تعالوا نحفظ القرآن مع بعض

هههههههههههههههههههههههههههههه
والله ضحكتيني يا اسماء
بالعكس انا حسيت ان اسم التوبيك هيجذب الناس
لا موضوع ختم القران حفظ دي حاجة المفروض كلنا نتمناها
وياريت حد يكون معانا
ولما ييجي الحد ده
تعالي نبتدى من النهاردة
نبدأ بسورة البقرة وكل الناس اللي حافظة القران نصحوني ابدا بيها
تعالى نحفظ خمس ايات وياريت نشغل اي حد من الشيوخ عشان نحفظ صح
وبكرة ياريت تقوليلي انا حفظت
وانا ان شاء الله برضه هعمل كدة
بجد رجعتي فيا الامل من جديد

افرحي يا اسماء بقينا تلاتة
وجزاكي الله خير يا مون
هنبتدى النهاردة ان شاء الله

خلاص احنا التلاته نحفظ ايه المانع وبكرة نشوف مين حفظ اول خمس ايات من سورة البقرة
ومنورة ياميرفت وانا مبسوطة اننا هنقرب من بعض اكتر في حاجة زي دي
طيب اعملي العنوان ياتويتي تعالوا نحفظ القراءن سوااا ههههههه يفهموا يعني اننا عاوزين نحفظ
وجزاكي الله خيرااااا حببتي

اهلاوية حتي الموت كتب:

بصي يارشاااا انا بجد بحيكي دي اول حاجة ع الفكرة الهايله دي
احنا كل شوية نقول هنحفظ وتقوم هوجه نعمل توبيك زي كدة وكل حاجة تقف ومحدش بيحفظ
انا كتير فكرت اعمل توبيك عن دة بس كل شوية حاجة تعطل
بداية انا معاكي
لاني من زمان وناوية ان مهما طال العمر بيا اني لازم احفظ القراءن وطبعا محدش ضامن عمره
فأمنيه من امنياتي اني اختمه وكل شوية ابتدي واقف والاجازة اللي فاتت حفظت شوية ونسيت نصهم
مش عارفه ليه بنأجل
بصي هيه دي الحجات اللي المفروض نعملها
وكلنا نتعاون عليها ودي نجري وراها ونسابق عليها مش اي كلام فاضي تاني
دة اللي بجد يستاهل نشغل وقتنا بيه بدال الاغاني والافلام والاعاد ع النت والشات
والحجات دي
خدنا ايه من دة كله عموما اناااا معاااكي وهنحفظ لو حتي سواا
عاوزاكي تحاولي تغيري من العنوان لعنوان يجذب اكتر
زي مثلاااا هوة احنا ليه بقينا كدة ...ادخلووووووا وبجد مش هتندمواااا
او مش هنبطل هيافه بقي ونعمل حاجة صح ولو لمرة واحدة

اصلك وريتي للجميع انه توبيك اسلامي وللاسف توبيكاتنا الاسلاميه قليله الزيارة لاننا ناس
مش بتهتم غير بالهايف من الفعل والقول
معلش خدتني الجلاله بالكلام وهنشتم في نفسنا كتير بس احنا فعلا محتاجين اعادة نظر كبيرة
يارتني ارجع اكتب في الحجات دي زي زمان بجد شجعتيني
واخيرااااا انا معاااااااااااااكي
ياتري هل من وافد جديد بس يحفظ بجد ومش كلام زي اللي فات ونستمر
مستنينكم انا وتويتي سوياااااا علي الطريق الصحيح ..............

اسماء انا مقومتش هوجه في المنتدي ولا حاجه ولا كنت اقصد اعمل برباجندا في المنتدي
ربنا اللي يعلم انا كنت قريت توبيك عن فضل القران وسعتها قررت اني ابدأ في حفظ القران
وجت في دماغي اني اعمل الفكره في المنتدي عشان نشجع بعض ونحفظ سوا

وبالنسبه ان الفكره مكملتش وكلام زي اللي فات
انا الحمدلله نزلت اكتر من توبيك عن حفظ القران والتفسير
وده عشان اشجع ع حفظ القران

