-* حسبى الله ونعم الوكيل * فيك يا كابتن احمد شوبير * ربنا مبيسبشى حق المظلومين

britny كتب:اكيد اول حاجة هنرد بيها
الحمد لله ع سلامة مصطفى
(السجن للجدعان)
بعدين انا لغاية دلوقتى مش فاهمة ايه سر العداء الكبير اوى ده بين الطرفين
الالتراس وشوبير
الالتراس دول مجموعة من الشباب اتجمعو حبا ف الاهلى
ايا كان بقى طلبة جامعيين او حتى مش متعلمين ده مش اللى هيحدد مدى احترامهم
واهتمامهم بسلوكياتهم الادب والاخلاق حاجة والعلم حاجة تانية
وللاسف الشديد الطلبة دول او الالتراس حماسهم الشديد وعصبيتهم ف التشجيع
خلت يظهر منهم تصرفات سوأت لصورة كل الجماهير الاهلاوية
حتى لو الشباب اللى شوبير عرض صورهم ناس لا تنتمى من قريب او من بعيد
ب مجموعة الالتراس ليه مش منفصلين عنهم؟
ليه القلة اللى بنتخانق عليها دى هية اللى ظاهرة اوى كده ف الصورة؟
ليه الالتراس الحقيقين مش بياخدو موقف ويحاولو يحسنو صورتهم او يبعدو عن القلة اللى سوأت منظرهم قدام الجميع ؟
او على الاقل ييجبو دلائل على انهم لا ينتمون للمجموعة
هيكون احسنلهم كتير بدل مايقعدو يهاجمو شوبير على صفحات الانترنت
اما بالنسبة للمشكلة الاولانية بتاعتهم وانهم متصورين ان سبب عدائه لهم
انه طلب منه ف وقت من الاوقات انهم يشجعوه او ينادو باسمه ف المباريات
ف هوة عرض عليهم طلبه ورفضوه
بغض النظر بقى عن ان طلبه مستتر وراه غرض شخصى
طالما رفضوه مش من حقهم دلوقتى ييجو يهاجموه او يفضحوه بالمنظر ده
طالما كان موقفهم منه الرفض من الاساس
بعدين انتو شايفين ان الراجل كل همه من ورا برامجه
الفرقعة الاعلامية او مصلحته الشخصية ف معتقدش انه فيه شخص
هيحتل منصب يفيده شخصيا وميستفدش(الملائكة لا يسكنون الارض)
والا هنكون بنضحك على نفسنا
من الاخر انا لا بدافع عن شوبير ولا بدافع عن الالتراس لان لغاية دلوقتى الحقيقة غايبة
مش عارفين مين صادق ومين كاذب ؟؟
بس كلمة اخيرة وااسفة ع الاطالة:
"اذا جاءكم فاسق بنبأ فتبينو ان تصيبو قوما بجهالة فتصبحو على مافعلتم نادمون"
صدق الله العظيم

mido كتب:لو الكلام والصور اللى جابهم شوبير حقيقى يبقى معاه كل الحق انه يهاجمهم ويتصدى ليهم