( كل يوم حكايه )(مع الاهلاوى )الدور على (اهلاويه كول )(نوروناا

شكرا مصطفي

احستنم الاختيار

اصبري علي رزيقك
يا رورو

هبيكون حوار جميل

من بحرى وبنحبوه
اسكندريه يا أجدع ناااااااس يا أجدع نــــــــــــــــــــــــــــــــــــــــــــاس
بجد ضيفة النهارده جميله جدا
منوره يا رانيا
مش هتقل عليكى فى الأسئله
1 ماهى طموحاتك ؟ وهل طموحاتك مكمله لدراستك؟
2 بماذا يمثلك الانترنت؟وهل تستفيده منه فى دراستك؟
3 هل عمرك حبيتى قبل كده والطرف التانى مطلعش اللى فى دماغك؟
4 من أى زاوية تنظرين لشريك حياتك؟
5 من أقرب الاعضاء لقلبك؟
6 هل تحكمات حبيبك ان وجدت تتقبليها؟
7 بما انك اسكندرانيه من تفضلينه رئيسا لنادى الاتحاد السكندرى؟
8 لو طلعلك مصباح علاء الدين هتطلبى ايه؟
9 ما هو رأيك فى الحب؟وما هى صفات حبيبك؟
10 محافظ اسكندريه الحالى أفضل ولا لا و ليه؟
11 من رأيك أى المناطق فى أسكندريه فى الوقت الحالى تحتاج لترميمات وتجديدات؟
يارب مكنش ضايقتك بأسلتى وياريت متزعليش عشان طولت عيكى

نورتى بجد يا رانيا

مرسى مصطفى

وانا مش اعرفها اوى بس باين من مواضيعها وتوبيكاتها
انها حد جميل

انا عاوزه اعرف

مسن اقرب الناس ليها

فى المنتدى

ومين الى لما بتكون زعلانه بتروحلها

ايه اكتر حاجه بتفرحها

ايه رئيك فى الظاهره الغريبه الى انتشرت
على النت
ان بنات كتير مجرد
محد يبعتلهم ممكن نتعرف باى طريقه يتعرفه والامور تطور

ويلكم رانيا منورررررره ياقمر


شويه اسئله خفيفه كده

مين ممكن يكون فتي احلامك؟

ايه موقفك من الحب ؟؟ وهل جربتيه ؟؟ هل تؤمني بوجوده ؟؟

هل ندمتي في حياتك على شي معيّــن ؟؟؟

فأي قرار تتخذيه هل ..... تحكمي عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

تفتكرى اخر مرة ضحكتى من قلبك؟

ثلاث كلمات لا تغادر لسانك ابدا؟؟

ايه هي نظرتك للحياة متفائله متشائمه واقعيه ام خياليه؟

من هم الاشخاص لو فقدتيهم مش هتستطيعي تعويضهم؟

ما هو الموقف اللى حصل فيه انك دمعتي غصب عنك؟

ماهــــو الامتحـان الاصـــعب في الحـيـاه بالنسـبه لكي؟

ماذا تعنى لك هذه الامور؟؟

الحــب ..

الكدب ..

الخيانة ..

السعاده ...

الندم ...

