وذهبت الاخلاق

السلام عليكم ورحمة الله وبركاتة
بسم الله الرحمن الرحيم
انا النهاردة جاية وبتكلم للاسف عن واقع مكنتش احب انوا يكون موجود فى مجتمعنا ظواهر اصبحت مسار حياتنا اليومية بنشوفها فى الشارع وبنقراها فى الجرنان وبنسمعها من اهلنا واصحبنا وجرنا
وبنشوفها فى التليفزيون
ظاهرة تدنى الاخلاق للاسف
شهدت السنوات الاخيرة احداث مثيرة من القضايا البائسة من عنف زوجى وتحرش بالفتيات وتشرد طفولى وانعدام للاخلاق
والسبب الى بنقولة دايما اصلى الشباب مش لاقى يتجوز عمالين ندور على القضايا ةنسمعها ونقول قلة تربية طب مفكرتش فى حلولها
انتى يا ام ايوا انتى وانتا يا اب ايوا انتى كنتم فين لية مرصختوش فى قلوب ووجدان ولادكم الاخلاق لية معلمتهمش الدين لية مربتهمش تربية اسلامية ولو حتى زرعت فيهم دا سيبتهم لية للمجتمع بتعدد فئاتة واخلاقة اين الرقابة
يا ام انشغلتى عنهم وقلتى ابنى وبنتى مش ممكن يعملوا كدة وانتايا اب انشغلت عنهم علشان تجيب الفلة والعربية ونسيت انك بتبنى لسراب لان ابنك المخدرات اتمكنت منة اةةةةةةةةةةةةةةةةةةةةةةةةةةةةة
لما تعرف بتصحى ع كبوس انتا اية مستنى الكابوس لية منفقش قبل كدة ولا لازم القلم ينزل ع وشك علشان تفوق بس مش النوم على الواقع الى ابنك او بنتك بقم فية

انا عارفة ان كل اب وام عايزين ولادهم فى احسن حال والله عارفة انكم عايزين رجالة وبنات صالحين بس كنتم فين بتبنى ونسيت تراقب
معلشى سامحنى بس دى الحقيقة
يا شباب حرااااااااااااااااااااااااااااااااااااااااااااااااام عليكم نفسكم لية تضيع نفسك وسنين حياتك اما فى مستشفى بتتعالج واما ورا صور كبير بتقول اة ومش لاقى حد يعبرك واصبحت بين يوم وليلة من طالب فى كلية او مدرسة لمسجون اسير ورا القضبان بتصرخ وتقول غلطان بس بعداة فات وقت الاعتذار
يا بنات حراااااااااااااااااااااااااااااااااااااااااااااااااااااام عليكم نفسكم بجد هنيت عليكم مش عارفة اقول لكم اية بس بتعملوا كدة لية لية تخلى اى واحد يقولك كلمة او نظرة تهد جبال من الحياء اين الحياء اين الله فى قلبك لما بتضحكى بصوت يشق سكون اليل ولما بتلبسى لبس يظهلر اكتر ما بيدارى كونى حيية
قبل ما تعرضى نفسك لشىء لا يحمد عفباة وتعيشى بذل وكسرة حياتك كلها
البسى ما يناسبك ويناسب بيتك ومجتمعك ودينك واسرتك
لية تمشى مع واحد فى الشارع بيضحك عليكى بمسمى الحب والله ولا بيحبك محدش بيحب حد يعرضة لكلام الناس والغمزات والاهانات تخيلى نفسك لما تبقى لبانة على لسان الناس هنيت عليكى امك وابوكى اتقى الله حرام
يا اختى الى بيحب حد بيحب يصونة ويحافظ علية وياما سمعتى عن مئاسى مستنية اية هتقلولى بيحبنى ومش ممكن يعمل كدة هقولك غلطانة لانوا الى جة بسهولة سهل انوا يروح بسهولة واديكى بتسمعى
ولا خلاص غيبتى عقلك

يا جماعة ربوا اولادكم ورقبوهم وبثوا فيهم كيفية التعامل مع العولمة النت والدش وكير من مستجدات الحياة