ولو عاوزه اللينكات بتاعة التوبيكات اهيه

المصحف المعلم المرئى للدكتور الرائع أيمن سويد
https://ahly-123.ahlamontada.com/montada-f11/topic-t16566.htm?sid=c897b2ac911933e43361656df8803cf0

للبحث عن أي آيه في القرآن الكريم وتفسيرها في ثواني 000إدخل هنا
https://ahly-123.ahlamontada.com/montada-f11/topic-t16243.htm?sid=c897b2ac911933e43361656df8803cf0

طريقة حفظ القران الكريم

https://ahly-123.ahlamontada.com/montada-f11/topic-t16390.htm?sid=c897b2ac911933e43361656df8803cf0

ده غير ان لما نزلت توبيك حفظ القران كان فيه جدول لطريقه حفظ القران

https://ahly-123.ahlamontada.com/montada-f11/topic-t16147.htm?sid=c897b2ac911933e43361656df8803cf0

----------------------------------------------

طبعا مش ذنبي انكو مفتشتوش في القسم كويس عشان تشوفو الجديد
ده غير اني لما لاقيت التوبيكات بتروح وسط المواضيع
استنيت قسم لحفظ القران عشان التوبيكات متضعش ويبقي ليها مكان محدد
طبعا مش ذنبي ان القسم كل ده متفتحش

وعموما انا وبنات من المنتدي كنا ابتدينا من وقت ما نزل التوبيك
وفيه بنات ماشاء الله وصلو لكم كبير من الحفظ

ده غير اني خرجت من امتحانات نص السنه دخلت فامتحانات الكورس وبعدين دخلت في مذاكره
الكليه تاني لاني ذيكو طبعا عندي كليه ودراسه مشغوله فيها

وبالرغم من كده كنت بدور ع تفسير كويس لسورة البقره ومعلومات عنها
عشان لما نحفظ نبقي فاهمين

عموما هو حفظ القران مش محتاج غير انك تجيبي المصحف وتقولي بسم الله الرحمن الرحيم

وده كان تعقيبي ع كلامك عشان حسيت ان فيه اتهام ليا
عموما انما الاعمال بالنيات


وميرسي ليكي يا تويتي ع فتحك للموضوع مره تانيه
وربنا يوفقكو ان شاء الله ويتقبل منكم

انا الى مبسوطه كتير انى هتقرب منكوم
يلا كلنا نحفظ بجد والى مش هيحفظ
هيكون جزاته؟؟؟؟
معايا اناههههههههههههههههه

ياااااااااااااااااااه يااااااااااانوسه
طب ازاي انتي تعملي كل الخير دة وانا اتهمك
دة انا كنت مبسوطه بشغلك اوي انتي عارفه بجد كنت بتكلم عن نفسي اول حد
لاني لما كنت بشوف موضوعات زي كدة بشجعها وبعدين بتشغل بحجات كتير وتضيع مني واكيد انتي ملاحظه ان دخولي قليل وموضوعاتي مش كتيرة اللي بنزلها
ويارب تكون فعلا هوجه الناس خدت بالها منها كلهم
انتي ليه مفكرة ان كلمة هوجه حاجة وحشه
بالعكس
انا نفسي هذه الهوجه تستمر ههههه يااااه عليكي انتي حساسه كدة ليه
هوة تفتكري اسماء حبيبتك طبعا تفكر فيكي كدة
ع فكرة موضوع حفظ القراءن دة طبقته قبل كدة انا وواحدة صاحبتي في منتدي تاني
وحفظت في الفترة دي كميه كبيرة مش اوي يعني
وكمان تويتي قبل كدة عملت توبيك عن الحفظ وكلنا شجعنا وبعد كدة نسينا
مش بتكلم عنك بس انا بتكلم عننا كلنا كلنا مقصرين وانا اولكم عشان كنت بعمل دة ووقفت
كان نفسي ساعة انتي عملتي الفكرة تتحط ع البوابة والمنتدي كله يشارك ونحفظ كلنا
كل واحد كل يوم يجي يقلنا انا حفظ الخمس ايات بتوعي او الكام ايه اللي هوه حاسس
هيقدر يكملها عشان نشجع بعض ويبقي فيه استمراريه للموضوع
ماتبقيش وحشه بقي وماتحفظيش في السر من ورانا تعالي شجعينا وخلي صحابك يجم
يشجعونا ونحفظ كلنا لان الفعل الجماعي شيء جميل وفيه استمراريه بدرجه اكبر
وتعاونوا علي البر والتقوي ... وهيبقي فيه ثواب مضاعف للجميع
وعارفه طبعا ان قلوبنا خاليه من الرياء والعياذ بالله
لانك هتاخدي الخطوة لوحدك من غير اجبار مننا احنا بس مجرد بنشجع بعض
تعالي قولي بقي انك فهمتيني صح بجد دخلت مخصوص عشانك ياوحشه ههههه