لماذا اخترتى منتدى الاهلاوي الاول ليكون بيتك,,,؟؟

ماذا اعطى المنتدى لاهلاوية كول وماذا اعطت له اهلاوية كول

يا رب ماكنش تقلت عليكي

شكرا ليكم كلكم ياجماعة وان شاءالله اقدرارد عليكم كلكم
هبدا بمحمد
من بحرى وبنحبوه
اسكندريه يا أجدع ناااااااس يا أجدع نــــــــــــــــــــــــــــــــــــــــــــاس
بجد ضيفة النهارده جميله جدا
منوره يا رانيا
مش هتقل عليكى فى الأسئله
ولايهمك يامحمد وشكرا على المقدمة الجميلة دى
1 ماهى طموحاتك ؟ وهل طموحاتك مكمله لدراستك؟
طموحتى بصراحة كتيرة اهم حاجة عندى انى اوصل لمركز كويس يخلينى اقدر اساعد
بلدى اللى بعشقها مصر وربنا يقدرنى على كده وهى فعلا ليها علاقة بدراستى ومكملة لدراستى انا كل اللى بفكرفيه دلوقتى الماجيستيردعوتكم بقى
2 بماذا يمثلك الانترنت؟وهل تستفيده منه فى دراستك؟
بصراحة هو حاجة مهمة جدا عندى لانى بستخدمة كتير بيقرب المسافات وبنعرف
منه اخبار الدنيا يعنى زى مابنقول كلنا بنلف العالم واحنا فى مكانا نقدرنعرف كل حاجة
فهو حاجة اساسية فى حياتى كفاية انه بيخلنى على صلة دائمة بااحلى منتدى واحسن اعضاء فى العالم
وبالنسبة للنت فى دراستى فعلا بستخدمه كتير جدا فى الابحاث والبحث عن الجديد فى طرق التدريس والحاجات الخاصة بدراستى
3 هل عمرك حبيتى قبل كده والطرف التانى مطلعش اللى فى دماغك؟
بصراحة حبيت واللى بيحب عمره مابيشوف اى عيوب فى الانسان اللى بيحبه
واللى بحبه هو الحمدلله معايا وعمرى مااتمنيت حد غيره ولا فى حد فى دماغى
غيره لانه بجد انسان عظيم جدا
4 من أى زاوية تنظرين لشريك حياتك؟
على ان هو كل حاجة فى حياتى واهم حاجة فى حياتى بمعنى تانى
هو مصدر قوتى فى الحياة
5 من أقرب الاعضاء لقلبك؟
كل الاعضاء بحبهم جدا بس اقرب حد ليه اوى
حبيبتى وامى ماما فدوى بجد الست دى عظيمة جدا
واختى اللى ربنا مايحرمنى منها ابدا ميرفت مون يعنى
6 هل تحكمات حبيبك ان وجدت تتقبليها؟
اكييد مش تحكمات بس كل شخص مننا محتاج مرايا ليه زى مابنقول توريلوه عيوبه
وتصلحها واكييد الشخص ده مش بيقصد تحكمات لانه عمره ماهيقولى حاجة تضرنى
فااكييد هقبلها
؟7 بما انك اسكندرانيه من تفضلينه رئيسا لنادى الاتحاد السكندرى؟
بصراحة انا مش متبعه لنادى الاتحاد اوى
بس محمد مصيلحى كويس وعامل حاجات كويسه للاتحاد
8 لو طلعلك مصباح علاء الدين هتطلبى ايه؟

هطلب ايه مش عارفه بس بصراحة ومش مثالية
مبحبش اعتمد على الحظ او على حد فى حاجة تخصنى
9 ما هو رأيك فى الحب؟وما هى صفات حبيبك؟
راى فى الحب هو اهم حاجة فى الدنيا لان الحب هو اللى جمعنا كلنا هنا
وهو اللى بيجمع العالم كله من غير الحب تتحول الحياة لغابة
مواصفات حبيبى
شخص محترم ومثقف ومتدين وناجح فى حياته
ويقدريفهمنى ويثق فيه
10 محافظ اسكندريه الحالى أفضل ولا لا و ليه؟

بصراحة انا كنت بموت فى عبد السلام المحجوب وفعلا الراجل ده
شخصية كويسه جدا لانى اتكلمت معه شخصيا مرتين فى العيد ايام الصلاة
والشخص ده هو اللى رجع اسكندرية تانى زى زمان لخريطة البلاد السياحية
ورجعها فعلا عروس البحرالابيض المتوسط فعلا
امااللواء عادل لبيب هو عمل حاجات كتير وبيحاول يكمل لبتطوير
والميزة انه بيحاول يهتم بتطويرالاحياء الشعبية
فكل واحد فيهم مختلف
1 من رأيك أى المناطق فى أسكندريه فى الوقت الحالى تحتاج لترميمات وتجديدات؟
فى مناطق كتير لسه محتاجة تطوير وتغير وخصوصا احياء شعبية كتير جدا
شكرا يامحمد على اسئلت نورتنى

