شكر واجب لكابتن شوبير

Subject: شكر واجب لكابتن شوبير

تتقـــــدم رابطة مشجعات النادي الاهـــــلي بكل الشكر والتقدير

الي الكابتن شوبير
-----------------------
لما بدر منه من موقف انساني يستحق عليه كل التقدير والشكر والاحترام
اتجاه جماهير النادي الاهلي التي كانت حبيسة الطائرة في جاروا

كابتن شوبير امد برنامجة للرابعة فجرا حتي اطمئن علي اقلاع طائرة مشجعي النادي الاهلي

-----------------
تــــــــــوضــــــــــــيحــــــــات
-------------
عارفة ان في ناس بتقول الاتي
------------------------
1_ __ هي بعتت شكر عشان كابتن شوبير اتكلم هو و د ياسر ايوب عنها وعن الجروب في البرنامج

هارود واقول اليشوف منظر الجماهير وهي بتبوص علي طائرة اللعيبة وهي ماشية وهما نصهم نايم في الارض والاخرون متحسرون

لازم يشكر كابتن شوبير

___________________

2__كابتن شوبير عمل كدا عشان يوقع بين ادارة الاهلي وجماهيره عشان يخلي شكل الادارة وحش

--------------

هرود واقول
اولا :مفيش مخلوق يقدر يوقع بين ادارة الاهلي وجماهيره بالرغم اننا لينا عتاب علي الادارة اتجاه هذا الموقف

مع انهم قالوا ان الاتفاق كان طائرة الاعيبين تقلع وبعدها طائرة الجماهير

لكن الصح في هذة اللحظة الانتظار لحين اقلاع الطائرتين معا

ثانيا : ربنا وحدة اليعلم بنوايا الانسان ومحدش عارف شوبير كانت نيته ايه ساعتها لكن في الاخر هو موقف قوي يستحق عليه الشكر

_____________________________________________

كابتن شوبير له مواقف عدائية ضد النادي الاهلي

-----------------
اقولوا انظر لهذا الموقف فقط فالمشاعر الانسانية لاتقبل المزايدة وتذكر موقفة ايضا مع جماهير الاهلي االكانت حبيسة بمدينة بورسعيد

وتذكر بطولات شوبير مع ناديك
ولا تنظر له في تلك اللحظة علي انه نائب اتحاد الكورة
او الاعلامي احمد شوبير

ولو هو فعلا كدا لماذا يحبونه لاعيبي الاهلي هكذا ؟؟؟
______________________________________

في النهاية شكرا يا كابتن شوبير
_________________________
مع تحياتي

فى الاوال احب اشكرك يا يارا على التوبيك الجميل اوى
وكمان احب اشكر الكابتن شوبير على اللى عملة بخصوص الطيارة
وكمان يا ادمين انت بتقوال هو عمل كدة عشان خاطر بنتة وفيها ايةوانت
اش عرفك ضميرة سعتها اية عشان بنتة واللى عشان الجمهور
وفعلا المفروض طيارة اللعيبة متطلعش قبل طيارة الجمهور ما تطلع الاوال
الجمهور رايح واتبهدل عشان مين مش عشان اللعيبة والنادى الاهلى يبقى المفروض
الجمهور يمشى قبل اللعيبة تقديرا بس للجمهور ومشجعى الاهلى
وانا بحيى شوبير على موقفة وبقدرة كل الشكر والاحترام

اولا مع احترامى يا يارا
شوبير لو عمل كدة
لان دة دوره كنائب رئيس اتحاد الكرة المصرية بجانب ان دوره كمسئول
عشان يظهر بمعنى اصح
و طبعا دة رايك يا يارا و انا احترمه طبعا
بس عذرا لا تشكري احد على واجب عليه واجب كان المفروض يعمله
اما الادمين
فانا اعتذر منك
مهما كان نقدك لشوبير لا تلقبه على العلن بالحرامى لانه مش هو بس الحرامى دة معظم الاتحاد و معظم البلد الى كلها كوسة (وماعلينا لاننا لا نخوض فى اشياء قد تؤدى الى المجرة)
ولكن تعليقى ايضا هو تشجيعك لامر الالتراس
الالتراس يا سيدى هو الشكل السئ للتشجيع
لا اعلم اذا كنت وضعت يوما بينهم
لكن اؤكد لك انهم ليسوا هم الافضل
بل الاسوأ و الاسوأ
افضل جماهير كانت الرابطة الرسمية لمشجعى النادى الاهلى و ليس الالتراس
و لو حضرتك بتشجعهم او تؤيدهم
يبقى حضرتك مشوفتش تشجيعهم الحقيقي
و شكرا يا يارا على التوبيك و انا بحب توبيكاتك جدا لانها تثير النقاش

تعليقات بسيطه جدا

رانونا *بخصوص ان الرحله تطلع الاول فدى سفر ومواعيد طائرات

ونظام هى الرحله من الكاميرون لمصر مش من رمسيس للعتبه

------------------
ثانيا بخصوص
اعلاميه موت

***
رابطه مشجعى الاهلى

احسن من التراس

علشان كده سرقوا فلوس الشباب الغلبان وواحد خدهم وخلع
ولو تحبى انزلك حوار مع واحد من الى اتسرق فلوسهم

علشان كده
فى رابطه المشجعى حصل اشياء مخذله
وللعلم
ان 80 من التراس كانوا شباب فى رابطه مشجعى الاهلى
ولكنهم كرهوا الظلم
والحقد
والاستغلال
وكانوا بيدفعوا
200 جنيه فى تى شيرت تمنه لا يتعدى
20 جنيه