ميرفت حفظتي ولا لا
انا حافظة الشوية الاولانين من سورة البقرة وهراجع معاكم عشان نسيت كتير ونستمر
سوا بأذن الله وطبعا اول خمس ايات مفيش اسهل من كدة بس الباقي بقي ربنا يستر
ويارب يسهلنا بقي وناس تانيه يجتمعوا معانا غير نوسه الوحشه اللي متغاظه من حد وجاي تطلع زعلها في سومااا ههههههههههههههههه

ايوه يا قمر
انا عند وعدى وحفظت
انتو ايه؟
انا معايا العصيه
هههههههههههه
مرسى لسواك وهتمامك ربنا يقدرنا جميعا

الله فكرة روعة
عارفة لسه كنت من اسبوعين بس بنتكلم انا وواحدة صاحبتى عن موضوع الحفظ ده
وفعلا الحمد لله كنت متحمسة جدااااااااا ووصلت لاية25 فى سورة البقرة بس لاسف مستمرتش نفسى استمر ومفيش اى حاجة تعطلنى بجد كان احساس جميل جدااا والواحد كان بيحس انه عمل حاجة
ع العموم انا معاكم وان شاء الله نشجع بعضنا
ميرسى جدااااااااااااااا ع الفكرة الجميلة وجزاكم الله كل خير

ما شاااااااااااااااااااااء الله فكرة روعة جدااااااااااااااااااا يا رشا بجد والله ما شاء الله
انا معاكم طبعا ان شاء الله هحاول على قد ما اقدر ان شاء الله علشان نكون صحبة صالحة ونجتمع فى الاخرة ان شاء الله ونبقى من المتحابين فى الله جزاكم الله خيرا
ما شاء الله
وجزاكى الله خيرا يا نوسة على مجهودك ورشا كمان على مجهودكم

خلاص يا ميرفت انا الحمد لله حفظت اول خمس ايات
وابعدي عني العصاية
ياااااااااااااااااااارب نكمل على خير

بجد والله
يالا نبدء بجد

طيب رحتوا فين انهاردة
انا عاوزة حد يسمعلي وشكلي انا اللي هشغل العصايه ياميرفت ههههههههه
واهلا بكل الناس الي حابين يشتركوا
احفظوا وتعالوا بلغونا بجديدكم وحفظتوا ولا لا
كل يوم خمس ايات او زي ماتحدددوا مع نفسكم
وادعولي بقي عشان ظروفي صعبه شوية

ماشي يا اسماء هغير اسم الموضوع
اما نوسة اكيد اسماء مش تقصدك انتي
الحقيقة انا واحدة من الناس دي ساعات كتير مش بهتم وفي اوقات بتاخدني الحماسة كام يوم
وبعد كدة ارجع تاني
بس احنا عايزين نشجع بعض بجد نجتمع على حاجة واحدة تفيدنا في دنيانا واخرتنا
وربنا يوفقك يا اسماء
عامة انا حفظت الحمد لله 16 اية

انا حفظت الحمد لله يالا ربنا يكرمنا
ويارب نستمر اللهم اعنا على ذكرك وشكرك وحسن عبادتك

بجد فكرة تحفة يا تويتي
انا ان شاء الله معاكم
جزاكي الله كل خير علي الفكرة الحلوة ده
وربنا يقدرنا كلنا ان شاء الله ونقدر نحفظ القرآن الكريم ان شاء الله

اللهم امين
جزاك الله خير
يلا ببدء بجد