بيااااااااااااااااااااااان من التراس اهلاوى
رداااااااااااا على الفاسد شوبير
رداااااااااااا على الفاسد شوبير
بيان من التراس اهلاوى لشوبير, Thursday, 08 January 2009
منى الأهلاوية --
| فية ناس عاطفية من زمان بتحلم احلام وردية بتحلم ان الاهلاوية و الزملكاوية و الاسماعلاوية يبقو ايد واحدة ... مش هعلق على الاحلام دى لكن الكابتن و الاعلامى و النائب البرلمانى و الاعب السابق و المعلق الرياضى .... الخ احمد شوبير وحد الجميع ايوة حقيقة مثبتة بدون شك الوحيد اللى قدر يعملها الوحيد اللى سمعنا جماهير الاندية المصرية جميعا بتهتف باسمة و لكن للاسف الهتافات كانت مش لية و لكن هو عارف كويس قوى كانت بتقول اية و الهتافات دى طالعة من كل مكان فى المدرجات درجة اولى مقصورة تالتة تانية كل الناس قالتها بلا استثناء مسالتش نفسك لية الناس دى كلها اجمعت على الهجوم عليك؟؟؟ مسالتك نفسك لية انت اكتر شخص الناس بتهاجمة فى المنتديات على النت (اللى هى المقياس الحقيقى لشعبية الناس لانها بلا رقابة ولا مكالمات تليفون مضروبة) مسالتش نفسك لية رغم انك قعدت اطول فترة كابتن فى تاريخ الاهلى ملكش اى شعبية فى النادى دا؟؟؟ مسالتش نفسك لية انت معندش الشجاعة ترشح نفسك فى النادى الاهلى؟؟ مسالتش نفسك لية واحد زي خالد بيبو اللى لعب عشر السنين اللى قضتها فى الاهلى و مع كدا لو في يوم دخل مدرج الدرجة التالتة الناس هتشيلة على الاعناق و انت عارف الاستقابل هيكون ليك اية لو فكرت اصلا تعملها مسالتش نفسك لية انت بقيت وحيد و معزول و فاكر ان الاعلام الملاكى هيلمع صورتك انا بكتب المقال دا مش عشان انت بتحاربنا لاننا و الحمد لله عندنا ثقة بنفسنا و اللى مش عارفة انى عايز اشكرك لان كل اللى عملتة كان فى صالحنا الناس اللى بتايدنا بتزيد و بتجلنا افواج و حب الناس لينا بيتضاعف لان من الاخر الناس اذكياء جدا و الاعلام فى مصر معروف للجميع و لو كانت الحكومة عبر 50 سنة قدرت تشوة صورة جماعة الاخوان المحذورة كان ممكن تنجح معانا ... دى دولة بكامل مؤسساتها الاعلامية جندت كل شئ عشان تعمل كدا و فشلت عارف لية؟؟ لان الناس فى مصر بيكرهو الاعلام الملاكى و الاعلام الموجة لو قالهم يمين هيروحو شمال و لو قالهم حتى حافظو على صحتك هيرمو نفسهم من الشباك لانهم واعيين مش مغيبيين ارجع بالذاكرة لورا زمااان لما كنت حارس مرمى الاهلى هل بجد حبيت النادى دا؟؟؟ عشت سنين بعتبرك ابن مخلص للنادى الاهلى لحد لحظة معينة عرفت الحقيقة لحظة لما وصل الهارب للاهلى و عرفت ان دورك انتهى وقتها مفكرتش غير فى نفسك و مفكرتش فى اى شئ تانى هاجمت ادارة الاهلى هاجمت المرحوم ثابت و غلط فى ناس كتيرة لحد موصل الحال ان كابتن صالح سليم طردك من النادى الاهلى بعد ما خانك ذكائك و فكرت ان الاعلام هيحميك و تعمل حملة مضادة لكن الاهلاوية كلهم من وقتها عرفو الحقيقة غلط فى كابتن صالح و غلط فى كابت ثابت البطل و غلط فى ناس كتير قوى رموز من رموز الاهلى كل دا لية عشان نرجسية و حب الذات ايوة بتحب نفسك اكتر من اى شئ قولى اديت اية للاهلى؟؟؟؟ انت اخدت كل شئ من الاهلى و عمرك مديت حاجة اديت يعنى ضحيت انت كل شئ اديتة لاهلى اخدت مقابلة زي اى موظف لكن ضحيت فعمرك مفكرت غير فى نفسك و مش هنسى اليوم اللى جيت قعدت معانا فية داخل مقر رابطة مشجعي الاهلى وقتها طلبت مقابلتنا و جيت و قابلت قيادات الرابطة و مكناش كتير كنا حوالى 6 او 8 و مكناش عارفين هدفك اية و كان وقتها الفكر منفتح على الاعلام مش زي دلوقتى قعدت تخطب خطب عصماء و انك ابن الاهلى البار و دخولك اتحاد الكورة سببة الوحيد انك تخدم الاهلى و ان مفيش قرار بيطلع من اتحاد الكورة الا و بتعرضة على مجلس ادارة الاهلى الاول و انا اهلاوي اكتر من اى حد و حتى بيتى ادام ناد الزمالك و بقرف ابص علي النادى الزبالة دا (و اقسم بالله العظيم دا كلامك اللى قلتة و اتحداك ادام الدنيا كلها لو كدبتة و كان حاضر اتنين اصبحو صحفيين شبان يشهدو و هما كريم سعيد و كريم رمزى) قعدت تقول كلام كتير وفى الاخر دخلت فى المفيد بذكاء مدخلش علينا قعدت تكر فى رابطة الاهلى و هى الاحلى و هى الاعظم و رابطة الزمالك دى عيال فاشلة و اغانى فاشلة و شوفو طالعين يشتمونى عشان بخدم الاهلى ازاى بقى بعد كل دا مفيش دفاع عنى مفيش هتاف ولا يافطة بنحبك يا شوبير وقتها مقدرتش امسك اعصابى ووقفت بعد مكنت عمال اسمع و انا مش فاهم اخر الكلام دا اية قلتلة احنا رابطة مشجعين الاهلى بنشجع الاهلى و صالح سليم الله يرحمة اتشتم و ثابت البطل اتشتم و الخطيب اتشتم و حسن حمدى اتشتم و دى رموز النادى فلو كل واحد اهلاوي اتشتم عملتلة يافطة مش هنلاقى قماش نكتب علية كلمة الاهلى حتى ولا هنلاقى وقت نشجع فية فريقنا و هبقى زينا زي الهتيفة طبعا فاكر الحوار دا كويس و فاكرة كويس قوى و لو افتكرت شكلى يبقى عرفت مين الى بيتكتبلك الكلام دا اللى واثق انة هيجيلك زي مكل شئ بيجيلك عننا من ناس عارفنهم بالاسم و سايبنهم بمزاجنا لانهم بيشتغلوك للاسف و بينقلولك كلام يفتقد الدقة بالكامل لان محدش يعرف حقيقة الامور الا الناس اللى جوانا و مش اى حد كمان دا عدد محدود مستحيل تخش جواه مهما حاولت لاننا من النوع اللى صعب تلاقى حد ينفع تشترية مهما كانت المغريات لاننا ناس بتدى من غير متفكر ازاى تاخد بتحب نديها و بتديلة و عمرها مفكرت تاخد مقابل زي ناس كتير و مهما وصل الكدب عننا مش هنخش فى نقاشات لاننا مش عايزين شهرة ولا مال ولا حد يعرفنا و كان سهل قوى اى حد من قيادات الالتراس يطلع فى التليفزيون و يرد الهجوم بحقايق هتكون فضايح على ناس كتير قوى و بالادلة و المستندات و ان الله حليم ستار بس دا مش هدفنا مش هنشغل عقولنا و تفكيرنا بالحوارات العقيمة دى لان اللى ادامة هدف محدد مش هيشغل بالة بية حضرتك بتقول علينا بتوع مخدرات و فينا شواذ و كلام كتير اوك ... تحدى ادام الدنيا كلها لو انت بتدور على الصالح العام روح قدم مستنداتك للنيابة و روح قدم اللى عندك للناس