( ابتدت حلقه العمر )(مع مدير الاهلاوى)(محمد ابراهيم)(العرض ابتدى)

ان شاءالله تكون حلقة جميلة
لان الادمن هو اللى منورها طبعا
واى كلام عليه وعلى شخصيته قليل فى حقه
كلنا فى انتظر الادمن والحلقة النار

اهلا يارانيا
ويلا يجماعه اول عرض فى ليلتنا انهرده بعد قليل انتظرونا

بسم الله الرحمن الرحيم
ثانكس يا زعيمه

اهلا باعضاء المنتدى الجمال اوى
انا مبسوطه انى معاكم انهرده وانى صاحبه اولى التقديمات
فى حلقه
القائد
--------------
محمد انا مش هتكلم عنه
هو بالنسبالى اكتر من اخ
--------
محمد انسان جميل جدا فى كل حاجه سولك واخلاق وشكل
يعنى
ربنا يحميه بسم الله ماشاء الله عليه
شخصيه مختلفه جدااااااا
*------------
انا للاسف كان نفسى يكون ليا دور فى حوار ومواجهه معاه

بس مايا حددت دورى
-----------
نصيحه
ده عنوان دورى فى اليله دى

انا عارفه ان كتير منكم مشتركين فى منتديات ويمكن اغلبنا مشتركين فى منتدى يحمل اسم الاعب الكبير متعب
المنتدى ده
انا كنت فيه
وعضويتى كان اسمها
نورهان متعب 1

طبعا العضويه دلوقتى مع اكتر من اربع الاف عضويه مطروده
من يوم ما المنتدى بتاع متعب اتعمل
غريبه صح
--------------
منتدى بصراحه انا بنصح اى بنت مش محترمه اى بنت حابه تتعرف على شباب اى بنت
هيجى يوم وتبقى سيرتها فى النت وعلى الاميلات تداول مع الشباب
انها تشترك هناك
-----------
بكل صراحه هناك فيه كل انواع الفساد والغش والنفاق
وانا متحمله كل حرف ومعايا دليل على كل كلمه
سواء من رسائل التعارف الى كانت بتجيلى
او من رسائل ايضا كل همها التعارف الى كانت بتيجى لصحباتى
وانا بقول مفاجئءه لناس هناك

صحباتى مازالوا موجودين معاكم
بل بالعكس دول فى وسطيكم وعلى اميلاتكم
وبيجاروكم كمان
ومعانا تصوير لكل حرف وكل كلمه
وكل رساله
----------
ههههههههههههههه
قالهلكم زمان القائد
الفرعون لن يسقط
---------------
انا كنت عاوزه اورى الناس اهم الشخصيات هناك بما فيهم المراقبين
بنات وصبيان
واهم حاجه مراقبه من البنات
هههههههههه
القائد قال
البنات للبنات
صح يا مايا
والبنت دى
اوووووو للاسف انا مش هقدر اكمل
مهمتى خلصت لحد كده
القاكم على خير
اختكم نورهان احمد

ازيكم يجماعه

اولا انا بشكر مايا انها سمحتلى انى اكون متواجد معاكم انهرده

انا كنت مشترك هنا معاكم وعملت مشكله مع اخت اسمها ندوش وولد اسمه
الرومانسى على مافتكر يعنى

بس ايضا فى نفس الوقت كنت مشترك فى مكان اخر
وهو منتدى متعب

انا لا اول مره هقول الحجات دى

انا عضويتى هناك كان اسمها اكشن
معملتش ولا مساهمه
بس اتعرفت على اكتر من 15 بنت هناك

وكنت بخش هناك اتفرج على المسخره الى بتحصل واسجل اى رد واى حاجه

كان كل همى انى اتعرف على بنات واميلات وموبيلات واقضيها وخلاص

حتى لما دخلت هنا كنت داخل وكنت جايب معايا بنت من هناك مشرفه
المفروض اننا كنا فى اعجاب وحب بس انا من الاول كنت عارف
انها مقضياها وبتحب على نفسها
وكنت زى مابتلعب بيا بلعب بيها انا كمان
ورسايلى معاها محفوظه فى الحفظ والصون
الموضوع كبير اوى
دخلت هنا لقيت ولد الى هو الرومانسى وبنت الى هى نادوش
يعنى بيرده على بعض كده وعايشين
فقررت انى اخش بينهم
ودى كان البدايه لنهايه ليا

الادمن محمد هنا طردنى وراحلى هناك فى متعب
وبعتلى على عضويتى وهزقنى جامد

وانا يومها قررت انى انتقم منه فى حجات كتير
جبت برنامج الى بيطلع الميلات من المنتدى

وبقيت اضيف اى بنت والى تفعل اشتمها واتكلم معها فى حجات مش تمام
-------------
لحد مايوم دخل وكلمنى وانا فى الاول كنت بقول ايه العيل الى بيثبتنى ده