هههههههه
الاسئله يا فندم

1/ ماهي رانيا فعيون نفسها واجمل صفات بتحبيها فيكي وايضا صفات لم تحبيها

2 /اكالتيك المفضله والمشروب المفضل بما اننا فى قسم واحد(المراه) وايه الشي الي عايزه تغيري
فى قسم واوعي تقوالي ميرفت

3 / هخدك تسافري معايا القمر
وطلبت منك تكتبي حاجه لحد جمله او كلمه عتاب حب اي حاجه
هتكتبي ايه ولمين؟

يلا جوابي

وانا مش اعرفها اوى بس باين من مواضيعها وتوبيكاتها
انها حد جميل
ميرسى ياهايدى نورتينى
انا عاوزه اعرف

مسن اقرب الناس ليها

فى المنتدى
اقرب الناس ليه فى المنتدى ماما فدوى
وميرفت وريهام واسماء بس هى مش بتدخل كتير
بس بحبهم كلهم

ومين الى لما بتكون زعلانه بتروحلها
ماما فدوى وميرفت وناس ربنايخليهملى
ايه اكتر حاجه بتفرحها
اكتر حاجة بتفرحنى انى اقدراساعد حد محتاجلى
ولمابكون مع اكتر 3اشخاص بحبهم فى الدنيا هماعارفين نفسهم
ايه رئيك فى الظاهره الغريبه الى انتشرت
على النت
ان بنات كتير مجرد
محد يبعتلهم ممكن نتعرف باى طريقه يتعرفه والامور تطور
انا اعرف ناس كتير اتجوزت عن طريق النت وربنا وفقهم ومعاهم ولاد وعايشين فى سعادة
يعنى مختصر اللى اقصده ان الشخص نفسه سؤاء البنت او الولد همااللى بيحدود
مدى العلاقة وصدقها ونجحها بس مش لدرجة ان اى حد يقولناحاجة نصدقها لازم
اثبات مش كلام بس وغير كده لازم نفرق بين الناس المحترمة
والالا لان فى ناس كتير بتدخل بغرض التسلية والمفروض يفهم ان
ممكن تكون اخته او فريبته هى اللى بيوصل لها الرسائل دى وهو مش عارف
ياريت اكون فهمت سؤالك صح
شكراياهايدى نورتينى ياقمر بااسئلتك

ميرسى على التوبيك الرااائع
هااااى رانيا ازيك انا ساره بجد توبيكاتك بتعجبنى اوى
مش هتقل عليكى بالاسئله
-ايه اكتر حاجه بتحبيها بالدنيا؟؟؟؟
-امتى اخر مره بكيتى فيها؟؟؟
-ايه اسماء البنات والاولاد الى بتحبيها؟؟؟
-طموحك وهدفك في الحياه؟؟؟
ياررب الاسئه تكون عجبتك ,,,,