الى بيشوفوك قول اسامى المدمنين قول اسامى الشواذ اعرض الصور اللى بتقول جاتلك قالو زمان البينة على من ادعى و انت ادعيت و البينة اصبحت لزاما عليك انت هتكت اعراض و قذفت محصنات و مش هتكون افضل من سيدنا عمر اللى شاف بام عينة رجل و امراة يزنيان و حينما اهم بالقول انة راءهم قال له علي ابن ابى طالب كرم الله وجهه اصمت يا عمر فان لم تات باربع شهود لاقمنا عليك الحد رمى الناس بالباطل بقى سهل قوى كدا؟؟؟؟ شفت بعينك حد بيشرب مخدرات شفت بعينك شواذ؟؟؟ شفت بعينك اللى بتقول علية؟؟ ماشى انا مقدر شعورك ناحيتنا للاسباب شخصية مش اى اسباب تانية عشان نكون صرحاء اكيد فاكر اتصالك بابن المسئول الكبير و طلبك الغريب اننا نشتم و نهاجم العيال بتوع الزمالك الى بيشتموك و ندافع عنك ضدهم و لما الرد كان قفل السكة و الرفض لاننا مش هتيفة حضرتك مش هتيفة بتتاجر زي مكنت بتدفع لجزرة و حسين و حربى زمان عشان يهتفولك انت و الجوهرى الاب الروحى لعدم الانتماء احنا ناس محترمة ولاد ناس متربين احسن تربية و متعلمين و مثقفين اكتر من اى حد بيتكلم علينا و لو حصلت مناظرة فى يوم من الايام صعبان عليا اللى هيقف ادام اقل واحد فينا فى نقاش لان وقتها هيبان الفرق فى المستوى الثقافى و التعليمى و الفكرى و ناس كتير هتبان على حقيقتها اترفض طلبك عشان كدا و اتهاجمت عشان كدا احنا مش للبيع احنا للاهلى و بس حضرتك لو بتدور على المصلحة العامة و خايف لحد يتاذى بسبب فكر الالتراس تقدر تقولى لو دى مصلحة عامة طب مهاجمتش جماهير الاسماعيلى و فكرها اصلا هوليجانز مش التراس تعرف كام مصاب من جماهير الاهلى رجع سايح دمة خلال اخر 15 سنة؟؟؟ تعرف اعداد الاصابات ولا متعرفش متعرفش طبعا لانك عمرك مرحت قعدت فى مدرجات الدرجة التالتة ولا تعرف شئ عن المعاناه اللى بيعانيها عاشقى الاهلى كنت ببقى واقف فى مدرج الاستاد و الطوب نازل زي المطر و كل شوية نلاقى نافورة دم من راس واحد مبطوح و متكلمتش ولا نطق مش دم بنى ادمين دا و ازية بتقول شغب و شماريخ حضرتك متابع كورة عالمية؟؟؟ يعنى لو حضرتك كنت متابع قولى هل الشماريخ دى بتعتبر شغب؟؟ لو بتعتبر شغب زي محضرتك بتقول لية الاتحاد الافريقى موقعش اى عقوبات علينا ولاجازيتا اشهر جريدة رياضية فى العالم كتبت عننا بالاشادة على اللى علمناه لمساندة فريقنا فى النهائى قولى حضرتك احصائية كام مرة الشماريخ دى ادت لحرائق فى اى استاد؟؟؟ منتظر الاجابة قولى حضرتك كام مرة واحد مات بسببها؟؟؟ منتظر الاجابة الشماريخ زيها زي الصواريخ اللى بيحتفل بيها الناس بالاعياد و احتفالات اكتوبر مثلا و لو الناس واعية و عارفة حقيقة الامور انها شعلة بتقعد 60 ثانية بالظبط هدفها الشو مش اكتر مكانش حد تعب لو على رائيك ان الشماريخ ممكن تاذى حد فى يوم يبقى الاولى تطلب ان الدولة تسحب مننا رخص السواقة لاننا ممكن نخبط واحد فى يوم و نموتة و احنا سايقين و نتمنع يتحط ادامنا سكاكين و احنا بناكل لاننا ممكن نقتل بيها واحد