هشام طلعت مصطفى يقدم مدينتي ثمنا لبراءته وعجبي

السلام عليكم ورحمة الله

في قضية جديدة اصبحت حديث معظم الشعب المصري المتابع لقضية مدينتي ورفع دعوى قضائية تطالب ببطلان عقد مدينتي وطبعا كلنا عارفين ان صاحبها مجموعة طلعت مصطفى

ومن يومين صدر الحكم ببطلان العقد وسحب مدينتي من يد مجموعة طلعت مصطفى

تسائلنا هل طلعت مصطفى وحده من يمتلك اراضي قد تم شراؤها بابخس الاثمان

رجال اعمال كتير غيره عندهم اراضي بنفس الاسلوب

وهل هذا الحكم بداية امل في عودة اراضي منهوبة وتحقيق العدالة في وطن امتلأبالفساد

انا بقول لا الموضوع مش كدة خالص وده طبعا من وجهة نظري

اولا طلعت مصطفى قوة استثمارية كبيرة جدا في مصر

وكلنا تابعنا قد ايه الاقتصاد اتأثر وكل رجال الاعمال وااللي معاهم فلوس بيتابعوا البورصة بعد سقوط هشام طلعت مصطفى والحكم عليه بالاعدام وبعد كدة قبول النقض والموال ده كله
اكيد كلنا عارفينه

ومشروع مدينتي اكبر مشروع بتنفذه المجموعة في مصر

ومش من السهل انها تسكت ومتعملش حاجة وتقف شايفة فلوسها بتضيع

هشام طلعت مصطفى قدم مدينتي تمن براءته

ايوة وبكرة هيطلع براءة

لانه مش من السهل ابدا حد يقنعني ان الموضوع عادي وبمنتهى البساطة

وان الناس ضميرها صحي فجأة واول مرة يعرفوا ان الارض دي متباعة قبل كدة بتمن لايذكر

والدعوى اترفعت واتحكم عليها في وقت قليل وكمان تأيييد الحكم
اي نعم سنتين بس برضه مش كتير

لو كلامي ده طلع حقيقي مش هقدر اقول غير

حسبي الله ونعم الوكيل

بس ممكن يكون فيه وجهة نظر تانية

ممكن نقول طبعا الموضوع من اوله غلط في غلط وده دليل على تحالف السلطة والمال زي مابيقولوا والحكومة اكيد عارفة الارض متباعة بقد ايه بس ساكتة لان فيه مصالح بينهم مشتركة واكيد عملت سبوبة جامدة مع مجموعة طلعت مصطفى

وعشان دوام الحال من المحال الحكومة اتقلبت عليه والله اعلم ايه الاسباب وبتحاول تدمره وكل شوية نسمع عن جرائم وفساد في عائلة طلعت مصطفى وتشويه صورته وكأن مصر مافيهاش غيره

يالا يارب يولعوا في بعض

ولو وجهة النظر دي صحيحة عقبال مايتقلبوا على احمد عز انا الراجل ده هشمت فيه شماتة