ويلكم رانيا منورررررره ياقمر


شويه اسئله خفيفه كده
ميرسى ياعبير ده نورك ياحبيبتى انا تحت امرك
مين ممكن يكون فتي احلامك؟
فتى احلامى الحمدلله لاقيته وعمرى مااتمنى غيره ولافى حد احسن منه
ايه موقفك من الحب ؟؟ وهل جربتيه ؟؟ هل تؤمني بوجوده ؟؟
الحب هو احلى حاجة فى الدنيا زى ماقلت فى السؤال تبع محمد
جربته والحمدلله
الحب موجود بس لازم يكون فى صدق واخلاص بين الاشخاص
وثقة وتفاهم علشان الحب ده يقوى ويعش
هل ندمتي في حياتك على شي معيّــن ؟؟؟
ندمت فعلا انى سمعت كلام اهلى ودخلت كلية مش بحبها بس دلوقتى الحمدلله بحاول
اعمل اللى الحاجة اللى بحبها
فأي قرار تتخذيه هل ..... تحكمي عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟
بحكم قلبى وعقلى الاتنين والاكتر بيكون حسب الموقف لان ساعات القلب بيغلط واحيانا العقل بيغلط فلازم اعمل موازنة بينهم وخيرالامورالوسط بصراحة اغلب الاوقات فى الفترة الاخيرة فى حياتى بقيت احكم عقلى اكتر
تفتكرى اخر مرة ضحكتى من قلبك؟
يوم السبت اللى فاتت
ثلاث كلمات لا تغادر لسانك ابدا؟؟
الحمدلله&الاسف عن الخطا&بحبكم للناس اللى بحبها
ايه هي نظرتك للحياة متفائله متشائمه واقعيه ام خياليه؟
بصراحة الاول كنت خيالية جدا بس دلوقتى الحمدلله بعيش الواقع واحاول اتاقلم معه وعندى نظرة تفائل وامل كبير فى الله ان ان شاءالله بكرة احسن
من هم الاشخاص لو فقدتيهم مش هتستطيعي تعويضهم؟
الاهل&والحبيب&واقرب حد ليه ماما فدوى وميرفت والاهلاوى الاول بااعضائه
ما هو الموقف اللى حصل فيه انك دمعتي غصب عنك؟
بصراحة انا من الناس اللى دموعها قريبة جدا واى حاجة تبكينى بس الموقف اللى بجد اثرفيه انى ابعد عن صديقة عمرى لسؤاء فهم بينا ناس السبب فيه والاصعب انى اشوفها وعنيه تيجى فى عنيها ومنقدرش حتى نسلم على بعض ده من اكتر المواقف اللى دموعى خاتنتى فيها

ماهــــو الامتحـان الاصـــعب في الحـيـاه بالنسـبه لكي؟
الامتحان الصعب فى الحياة انك تثبت حسن نيتك للناس وانك وتنجح فى شئ انت اتحديت الكل انى احققه وكله كان ضدى بس الحمدلله ربنا وفقنى فيه والفراق من اصعب الامتحانات
ماذا تعنى لك هذه الامور؟؟

الحــب ..
هو الحياة يعنى هو اساس وجودنا
الكدب ..
خسارة الانسان لنفسه مالوش رجلين زى مابنقول فى مصر
الخيانة ..
اصعب واحقر شئ فى الدنيا
السعاده ...
عملة نادرة الوجود
الندم ...
قرار فى وقت استعاجل
لماذا اخترتى منتدى الاهلاوي الاول ليكون بيتك,,,؟؟
لانى لاقيته فيه حاجة مش موجودة فى اى مكان تانى فى العالم ناس عرفت ازاى تحب بعض
ويتجمعوا على الانتماء وحب كيان كبير اسمه النادى الاهلى ولاقيت فيه الاشخاص
اللى بجد فخر لااى حد انه يعرفهم ويبقوا اهله الاهلاوى بمعنى تانى
هو جزء كبير من حياتى
ماذا اعطى المنتدى لاهلاوية كول وماذا اعطت له اهلاوية كول
الاهلاوى ادانى اهل بجد بحهم مش بعتبرهم اشخاص عادين
وحب كبير جدا بينى وبين الاعضاء دول وحاجات كتير بتعلمها منهم
انا اديت للاهلاوى ايه بصراحه حاسه انى لسه مقدمتش حاجة
تستحق لاسم المنتدى ده واتمنى انى اكون سبب فى ان المنتدى ده يكون من
اكبر المنتديات وربنا يقدرنا كلنا ونفضل ايد واحدة دايما من اجل مصلحة الاهلاوى الاول