للاسف عد الالمام الكامل بالامور بيؤدى لتشويش الصورة للمتلقى فما بالك اذا كان المتلقى تقصم شخصية العارف ببواطن الامور حضرتك متعرفش شئ عن فكر الالتراس و للاسف اللى بينقلولك و خصوصك الى مفهمك انك عارفنا كويس عمرة مفهم يعنى اية التراس اصلا الالتراس يعنى ناس بتحب فريقها قوى و كلمة الترا يعنى فوق العادة مش يعنى متعصب زي الالتراريد او الاشعة فوق الحمرا الترا كلمة لاتينى يعنى فوق او فوق العادى حب من نوع خاص و دا بيتلخص فى اربع نقاط اساسية بتلخص فكر الالتراس - التشجيع الدائم للفريق طوال المباراة بغض النظر عن النتيجة أو الأداء. - عدم الجلوس أثناء المباراة - حضور أكبر عدد من مباريات الفريق مهما بعدت المسافة أو زادت التكلفة. - الانتماء التام للمجموعة و مكانها بالمدرجات. هو دا فكرنا انتماء مش شغب زي جماهير كتير انت عارفها بنفسك مسمعتش عن جماهير الاسماعيليى و المصرى و السويس و اسكندرية؟؟؟ اهو دا الهوليجانز اللى هدفة التخريب و ايذاء المنافس و لو وصلت للقتل هيعملوها بتقول كل شوية حرقو مشجع ..... و انا بقولك روح اسال المشجع المحروق مين اللى انقذ حياتة؟؟ اجابتة اكيد مش هتعجبك لانها عكس ما حضرتك عايز لكن الحقيقة عمرك مهتقولها الموضوع قلب لامور شخصية و عداء شخصى مش مصلحة وطنية ولا مصلحة عامة و الحمد لله ان المصريين اذكياء بطبعهم و الصحافة و التليفزيون صدقنى مش بيجيبو نتيجة مع الناس و الدليل تعالى مدرجات الاهلى و شوف لو دخلت استقابلك هيكون ازاى و استقبال اصغير عضو فى الجروب لو دخل المدرج ولابس تى شيرت التراس اهلاوي ..... و الله بتحدى اهو و دا المقياس على حب الناس و مدى تاثير بس السموم من خلال الاعلام الموجة جوبلز وزير اعلام هتلر اول من اخترع الاعلام الموجة و للاسف انقرض من العالم كلة و فضل عندنا ... لكننا لحد انهاردة لة مقتنعين انة بيجيب نتيجة فى عصر الانترنت و عصر الفضائيات كابتن شوبير لم يتبقى لك شيئا للاسف و انت تخسر كل يوم اكثر مما تكسب لقد خسرت الاهلى لقد خسرت ادارة الاهلى لقد خسرت جمهور الاهلى و كل جماهير الاندية المصرية لقد خسرت منصبك فى اتحاد الكورة و لم يتبقى لك الا برنامجك الخاص (و هو فعلا خاص بك فقط) و كل يوم تخسر انسان جديد حتى سياتى اليوم الذى تجد نفسك وحيد و فى النهاية نحمد الله ان الحزب الوطنى لم يتخلى عنك بعد (فانت ابن بار للحزب) و المجلس لازالت محتفظ بكرسيك فية وهذا ما سوف يتبقى الا اذا حدث معك مثلما حدث مع من سبقوك لقد تكلمت قليلا و لم افتح مواضيع كثيرة لاننا لا نهاجم بلا دليل و لم اقول ما يقال عليك من اشاعات اطلقت فى كاس الامم حينما تم القبض علي سائقك و ما اتهم بك الكثيرون فنحن تعلمنا ان من لا يملك دليل لا يملك الادانة و الزمن كفيل باظاهر الحقائق لكن هناك مواضيع كثيرة تهم الناس و كان من الممكن عرضها لكننا لن نستخدم نفس الاسلوب الذى نهاجمة فنحن نملك اقوى اله اعلامية فى العصر الحديث و هو النت و الملايين يتابعونا و يحبونا