ليه الدنيا عليا ومش معايا ياااااااااااارب بجد حرااااام

ليه الدنيا عليا ومش معايا
ليه الدنيا ضدي في كل شئ
حتى في اصحابي بتبقى ضدي
ليه الدنيا بتاخد مننا اعز واغلى الناس عندنا
ليه انا عمري مضحكت من قلبي
ليه لما بكون فرحان بتيجي الدنيا عليا وتعمل حاجه تزعلني
ليه بقت كل ايامي بكاء وتحسر
ليه الدنيا عليا كده انا عملتلها ايه
والله والله سعات بتمنى الموت من كتر مازهقت من حياتي
لدرجة اني في يوم حاولت انتحر بس حتى الانتحار الدنيا كانت ضدي فيه
ورفضت اني انتحر وبعتتلي الي يلحقني قبل ما دمي يتصفى
ليه الدنيا مش عيزاني ارتاح
نفسي ارتاح
نفسي الدنيا متاخدش حد تاني اصحابي
نفسي الدنيا ماتفرقش بيني وبين اغلى الناس عليا
نفسي تسيبني في حالي
ليه كده
ليه مش عيزاني ارتاح
ليه مش عيزاني اموت وارتاح او اعيش مرتاح
ليه كده يارب
ليه اطلع من مستشفى ادخل في مصحه
ليه الدنيا بقت وحشه كده
ليه بقت الدنيا فيها الناس الكويسين اقل من الوحشين
ليه كل ما اصحى من النوم اسمع خبر عن فراق اغلى الناس عليا
لو حد مكاني كان زمانه ماااااااااااااات
والله كان زمااانه مااااااااات
انا شفت حجات محدش شفها قبل كده
عشت لحظات كنت بشوفها في الافلام وبس
ناس بتموت في بعضها عشان اتفه الاشياء ويمكن بلا اسباب كمان
انا كنت هموووت على طريق مقطوع في اسكندريه
بس ازاي عشت انا مش فاهم لحد دلوقت
وقلت ياترى ليه ربنا مافتكرنيش وخلاني استحمل سكاكين دخلت في جسمي من كل حته
بس بعد كده عرفت
اه عرفت عشان اشهد فراق اصحابي
واشهد فراق اغلى الناس عندي
بس انا مش عايز اشوف كل ده
انا عايز اموت وارتاح او لو هعيش اعيش مرتاح
بس اعيش واموت في نفس اللحظه مش عايز
اكون عايش واموت في كل لحظه انا مش عايز كده
عشان بجد بجد حرام الدنيا تقسى عليا اكتر من كده
لاني ماستاهلش كده

لله الامر من قبل ومن بعد
ياأخى هون على نفسك.. الدنيا فيها اكترمن كده بكتير
خللى ايمانك بربك كبير..وأكثر من الدعاء حتى يفرج الله همك.
ادعى بقول حبيبنا المصطفى عليه افضل الصلاة واتم التسليم:

"الحمد لله الذي خلقني ولم أكُ شيئًا، اللهم أعِنِّي على هوْل الدنيا، وبَوائق الدهر، ومصائب الليالي والأيام. اللهم اصحبْنِي في سفري، واخلُفني في أهلي، وباركْ لي فيما رزقتني، ولك فَذَلِّلْنِي، وعلى صالح خلقي وخلقي فقوِّمني، وإليك رب فحبِّبني، وإلى الناس فلا تَكلْنِي، أنت رب المستضعفين، وأنت ربي، أعوذ بوجهك الكريم الذي أشرقت له السموات والأرض، وكُشفت به الظلمات، وصلُح عليه أمر الأولينَ والآخرين، أن تُحِلَّ علي غضبك، وتُنزل بي سخطك، وأعوذ بك من زوال نعمتك، وفجأة نقمتك، وتحوُّل عافيتك، وجميع سخطك، لك العُتْبَى عندي خير ما استطعت، ولا حول ولا قوة إلا بك ".

وان شاء الله ربنا يهديك وينور طريقك ويبعد عنك همزات الشيطان

حبيبي يزن
انت عارف كويس اوى ان احنا قلنا نتفائل شويه مش كده وانت وعدت بكده
واذا كان على صحبك الي اتوفى او خطيبتك الي هتتجوز غيرك فده يابابا شئ بيد الله سبحانه وتعالى
يزن انت متدين ومينفعش تكلم كده ارجع زي ماكنت يابابا
وبليييز لو سمحت يعني بلاش الحزن ده كله يااخي افتح قلبك للدنيا تفتحلك قلبها
ابتسم للدنيا هتبتسملك ولا ايه

قول يارب

ان شاء الله خير يازن
ومليووووووووووووون سلامه عليك بجد ياجميل

ويارب متشوف حزن كده

وانت مؤمن بالله

ربنا كبير اوى يا يزن @

الله يسلمك يامحمد
وشكرا على وقوفكم جمبي
وشكرا لكل من رد عليا
ويارب

ياااااااه ايه دة كله ازاي بتقول كدة
انت عارف ممكن الواحد فعلا يجيله لحظات يتمني الموت
لكن انه يحاول ينتحر لا ااااااااااااا حرام عليك نفسك حرام عليك ربنا هتقوله ايه
قل ياعبادي الذين اسرفوا علي انفسهم لا تقنطوا من رحمه الله
دي اي مرة كنت حزينه وواحد قالتهالي فعلا ربنا رحيم واعرف ان دايما الحزن والضيق والكرب والهم اللي انت فيه ربنا شايلك وراه حاجة حلوة
ربنا بيقول ان مع العسر يسر ولازم تتفائل كدة شوية واكيد ربنا شايلك الاحلي في حياتك بس اهم شيء ترضي بقضاء ربنا
ولان شكرتم لازيدنكم
بجد ربنا معاك عشان كلامك مؤثر اوي ويبكي بجد بس انت احمد ربنا وهتلاقيه كريم واسال مجرب
بجد ربنا معاك وانت في وسط اخواتك اهو