اما الدولة فحرام عليكم الكليبات المسفة الى ع الشاشات والله حرام انكم سيبنهم من غير رقابة وبتقولوا بيحصل كدة لية ابطروا القنوات دى لغاية من علم ولادنا ثقافة المشاهدة انوا يكون عندة القدرة على غلق اة تحويل القناة ابطروا ايدى الفساد
الى عذبهم يوم القيامة ولاحول ولاقوة إلا بالله عذابين ربنا يرحمنا ويعفى عنا وعنهم ويمتنا على طاعة وتوبة

وفى النهاية كلمات ضغيرة لعلها تساهم
نحن لسنا سيئين فهناك من يرتقى بهذة الامة بنات وشباب انا عرفاهم موجوديم ما بنا يعرفوا يعنى اية مسئولية واخ واخت
فنحن لسنا سيئين الى هذا الحد لكننا غير مهيئين ولا مستعدين الى هذا الحد ايضا فالحياة ماهى الا لختبارات صعبة لثبات الاخلاق
0ان الله لايغير ما بى قوم حتى يغيروا ما بى انفسهم)
وفوقوا قبل ان (تخلوا الاسباب وتفارقوا الاحباب وتسكونوا التراب وتواجهوا الحساب)

لذا اقول ان النت ليس النهاية بل البداية لعصر جديد من التكنولو جيا الصحيحة اذا تنا ولناها صح
فسيوجد فى هذة الحياة من يثبت اخلافة وذاتة وهو من يتقى الله ويجد وعمل
ومنهم للاسف من سيهشم تحت عجلات الحياة
لا والله ان امتى امة الخير كما قال الحبيب والله انى احزن حزنا عندما اسمع ان شاب مسلم قتل او سرق يااااااااااااااااااااااااااة
ارجوك كون صورة جيدة وحية للاسلام
واذكر نفسى واياكم بتقوا الله
السلام عليكم ورحمة الله وبركاتة

والله انكي لابدعتي فيما صورتي وتكلمتي
عارفه يا ايه فيه كلمه قولتيها مش قادرة امسك دموعي منها
كما قال الحبيب
عليه الصلاة والسلام ان امتي امه الخير
ياحبيبي يا رسول الله
اشهد ان لا اله الا الله وان محمدا رسول الله
بجد الكلمه خلتني ببكي دلوقتي
نعم الحبيب
والله انه الحبيب ولكننا تركنا سنته تركنا اخلاقه وافعاله فكيف نقسم اننا نحبه اذا كنا قد تركنا اخلاقه
والله يا ايه دموعي دلوقتي مش راضيه تقف
حزنا ع شباب الامه اين هم شباب الامه اين هم
شوفوا الكلمه حسوا الكلمه معايا شباب .... شباب الكلمه جميله اوي لكن اهؤلاء الذين نراهم شباب
اما نفعله هذا يقول اننا شباب
شباب الاسلام كان من المفروض ان نعز الاسلام بوجودنا ولكننا ويل لنا مما فعلنا واقترفنا والويل لنا ان لم نتوب ونرجع
انا مش عارفه اقلك ايه بس التوبيك دة عاوزاكي تنشريه في كل مكان علي وعسي انسان يقراه فيرق قلبه ويحس انه لازم يتغير ويغير من نفسه واخلاقه
وانا هستمر في البرنامج بتاعي
تعرفوا انا عندي افكار كتيرة نفسي يتكتبلها النور انا بديت بحجات بسيطه في ادينا اننا نعملها
في الدين بس يكون عندنا الخير جوة قلوبنا واحنا نكمل ونواصل
لكن مازال عندي الكتير
بس محتاجه عزيمه وارادة من الكل اننا ممكن نتغير ويكون الناس شعورها من جواها انها ممكن تعمل حاجة
بجد ياجماعه ايوة ماتستهونوش بنفسكم احنا ممكن نكون بذرة صح للتغيير
بس ادينا في ادين بعض وكله بالتدريج
جزاكي الله خيرا اختي
انا مكنتش هادخل دلوقتي بس شفت التوبيك قلت لازم ادخل ارد وبعدين هروح اشوف كتبي
عاملين ايه هههه
بجد يارب الكلام يجيب فايدة واستمرووووووووووووووا ع هذا المنهج
ربنا يكتر منكم انتي يا ايه واللي زيك امين يااااااااااارب

يااااااااااااااااااااة جزاكى الله كل خيرا يا اسماء والله فى امتنا الخير كما قال الحبيب صلى الله علية وسلم
شكرا يا حبيبتى ع مرورك الكريم