و نستطيع ان نبث كل ما نريد ان نبثة عن اى شخص و نعرض الكثير من الفضائح لكننا كما قلت لا نحيد عن هدفنا هو تشجيع نادينا و ليس الدخول فى صراعات جانبية مع اشخاص تركو كل شئ مهم فى حياتهم و تفرغو لمهاجمتنا صدقنى مهما فعلت فلن تستطيع القضاء على الانتماء و الجماهير المنتمية تهاجمنا و تدعى اننا من ادخلنا الشتيمة فى المدرجات كانك نسيت عندما كنت فى الملاعب فى عصر الهتيفة ماذا كان يقال على الاقل نحن نغنى 90% من وقت المباراة و لو حدث خروج عن ذلك فهو شئ طبيعى بناء على الاحداث لكن قديما كنت احضر مباريات الزمالك ولا اجد الا الشتيمة 100% لمدة 5 ساعات متواصلة قبل الماتش و بعدة هل هذا ما تريد تريد مدرجات خاوية تريد رجوع عصر الهتيفة تريد القضاء على المشجعين المتعلمين و المثقفين ليعود الجهلة الذين تستطيع ان تشتريهم باقل الاموال كما تعودت فى الماضى تريد المدرجات تحت سيطرتك كما تعودت ولا يرضيك ان يسيطر على المدرجات شباب لهم كبرياء و لا يستطيع ان يشتريهم بشر لان الحب و الانتماء هو محركهم صدقنى هذا وهم كبير لانك حتى لو قتلت هؤلاء الشباب فلن يقضى على الانتماء لقد انتشر فكر الانتماء القوى و الحب بين المشجعين ولا يمكن قتل الفكر لو كنت تقرا الكتب عن الشخصيات التاريخية فهناك شخصية اسمها تشي جيفارا هاجمتة الالة الاعلامية الامريكية و حاربتة و طاردوة فى كل مكان و لم يتسطيعو شراءة يوما و حينما قبضو علية و قبل اعدامة بثوانى وقف رافع الراس يقول لمن سيطلق علية الرصاص Shoot coward, you're killing only a man |
» العاب روحانيه ادخل مش هتندم
» لعبه ايه امنيتك
» انا عضوه جديده
» لعبة الاوامر
» والله دي لعبه هتجنني
» قصة لمن يريد التزوج
» اختبر شخصيتك ادخلوو لايفوتكم
» الجائزة 1000 جنية يلا مستنين اية
» اكلات خفيفة وسريعة التحضير
» تعارف عضو زملكاوى جديد
» صور خطوبه عماد متعب على يارا نعوم)(حصريا على الاهلاوى الاول
» كلمات نابعه من قلب محطم " تستحق القراءه
» من افلام جنيفر لوبيز فلم الاجرام والاثارة للكبار فقط مترجم 259 ميجا U Turn دي في دي
» من افضل لاعب مصري
» سجل دخولك على المنتدى بصلاه على النبى
» عايز تبعت رساله تهنئه بشهر رمضان ادخل وشوف وال تعجبك اكتبها
» عيد ميلاد الليله مين عيد ميلاد حبيبة قلبي ادخل هني بسرعه ...!!!
» **هنا بيانات كل الاعضاء**اتفضلم عرفم نفسكم **وتعرفم على غيركم **
» شريط شرين الجديد حبيت *كامل (حصريا)
» هتضحك غصب عنك
» بالصور.. تصاميم ملاعب قطر لكأس العالم 2022
» ايه اكتر موقف محرج اتعرضت ليه؟؟؟؟؟؟؟؟
» ألبوم منوعات اغانى حزن وجرح اروع الاغانى
» *ننفرد كعادتنا بالاغنيه التى هزت الوطن العربى *الضمير العربى *حصريا على الاهلاوى
» اجازة الربيع في دبي مع مكتب ترحال العربية
» اجازة الربيع في دبي مع مكتب ترحال العربية
» برنامج يحول الكتابه الى صوت رجل أو إمرأة
» البطاقه العائليه للرسول عليه الصلاة والسلام " ارجو التثبيت للأهمية"
» جوزية