كل ده
علشان مكتوب عليه رابطه مشجحعى الاهلى


لكن الاتراس اهلاوى
هو سلاح الاهلى الى بيضرب بقوه
ومش معنى ان اوقات بتخرج منهم الفاظ انهم اصحاب السلوك السئ بالعكس
دول
رجاله ورى الاهلى فى كل مكان

دلوقتى هما احرار التى شيرت لا يتجاوز الثلاثون جنيها

ثمن التصنيع
والدنيا كلها بقت التراس اهلاوى

والتراس ديفلز باسكندريه
امنا رابطه المشجعى
فسلامات
الاهلى طول عمره كبير جداااااااااااااااااااااا

وشكرا ليكى وده كاتن توضيح بسيط @

لى تعليق على كلامك
حضرتك تناولت جانب واحد فقط من جوانب الفساد
قولى المكان الى فى العالم كله متلقيش فية فساد
كل مكان فيه فساد
و كذلك الالتراس
يعنى هى الرابطة كانت مش فى الاول التيشيرت ب 20 جنية
الالتراس هتبقى كدة بس مع الوقت
هو الفساد مبيظهرش فى الاول بس
لكن انا احكم عليهم من سلوكهم فى الاستاد
ان يستخدموا الفاظ خارجة هو دة سلوكهم
هى دى الافعال الى تظهرهم
التشجيع مش اسفاف و سباب بل سلوك
و الايام بيننا
الالتراس كان لا يمثل شئ و كان يتم نقده بسبب سلوكه الخاطئ
احنا يا فندم بقينا بنحبش نروح درجة تالتة عشان الالتراس و عشان الالفاظ
و بطلنا نروح الاستاد اساسا بسبب كدة
زمان كنا بروح للرابطة و معرفتنا انهم مثال حقيقي للتشجيع
الموضوع مش مشكلة تيشريتات
المشكلة مشكلة سلوك

تؤتؤتؤتؤتؤتؤتؤتؤ
جرى ايييييييييييييييييييه؟؟ ياشباب بى كووووول
انا قلت اشارك برائى ( كونى ايجابية )
وربنا ما ليا ف السياسة؟؟؟
اولاااا انا مع يارا مشكووورة على انها فكرت ف تقديم الشكر لشخص مسؤول
اى نعم هوة واجب عليه اللى عمله زى ما رونا قالت بس برضه الراجل فيه ناس كتير ضده
ولو كانت محاولة منه لكسب ود الجماهير من تانى ف تحسبله ومشكووور على واجبه يارب دايما يااخد باله هوة واللى وزيه من المطلوب منهم
ثانيااا مش معاك ياادمناوى ف حكاية انه عمل كده علشان بنته كانت من ضمن الجماهير لان لو ده السبب فعلا ف هوة ف الاول والاخر أب قبل مايكون نائب رئيس الاتحاد من حقه يطمن على بنته من غير مانعيب عليه
واخيرااا بقى حكاية الالتراس ورابطة الاهلى والكلام ده اى كان مين فاسد ومين صح
ف اى حد يسوء صورة النادى الاهلى مهما كان حماسه ف ميصحش يكون واحد من الجمهووور
كانت معكم بريتنى من امام شاشة الجهاز اللى مايعلم بيها الا ربنا
قياااااااااااااااااااااااااااااااااااااااااااااام
تصفيق حاااااااااااااااااااااااااااااااد
تعظيم سلااااااااااااااام ..
جلووووس

ميرسى على رضك يا ادمين
بس من الواجب والنحية الانسانية ان الانسان سايب كل
مشغلة ووجباتو ورايح عشان يشجع اللعيبة عشان تظهر
بمظهر حلو يليق باءسم بلدة مصر واللى ريحلهم يمشو ويسبوهم
يبقى عيزين اية تانى واللعيبة تمشى وتسيب الجمهور يولع المهم همة
يوصلو بيتهم فى امان خلاص ميهمهمش اللى راح يشجعهم ويحمسهم ويقف جمبهم
عشان يرجعو فرحانين ولعلمك يا ادمين كان ممكن يجلة معاد الطيارة عشان طيارة الجمهير
ودى حاجة مش صعبة دى سهلة جداااااااا بس هما حبو يريحو نفسهم ويرجعو فقالو كل واحد
يلا نفسى ودى اكبر غلط ومش بقولك ان المسافة من الكاميرون لمصر مش من العتبة لرمسيس
ابعد بكتيررررررررر وانا عارف كدة كويس بس الاصوال والواجب وانحية الانسانية اللى فى الشعب المصرى مكنش ينفع نسبهم ونمشى
ودى رض بسيط على حضرتك وانا اكتررررررررررررر واحدة بشكر شوبيرررر على اللى عملة بس المفروض مشكرهوش دى واجب علية كان اى حد مكانة يعملو ومهما قالو انيو حرامى ومرتشى مش هصدق حاجة علية حتى لو جبتلى ادلة انو كدة
وهفضل طوال عمرى اشكر شوبير على كدة وعمرة مهينزل من نظرى ابدااااااااااا مهما حاولو اعدائى يشوهو صورتة قدام اللى بيحبو وبيحترموة وبيقدروة

حقيقى انا بشكركم جدا على النقاش وفى الاخر دى وجهه نظر ياجماعه يعنى اكيد كل واحد لى وجهه نظر مختلفه عن الثانى وميرسى ليكم

الحوار المفروض يبقى أفضل وأهدى من كده (مش مستهله)