مش عارفه اقولك ايه بجد يا سجده بجد الموضوع اكتر من رائع
ودايما بتناقشي مواضيع مهمه جدااااااااااااااااا
وعندك حق فعلا يمكن بقينا بنستغل التكنولوجيا بطريقه غلط جداااا
وفعلا لازم الاهل يخدو بالهم من اولدهم شويه عن كده
ممكن تكونو عارفين ربيتو ولادكو ازاي بس المشكله ان فيه مؤثرات تانيه
وناس تانيه بيسمعو ليهم ده غير النت والدش كل ده بيغير من تفكيرهم
وممكن تكونو عرفتو اخلاق اولادكو امبارح وعارفين انهم ميعملوش كده
بس النهارده وبكره متعرفوش ممكن يكونو سمعو ايه


يا اختى الى بيحب حد بيحب يصونة ويحافظ علية وياما سمعتى عن مئاسى مستنية اية هتقلولى بيحبنى ومش ممكن يعمل كدة هقولك غلطانة لانوا الى جة بسهولة سهل انوا يروح بسهولة واديكى بتسمعى
ولا خلاص غيبتى عقلك


انا عجبتني الجمله دي جدااا
لان فعلا اللي بيحب حد بيخاف ويحافظ عليه
وصدقيني كمان الحكايه انه مش بيحبك بس ده كمان بينظرلك نظره مش كويسه
واللي بيحبك وعاوزك شريكه لحياته قبل ما هيكلمك هيكلم اهلك
ومش هيعرضك لاي موقف مش كويس


بجد يا سجده الموضوع يجنن وفيه كلام كتيييييييييييييييييييييييير اووووي يتقال
وفعلا احنا مش سئين اوووي بس محتاجين نفوق شويه
ونرجع لتقاليد مجتمعنا ولدينا

جزاكى الله خيرا يا نوسة يا حبيبتى ع مرورك وطبعا انا معاكى يارب بجد نقدر نغير نفسنا وساعتها هنقدر نغير بلدنا ومجتمعنا

شهدت السنوات الاخيرة احداث مثيرة من القضايا البائسة من عنف زوجى وتحرش بالفتيات وتشرد طفولى وانعدام للاخلاق
والسبب الى بنقولة دايما اصلى الشباب مش لاقى يتجوز عمالين ندور على القضايا ةنسمعها ونقول قلة تربية طب مفكرتش فى حلولها

اكيد لازم افكر لكن مين يساعدك على تنفيذها
هتعرفى تحققى الحلول و انتى بتواجهى خوف داخل الناس خايفة تتغير
خايفة تقول لا
خايفة تفتح عنيها على الى بيحصل حواليها
احنا فقدنا الرجولة و النخوة و فقدنا العقل زيادة عليهم
فقدنا عقلنا و ضميرنا و قتلناهم معا
لو حصل تحرش فى الشارع الرجالة تمشي و تقولك اخاف ليطلعلى مطوة يغزنى بيها
البنت ماشية فى الشارع و اسمها محجبة لكن اعوذ بالله ان تكون مقتربة من الحجاب بشئ
تخاف اختها المسلمة ان تكلمها و تقول لها اتق الله
الاطفال مبقوش اطفال نهائي مبقتش فى براءة
كل دة و احنا فين من كدة
لو حاولتى تغيري ولا تفكرى تقولى تغيير
تلاقى نفسك وحيدة فى كدة
تحسي انك غريبة عن العالم دة
اتمنى التغيير
و اتمنى الصحيان
و اتمنى انها تكون بايدينا
شكرا يا سجدة