يا رب ماكنش تقلت عليكي
بيرو نورتينى ياحبيبتى بااسئلتك الجميلة
تسلمى ياقمر

هههههههه
الاسئله يا فندم
ماشى يافندم تحت امرحضرتك
ههههههههه

1/ ماهي رانيا فعيون نفسها واجمل صفات بتحبيها فيكي وايضا صفات لم تحبيها
انا فى عيون نفسى الحمدلله راضية عن نفسى وشايفه انى ناقصنى حاجات اتمنى اكملها ولكن الكمال لله لكن انا الحمدلله شخصية متواضعة
صفات بحبها فى نفسى انى لمابحب حد بحب بجد وبخلص اوى ومبحبش اجرح او اضايق حد
ولو حصل بيبقى غصب عنى
الصفات اللى بكرهها فى نفسى انى متسرعة احيانا وطيبة جدا وده دلوقتى غلط وعصبية جدا
والعصبية بتخسر كتير
2 /اكالتيك المفضله والمشروب المفضل بما اننا فى قسم واحد(المراه) وايه الشي الي عايزه تغيري
فى قسم واوعي تقوالي ميرفت
اكلتى المفضلة البيتزا والبطاطس هههههههه كلمة السر ياميرو
مشروبى المفضل طبعا القهوة والبيبسى
احب اغير ايه فى قسم المراة نفسى يبقى فيه تفاعل اكتر
من البنوتات معانا فى القسم ومع التوبيكات والمسابقات
اللى بتنزل فيه ويكون قسم الديكور لوحده زى المطبخ والمراة
وعمرى مااقدرااغيرك ياحبيبتى انتى نصى التانى
3 / هخدك تسافري معايا القمر
وطلبت منك تكتبي حاجه لحد جمله او كلمه عتاب حب اي حاجه
هتكتبي ايه ولمين؟
اهم حاجة ياحبيبتى ان الرحلة معاكى
اكتب ايه ولمين
هكتب بحبكم وربنا يخليكم ليه وياريت لو زعلتكم يوم
تسامحونى لانى مش بقصد ازعل اللى بحبهم منى
وهكتب للاهلاوى الاول واعضائه
بحبكم يااحلى اعضاء واحلى منتدى فى الدنيا
ويارب نفضل نحب بعض ونفضل ايد واحدة دايما
بحبكم كلكم



يلا جوابي
جاوبت يافندم وايه رايك فى شعرنا الجديد
R>---(""V"")---M

منورة يارانيا الحوار بجد وانتى عضوة مميزة ونشطة جدا اسئلتى

احب الالوان ليكى

اكتر موقف حصل معاكى وضحكك وعمرك ما هتنسى

مثلك الاعلى ف الحياة

نفسك تبقة اية ف المستقبل منتظرة الردود ومنورة الحوار

ميرسى يامحمد لمرورك
وانا جوبت السؤال زى مافهمت
مش فهمت انها تقصد التسلية وتقضية الوقت
فى الحالة دى اكييد انا بقيد رايك
لان البنت هى اللى بتفرض شخصيتها
واحترمها على الجميع
شكراليك يامحمد

ميرسى على التوبيك الرااائع
هااااى رانيا ازيك انا ساره بجد توبيكاتك بتعجبنى اوى
مش هتقل عليكى بالاسئله
اهلا بيكى ياسارة نورتينى ياحبيبتى
ولايهمك خدى راحتك كلنا هنااخواتك
-ايه اكتر حاجه بتحبيها بالدنيا؟؟؟؟
النجاح وناس بحبهم اوى ربنايخليهم ليه واختى
-امتى اخر مره بكيتى فيها؟؟؟
امبارح
-ايه اسماء البنات والاولاد الى بتحبيها؟؟؟
اسماء البنات
جانا&ملك&رودينا&ريناد&بسنت&بانسيه
والولاد
يوسف&محمد&سيف&مروان&مهند
-طموحك وهدفك في الحياه؟؟؟
طموحتى انى اوصل لمركز كويس يخلينى اقدراساعد بلدى
اهدافى والله كتير بس اهم حاجة بالنسبه لى حاليا
الماجيستير ان شاءالله
ياررب الاسئه تكون عجبتك ,,,,
اكييييييد ياحبيبتى عجبتنى طبعا ونرتينى بمرورك
الجميل

