىىىىىى اخرررررررر قلة ادددددب
والشاااااااااتايم الله ينووور انا اهلى برددددده فى ماتش الاهلى والزمالك او الاهلى والاسماااعيلى ميوفقوش ابدا انى اروح الاستااد لان عارفين ايه اللى بيحصل بعد الماتش
وفى الشوااااااارع بيحصل حاجات كتيرررر
احنا بنتمنىىىىى والله ان الحال يتصلللللح وان الرياااااضة المفروض تبقى تهذيب للشخصية
مش سلووووكياااااات غللللط وقلة اددب بالعكس المفروض يبقى فى روح رياضية
ومش يبقى فى شمااااااتة وربنا يصلح الحاااااااال ويبقى فى شووووووية عقل
يعنى مش الناااادى الاهلى ولا نادى الزمالك اللى لو خسر حد فيهم فى يوم من الايام نمووت نفسيناااا ولا تقووووم الدنيا وتقعد والنااااااس تشتم بعضيهاااااا ده بيدل ع ان النااااااس فاضية ومش فى حاجة فى دمغها غير الكورة والرياضة
وشكرررررررا ليكىىىىىىىىىى بجد الموضوع عجبنى اوىىىىىىىى
وللمنااااااقشة كماااااااااااان
وهررررررررد لك للزماالك وبالتوفيق لييييه دايمااااا
ومبرووووووك للاهلى وان شاء الله فىتقدم مستمرر

وبخصوص انك هتسيبى المنتدى
لالالالالالالا متفوللللللييش كلام عكس بعضة ده حتى احنا بنتكلم عن الروح الرياضية
انتى المفروض تثبتيييييه وتاكدىىىىىى انك عندك روح رياااضية وهتستمرى معانا فى المنتدى
وبجد انتى منووووورة المنتدى ومينفعش تسبيههههه احنا بالكس متشرفين بوجودك هنا معانا فى المنتدى وكلنااااااااا اخوااااااااااااااات هينااااااااا ومعندناااااااااش عنصررررررية ولا حتى بنسىء لنااااااادى الزماااااالك و
انا اسفة ع الاطاااااااااالة وشكرا ليكى مارة تانية
وكلنااااااااااا هنااااااااا اخواااااااااات يا زوزو