شكرا يا روناتا على مرورك وبجد كنت مستنية رائيك لانك من الناس الى بتعجبنى ارائهم طبعا انا موافقه على رائيك
بس ليا تعقيب لو احنا فصلنا نقول مافيش فايدة مش هنتغير يبقى بجد مش هنتغير ومعاكى دا صعب بس مش مستحيل بلدنا واحنا محتاجين كتيرررررررررررررررراووووووووووى صحيح بس ممكن يبقى فية تحسن طفيف انا عارفة انوا شىء محزن ومهين خلاص بقت اهتمامتنا واهتمامات الشباب السجاير والحشيش والتسكح على النواصى علشان يعكسوا دى ويكلموا دى ويقربوا من دى مفيش اى شىء بقى بيشغلهم غير الانحراف بس برضة مش قادرة اغفل ان فية شباب كويسين رجالة وبرضة مش قادرة انسى البنات الى تعرضوا لتحرش ورجالة وللاسف انى بقول عليهم كدة لانها كلمة كبيرة افتقدناها فى المجتمع موجودة بس فين هما لما يقفوا يتفرجوا يا اخى افتكر اختك امك بنت خالتك جالرتك انتى فين
متفرج
يا بنات حررررررررررررررررررررام عليكم بجد والله ما انتى السبب انتى مبتسمعيش الى بيحصل كل يوم ومع ذلك ماشية بمنتهى السفة والبله ولا همك حرام هانت عليكى نفسك راعى ربنا امشى كويس مش لازم الضحكة العليا والبنطلون الضيق والبدى الماسك عليكى وحرام عليكى ولبسة عليهم اشارب
انا عارفة ان فى بنات كويسين والله عارفة
بس دورى ودورك لازم نوجهة صح انصحى اختك براحة بالين فهميها وجهة نظرك متكلميهاش باسلوب العالمة وهيا الجاهلة خديها براحة يمكن كلمة تقع فى قلبها وتبقى بعديها كويسة اكيد فى قلب كل واحد مننا نقطة بيضة ما تيجوا ندور عليها فى قلوبنا وفى قلوب الى حوالينا حتى لو مسمعتكيش مرة على الاقل هتحترمك هتلفتى انتبها ممكن بعديها تفكر فى كلامك وتتغير بس يا بنات يا شباب الصحبة الصالحة الصلاة
والله والله والله هتغيرورا ربنا كريم اووووووووووووووووى وبيحبك متخلهوش يغصب عليك يا وليك انتى مش قد الملك القدير الفرصة قدامك توب مستنى اية العملر مش مضمون
برضوا الاب والام عاليهم عامل يا جماعة متسبوش ولادكم وقت الندم لوجة هتموتوا بحسرتك ربوهم ربوهم ربوهم علموهم الصلاة والدين والله هتتحاسب على ابنك وبنتك سيبها تبقى فرجة يااب
والله انا بتكلم وبقول لنفسى قبل اى حد انا والله ما شيخة ولا اعلم عند احد من الذنوب مما اعلم عندى ولكنى استغفر الله واتوب
فاستغفروة
ربنا يهدى شباب وبنات المسلمين يارب
بجد يالا نغير نفسنا

جزاكم الله خيرا لكل الى مروا وربنا يهدينا جميعا يارب بجد والله اكثروا من الدعاء لى وللانفسكم ولسائر المسلمين

عجزت كلامتى أن تصف لكى مدى روعة هذا الموضوع يا سجدة
فكل كلمة فيه تعكس الواقع وما نعيشه فى هذه الأيام الصعبة

رفعت يدى الى السماء ادعو الله و الدمع ينهمــــــــــــــــر
اشكو الله من شأن الامة و من ايمانها الذى ينحــــــــــــدر
الحياء انعدم والصبر انكسر و الاخلاق تحتضــــــــــــــــــــر
الحق والظلم فى صراع دائم و لكن الظلم ينتصــــــــــــــر
الشباب فى غفلات و الفتيات عاريات و الموت ينتظـــــــــر

.. انما الامم الاخلاق ما بقيت فان ذهبت الاخلاق ذهبت الامم ..

على الرغم من كل هذا مما نراه ومما نسمعه إلا اننى مازال فى قلبى شيئا من الأمل
فى تغير حال مجتمعنا فلم نعد نملك غير الدعاااااء ..
فكل شخص يستطيع ان يغير نفسه بنفسه إذا كان يملك فى قلبه شئ من الرحمة و
الخوف من الله .. إذا كان مازال لديه رصيد من الاخلاق ..

.. جزاكِ الله خيراااااااا وجعله فى ميزان حسناتك ، فقد ابدعتى وتميزتى فى تناولك
لهذا الموضوع ..

يعنى بجد جزاكى الله خيرا يا سمسة على دخولك ومرورك وكلماتك هيا احرف من ذهب
جزاكى الله خيرا