مصطفى بجد احست الاختيااااااااااار
انسانه جميله جدا
وتسلم ع التوبيك
ميرسى يانسرين على ذوقك انتى الاحلى ياحبيبتى ربنا يخليكى
هبتدى الاسئله بقى وسع ياعم انت من قادمى خلينى اركز في الاسئلة
امممممممممم هههههه اوك يلا
يلا خدى راحتك خالص انامعاكى
في يوم فتحتى موبايلك لقيتي في قايمة الاسماء
رقم غريب متسجل عندك هيبقى ايه تصرفك؟؟
بصراحة هفكر شوية ممكن يكون مين
وممكن احاول اعرف اواكبر دماغى لانه
لو حد مهم عندى اكييد مش هنساه
ايه الشئ الي لو شوفتيه يبكيكي؟؟
انى اتظلم او اظلم اوحد يحتاجلى ومقدرش اقف جنبه
واحس انى قصرت معه بس عموما
انا من الناس اللى دموعهاقريبه يعنى ممكن ابكى
من كلمة او من اغنية والحمدلله البكاءالاكبر من الدعاء والقران

قدامك دبلة زواج وميدالية صداقه
مع العلم انه كل حدى فيهم سيظل معك الى الابد
اي منهم ستختااارين؟؟!!؟

سؤال صعب بس بصراحة انا طماعة هختارالاتنين
لانى مينفعش استغنى عن الزوج والحبيب او عن الصديقة
لان كل العلاقات دى بتكمل بعض وهى اللى بتصنع حياتنا
مين اكتر عضو بتحسي ان مشاعره صادقه؟؟
بصراحة الادمن محمد
ومين اكتر عضوه بتحسي ان مشاعرها صادقه؟؟؟
ماما حبيبتى ماما فدوى وميرووعبيرواسماء
بصراحة كل الاعضاءهنا صادقين محدش يزعل منى
قدامك بحر كبيييييير
وطريق مظلم
وقالولك اختاري واحد منهم تعبريه تختاري اييييه؟؟؟
اممممممم ممكن اختارالطريق لان ممكن لو وقعت فيه
اقوم تانى واكرر المحاولة لكن البحر الوقوع فيه غرق وموت
كلمة تبكين عند نطقها ماهى ؟؟؟
كلمة تبتسمين عند سماعها؟؟
كلمة اسفه
اكييد كلمة حب
كلمات قراتيها هنا في الاهلاوى وانهمرت دموعك منها؟؟؟
كان توبيكين توبك لميرفت عن وداع الحبيب بلموت
بجد التوبك ده اثر فيه جدا وبكيت كتير
وتانى توبك كان من عبير عن فلسطين وبصراحة
فى حاجات كتير وفى توبك للادمن هو رومانسى بس كلماته
موثرة جدا وتوبك للدكتورة حبيبتى كان عن الرحيل
بصراحة كتيررررررررر كل الاهلاويه ماشاءالله فنانين ومبدعين
جالك طفل صغير فقير وانتى جالسه بالمول ومش معك فلوس قالك انا نفسي اجيب اللعبه دى هتعملي ايه؟؟
ممكن اروح لاصاحب المحل واديلوا اى حاجة معايا لحد مااجيبله الفلوس واجيب للولد اللعبه
ولو معايا حد اعرفه اوى صحبتى قربتى كده ممكن اخد منهم وادهملهم تانى
بماذا تصفي الجيل الماضي
وبماذا تصفين جيل المستقبل جيلنا المهبب ده ههههههههه؟؟
الجيل الماضى اقول بالاخلاص والتفاول كان عندهم تفاول كبير والحياة وردى وكل حاجة حلوة ورومانسية والحاجات دى
جيلنااحناااااااااااا بقى ههههههههه
طموح عالى واقعية بسبب الظروف اللى بتمربينا وبنعشها وفى نفس الوقت اتكاليه على الغيروبجد لسه فى اخلاص وحب برضوازى زمان وجيل لوفكر صح بجد هغير البلد دى خالص وهتبقى فعلا ام الدنيا لان فى عندنا ناس بجد عندهاامكانيات وطموح عالى بس جيلنا مش وحش بالعكس محتاج توجيه واستغلال صح
كفايه كده يا رانيا وليا عودة تانيه ان شاء الله
مش عارفه اركز من دوشة الاعضاء هههههههه

