هل هذا منتخب مصر ام منتخب شحاتة؟

اختار حسن شحاتة الاعيبة اللى هتلعب فى التصفيات وخرجت من القايمة اسامى كتير وغربية جدا

محمد بركات - جمال حمزة - سيد معوض - ابراهيم سعيد - علاء ابراهيم (هداف الدورى) - احمد حسن (تانى هداف الدورى ) !!!!!

حد يقدر يفهمنى ازاى الاعيبة دول ميتخدوش المنتخب
-شحاتة ماخدش بركات عشان خلافته الشخصية معاه وانا عارفة ان شحاتة بيكره بركات
وبجد بركات منتخب مصر محتاجه خصوصا بعد اصابة فتحى
لكن نقول ايه شحاته بينله ات....
-جمال حمزة وعدم انحياز هو افضل لاعب فى الزمالك فى الفترة الحاية ومفيش اتنين فى مصر يختلفوا عليه
ماخدتوش ليه ؟
عشان متخانق معاه و اصل جمال غلط فى شحاتة على الهوا واهم حاجة الاخلاق !
لكن اللى يغلط فى ناديه ويهرب ويخون ويبيع ده نضمه لانه مخلطش فى مصر مخلتش فى المنتخب مخلطش فى شحاتة !
-شحاتة ضم شيكابالا رغم انه موقوف عشان المنتخب محتاجة اصل المنتخب هيسخر ولا مضمش شيكابالا وشيكا ومش هينضم الا لما يعتذر رسمى
طب ياشحاتة شيكابالا معتذرش ولا قدم اى اعتذرات ولا اى حاجة ومع ذلك ضمته !
- سيد معوض ده بقى اللى مفيش اى سبب عشان مضموش ياشحاتة الا اذا كان فعلا زى مابيتكتب انك كنت بتقنعه عشان يروح الزمالك وعشان ممعوض طلع راجل بيفهم وعنده عقل راح الاهلى فكان عقابه انه ماضمش للمنتخب

-اما بقى علاء ابراهيم واحمد حسن هدافى الدورى , فدول بقى عندك حق ياشحاتة متخهومش ليه ياابو على؟ عشان عيب عيب تضم لاعيبة بتعلب فى بتروجيت والمحلة عيب عيب بجد ! والله العظيم حاجة تضحك

فى الاخر عايزة اقولك ياشحاتة
بركات كبير اووى غصب عن اى حد بركات هايفض افضل وامهر لاعبى مصر ومش انت ولا غيرك اللى هايقوله بركات كويس ولا لا وبركات كبير من غير انضمامه للمنتخب
اما حمزة فياابو على اظاهر ان مصلحتك فوق مصلحة المنتخب وركامته انت فوق كرامة مصر وفوق كرامى الاهلى اللى هو مصر كلها
ضميت الحضرى الخاين الهارب وقلت مليش دعوة بخلافاته مع الاهلى مش مغلطش فى مصر
وحمزة عشان غلط فى سيادك
ليه ياشحاتة هو انت فاكر ان كرامتك فوق كرامة الاهلى وجماهيره
حسن ياشحاتة وقفنا معاك كتير اوى وسندناك كتير ولولا جماهير الاهلى اللى انتم مش همك كرامتها مكتنش بقيت حسن شحاتة
جماهير الاهلى والاهلى فوق الجميع ياشحاتة
وزى وقفنا جنبك النهاردة هنقف ضدك لان الاهلى كبير كبير اووى
واللى ميهموش كرامة الاهلى يبقى اتنهى ياشحاتة
واضح ان فوزك بكاس الامم مرتين ورا بعض خلاك تعتقد انك كبير وانك علمت انجاز

كلمة اخيرا ياشحاتة : لولا جماهير الاهلى ولولا لاعيبة الاهلى -بعد ربنا سبحانه وتعالى- ماتحقق الانجاز ولا كان شىء واحنا اللى رفعناك واحنا اللى هنرجعك لاصلك
وفعلا على الاصل دور الزمالكوى مهما عمل هيفضل زمالكوى!

انا راي المتواضع
بلاش الهجوم ده
و احكموا عليه من النتائج و بعدين ازاي مدرب هيضم لاعب متخانق معاه
ده كده المنتخب هو الي هيخسر لا لاعب و لا المدرب
يا جماعة مصر بتلعب مش اهلاي و لا زمالك
دي مصر
احكموا ع النتايج

كلام صح جدا واللى بيعمله الراجل دا غلط فى غلط
وكمان هوا السبب فى إصابه ابوتريكه

ومش عاوز ياخد اتنين من افضل من يلعبون الكره فى مصر بركات وحمزه

والله ربنا يبستر من المدرب دا اللى ماشى بالبركه

وموضوع جميل فعلا

سيد معوض افضل باك شمال فى مصر مش موجود مش فاهمها خااااااااااالص

وبركات وحمزه وعمر جمال من اسرع وامهر لاعيبه مصر مش موجودين برده مش فاهمها

علاء ابراهيم مصاب طول الموسم واحمد حسن هداف طبعا بس لسه قدامه فتره علشان يبقى دولى

شكرا ليكى