السلام عليكم و رحمه الله و بركاته
إذا كنا نتحدث عن الكرامة الإنسانية فإن أعظم ما يهدمها هو التعدي على النفس بإزهاقها فأي كرامة تبقى للنفس بعد إزهاقها ولذلك كان القتل من أعظم كبائر الذنوب ومثل قتل النفس بل أشد في كونه يأتي من صاحب النفس التي استودعها واؤتمن عليها يكون الانتحار

ففي قتل النفس التي حرم الله إلا بالحق يقول الله جل في علاه :

في سورة الأنعام يقول الرب تبارك وتعالى : { قل تعالوا أتل ما حرم ربكم عليكم ألا تشركوا به شيئا وبالوالدين إحسانا ولا تقتلوا أولادكم من إملاق نحن نرزقكم وإياهم ولا تقربوا الفواحش ما ظهر منها وما بطن ولا تقتلوا النفس التي حرم الله إلا بالحق ذلكم وصاكم به لعلكم تعقلون}

وفي سورة الإسراء (33) : { ولا تقتلوا النفس التي حرم الله إلا بالحق ومن قتل مظلوما فقد جعلنا لوليه سلطانا فلا يسرف في القتل إنه كان منصورا }

فهذا فى التفكير فى الانتحار

مهما حدث للانسان و مهما كان الى حصلك فاحنا مؤمنين بالله عز و جل و مؤمنين بان هذه الدنيا دار ابتلاء، وهذا الابتلاء لا ينجو منه أحد حتى من اصطفاهم الله من عباده وهم الأنبياء، وأكثرهم بلاء في هذه الدنيا نبيناً محمد صلى الله عليه وسلم، ولذلك هو أرفعهم درجة وأعلاهم درجة والابتلاء كما يكون في أمور الدنيا من فقد مال أو موت احد الاقارب او فقدان شخص عزيز

كل دة ابتلاءات و كلها بتكون خير لينا احنا

فلا تستسلم لإحزان الشيطان لك، وثق بالله، وأر الله منك صبراً جميلاً واشكره على ما أنت فيه، واحمده حمداً كثيراً، ولا تتمن الموت فإن في حياتك شاكراً صابراً محتسباً رفعا لدرجاتك وتكفيرا لسيئاتك وفي موتك قطعا لذلك كله، ولا تغفل عن قول النبي صلى الله عليه وسلم: لا يتمنين أحدكم الموت من ضر أصابه فإن كان لا بد فاعلاً فليقل: اللهم أحيني ما كانت الحياة خيراً لي وتوفني إذا كانت الوفاة خيراً لي. متفق عليه.



وفاة صديق ليك ممكن تكون دى بالنسبة لك موعظة كبيرة اوى فمتخليش وفاة صديقك تضيع هباء اجعلها موعظة ليك تقرب من الله اقرب و حاول تدعيله كتير

اما اكتشافك لخيانة خطيبتك او ما الى ذلك فدة تحمد ربنا عليه مش نقوله لية ياربي لا نحمده ونشكر فضله علينا انه خلاك تكتشف خيانتها قبل فوات الاوان و قبل اى شئ و بردوا التمس لها العذر يمكن تكون ذهبت لغيرك غصب عنها لا نظن سوء فى اى شخص

و خد بالك ان اى ابتلاء بيكون اختبار من ربنا ياتري هنشكره على هذا الابتلاء ام سنحزن و نتعب

وحذار من اليأس من رحمة الله، قال الله تعالى: إِنَّهُ لاَ يَيْأَسُ مِن رَّوْحِ اللّهِ إِلاَّ الْقَوْمُ الْكَافِرُونَ {يوسف:87}، وقال تعالى: وَمَن يَقْنَطُ مِن رَّحْمَةِ رَبِّهِ إِلاَّ الضَّآلُّونَ {الحجر:56}.

واسال الله العظيم رب العرش العظيم ان يشفيك

واتمنى لك الشفاء العاجل

لا اصل انت والله صعبت عليه
لا شكر علي واجب
وتقبل مروري

انا اينعم مكتئبة وزهقانة من الدنيا لكن الحمد الله بشكر ربنا على كل حاجة
وعسى ان تكرهو شى وهو خيرا لكم ربنا يفك كربك وكربنا جميعا

(وعسي ان تكرهوا شيئا وهو خير لكم)
اخي ف الله اه الحياه صعبه وفيها ابتلاءات
كتير ولكن لازم نصبر ونحتسب لان ده قدر
ومن شروط الايمان بالله الرضا بالقضاء والقدر
وربنا مبيعملش حاجه وحشه وممكن الابتلاءات دي تكون خير ليك
قال رسول الله (صلي الله عليه وسلم)<لا يصيب المؤمن من وصب ولا نصب
حتي الشوكه يشاكها الا كتبت له بها حسنه ورفعت عنه خطيئه> صدق رسول الله (صلي الله عليه وسلم) ونصيحتي ليك دايما تفاءل وانظر للحياه من المنظور الاحسن وحاول تقرب اكتر من ربك
وصدقني هترتاح اكتر