ويارب مكونش تقلت عليكى
ماشى يانسرين عودتك تانى هتنورنى انا فى انتظارك
وياحبيبتى ولاتقلتى ولاحاجة انا تحت امرك
نيمى الاعضاء علشان تعرفى تركزى

منورة يارانيا الحوار بجد وانتى عضوة مميزة ونشطة جدا اسئلتى
ميرسى ياسارة ده نورك ياحبيبتى
احب الالوان ليكى
الاحمر والازرق والروز والموف والبنى والابيض
اكتر موقف حصل معاكى وضحكك وعمرك ما هتنسى
ههههههههههههه كنا بره فى حديقة الحيوان واحدة صحبتى بتصور حاجة طلعت معها حاجة تانية خالص وجايه تورينى الصورة بس عينكم ماتشوف الاالنورهههههههه بلاش احرج لاتضربنى يمكن وفى موقف تانى كنت فى ثانوى وكنت لسه متحجبتش وكنت مستنيه واحده صحبتى وواقفه جنب عربيه كده فكان الزجاج بتاعها اسود فقولت اعدل شعرى لاننا كنا فى الشتاء وكان فى مطر ولسه ببدااضبط شعرى لاقيت الزجاج نزل وواحده طالعة تقولى خير
لاقبت صحبتى واقفه تضحك وبعدين مشينا واحنا ماشين البوت بتاعها الكعب بتاعه اتكسر فوقعت اليوم موت عليها من الضحك زى ماعملت فيه دول اللى فكرهم دلوقتى
مثلك الاعلى ف الحياة
بصراحة مافيش لانى محبش اتشبه بحد اواكون حد غير نفسى
نفسك تبقة اية ف المستقبل منتظرة الردود ومنورة الحوار
ابقى ام ناجحة قبل اى حاجة لان ده صعب جدا واقدر اوصل لمكانة كويسه
مش شرط سياسية مكانة علميه اقدرمن خلالهااساعد بلدى
ميرسى ياسارة نورتينى

شكراليكم كلكم ياجماعة على اسئلتكم انا استمتعت معاكم جدا
وفى انتظار كم لواى حد عايز يسال تانى انا تحت امركم

ايه الجماااااال
ده بجد حوار جميل ولذيذ
مع انسانه سماتها الطيبه النادره وعمري مقدر ابعد عنها خلاص
لزقه بقي هههههه
فى انتظار مشاهده باقي الحوار
شكرا رورو

ميروتسلمى ياحبيبتى ربنايخليكى ليه
اناكمان مقدرش ابعدعنك ياحبيبتى تسلميى يارب

مرسى ليكم اوى اوى
انتهت الحلقهة وفى انتظار حلقه اخرى @

معلش يامحمد هرد على ماما فدوى حبيبتى الاول
وسورى على التاخير ياماما غصب عنى
اول حاجة اقرب شخصية ليه فى المنتدى
هى انتى وميرفت وريهام
2-اكتر عضو بحب اهزر معه
انتى وميرو وريهام برضوا واسماء حبيبتى
وبوسى وعبير
3-نفسى اشوف مين فى الحقيقة وشخص واحد بس
بصراحة نفسى اشوف احن قلب فى الدنيا واحلى ام فى العالم
انتى ياحبيبتى
4-الشخص اللى بحس انه بيفهمنى فى المنتدى صراحة
كتير بس الاكتر انتى وميرو وريهام وبوسى واسماء وعبير
وبره المنتدى صحبتى وحبيبة قلبى ميرفت وبنت عمتى ويعنى
ماانتى عارفه ياحبيبتى
5- اصعب سؤال واجهنى فى حياتى بصراحة ياماما كتير
بس اصعب سؤال انتى حاسه انك عملتى اللى لوقبلنى ربنا دلوقتى تبقى مرتاحه
6-احلى يوم قضيته فى المنتدى
بصراحة كل يوم احلى من التانى لانى بعتبر المنتدى بيتى واعضائه اصحابى وحبيبى
7-ماذا تعنى لى الدموع بصراحة ساعات بحس انها ضعف لانى دموعى قريبه جدا
وساعات بحس انها راحة بس الدموع بتريح جدا
8-امتى مقدرتش اتجكم فى انفعالاتى اوقات كتير لانى من الشخصيات اللى بتصبر وتعدى والحاجات دى
بس لما بحس بضغط كتير عليه بنفجر بجد فى اى حد ساعتها مش بميز مين اللى قدامى
ده غلط وعيب بحاول ابطله ان شاءالله
9-ماذاتعنى ليه الكلمات دى
البحر عامل زى الحلم تحسى انه كبيرومالوش اخر بس بحبه
وبحب اقعد واحكى معه كتير اكتر حاجة ممكن تسمعك وتريحك البحر
السما دى صفاء لما ببصلها بحس ان قلبى بيصفى من اى حاجة وبحس براحه
غريبه بحب اتامل بيها وخصوصا بليل فهمه انتى بقى هههههههههه
بعد النجوم زى مادايما تقوليلى بس بجد السماء والبحر عشقى
الحب بااختصار هو الحياااااااااااااااااااة ومن غيره مافيش حياة
الحزن ياه ياماما حاجة عيشه معايا بتنسها لحظات وبترجع تانى خصوصالمااكون لوحدى
الحزن ده كيان كبير مسيطر علينا فى اوقات كتيره وبيضعف جدا
9- اللى فى باللى دلوقتى حالا الناس اللى بحبهم اوى ونفسى اكون
جنبهم دايما
10-مثلى الاعلى بصراحة مافيش بس تقدرى بحب اجمع من كل شخص حاجة
بحبك اوى فى حنانك وتفهمك ربنا يخليكى لينا ونفسى ابقى امك ناجحة زيك ماشاءالله
وعلى النحية العلميه ممكن نقول دكتورة عندى فى الجامعة بحبها جدا وبتمنى اكون ناجحة زيها
بس اكون رانيا مش حد تانى
11-امتى احس انى عايزة ابعد عن الناس كلها
كل ما بيزيد همى ومشكلى وبحس ان محدش فهمنى
وان كله عليه وظالمنى ساعتها بحب اكون لوحدى علشان اراجع نفسى
واقدر اقوى نفسى علشان اعرف اكمل اللى جاى فى حياتى واخد قرار
مهما كانت هتكون نتيجتها وقتها بكون انانيه بفكر فى راحتى نيجة الظلم
12-اتمنى مين يكلمنى على الموبايل دلوقتى
طيب ياماما هقوم اعد اناالنجوم اعملك قهوة ياحبيبتى


ماما انا بحبك اووووووووووووووووى ربنا يخليكى ليه يااحلى ماما فدوى فى الدنيا

انا كنت مبسوطة جدا انى معاكم يااحلى اعضاء واحلى منتدى فى الدنيا
وبجد جاوبت عليكم بصراحة ومحدش يزعل منى لومكنتش فهمت
سؤاله وشكرا لكل اللى دخل وكتب لو كلمة صغيرة بس انا بحب المنتدى
ده اوووووووووووووى وبحب كل اللى فيه وشكرا ليك
يامصطفى على الاستضافة الجميلة دى وعلى المقدمة الجامدة
دى واسكندرية كلها بتسلم عليك يامتر هههههههههههه