بس احترامه ليا وانه ماهنيش بعد كل ده خلانى افكر مليون مره
قبل ماعمل اى حاجه تئزينى

وبعد ماعرفت انه كان السبب فى انى اطرد من منتدى متعب
واطردت فى نفس اليوم الى زمايله اطرده فيه
------------
وواجهته وهو قالى فعلا عارفين قالى ايه

قالى ان فى يوم زمايله الادمن طردهم وكان قاعد مستنى اى عضويه جديده تخش
مش تمام يقوم طردها

فانا كنت بكلم محمد على الاميل ولقيته فجاه بيقلى

خش منتدى متعب بعضويتك

فدخلت فبعد دققتين بخش تانى يقلى لقد تم طردك

محمد قالى انه كان عاوز يخلص منى فلقى فرصه ان الادمن

هناك اهبل وهيطرد اى حد يخش فى الوقت ده مش معروف

فانا كانت رسايلى الخاصه كبيره

ومليش اى مساهمات

انت لعبتها صح يا محمد يا ابراهيم

وفعلا من يومها وانا عرفت يعنى ايه قيمه الذكاء وانه

نعمه

انا اتسفت ليه كتير اوى

وكمان اخدت ميل الاخت نادوش

واعتقد هيا معانا هنا باسم nody

واتسفت ليها على اى مضايقه وبقينا اصحاب وهيا قاتلى انها مش زعلانه

0000

اما محمد فهو علمنى دروس كتير اوى علمنى يعنى ايه ابقى

راجل

واسبنى من التعارف والاشتغلات وكل الحجات دى

وانا دلوقتى بقيت انسان تانى خالص الحمد لله

على فكره انا فى هندسه القاهره

وانا انهرده بقله انك نعم الصديق بجد وانى معاك

وسيبك من اى حد تافه

وانا عندى ليك هديه بخصوص الجولدن فتاه

هههههه

كانت من تلاميذك صح ولا لا الى عصوك

وانا بقدملك نهايتها فى بريدك الوارد ممكن تطل طله

انا عارف انك اكبر من انك تنزل الحجات دى فى منتداك

علشان كده انا مرضتشى انزلها

وانا بوجه تحزير لناس كتير اوى فى السايت الاخر

طول عمركم بتتكلمه

ومحمد ساكت

ياوليكم لو اتكلم

مش هتنامه مرتاحين

شكرا مايا يا اجمل باشمهندسه فى الدنيا

محمد باشا

الكبير بيفضل كبير ياريس

وانت كبير

اسمحولى تشوفوا ازكى واحد بجد

انا عرفت زكائه من خلال التوبكين دول

ازاى مدير منتدى يعمل توبيك مثبت
علشان الاعضائ تؤيده فى طرد عضو

ويكون الردود حوالى خمسه بالظبط

وعضو يعمل توبيك قبليها بثلاث ايام
ويقول هكون مبسوط لو طردتونى
ويكون الردود خمس صفحات يعنى قول 100 رد
بيقلوله انت الرقم واحد

مش غريبه دى يا مدير متعب المحترم
انك تطرده بعد التوبيك بتاعه بتلات ايام
محمد عمله
16
اطرد 19

ياااااااه على العقل دى سقطه فى حق الادمن الاخر

عشت ياهلاوى

التوبيك بتاع 16
http://emadmet3b.fr-bb.com/montada-f38/topic-t21989.htm

----------
التوبيك بتاع 19
http://emadmet3b.fr-bb.com/montada-f38/topic-t22297.htm

*------------
الادمن هنا هو اهلاوى لاخر العمر واسمه محمد
---------
والادمن هناك هو اسمه محمد برده
بس الفرق شاسع جدااااااااااااااا

باااااااى

مرسى خالص خالس يا احمد
انتى الى انسان جميل ومحترم
والانسان الى بيعترف باخطائه اكيد هيقدر يصلح من نفسه



دلوقتى راحه ثم انتظار حوار الادمن
admin
بعد قليل
الى عاوز يرد من الاعضاء يتفضل

ثانكس يجماعه على التوبيك الغير عادى ده


وانا مستمتعه كتير معاكم

شكل الحلقة فعلا نارررر
وان شاء الله تعدى على خير
والكل يستمتع

بسم الله الرحمن الرحيم
اولا شكرا ليكم كلكم شكرا لاى حد قال كلمه حلوه

انا
بشكركم وانا معاكم
بس اسمحولى انى اقدم اعتزار للمنتدى الاخر

فى الكلام الى بعض الناس قالوه عنه
هو صحيح الكلام كله سليم وفى اكتر من كده
بس من امتى ودى اخلاقنا
اننا نهدم فى الغير
انا بقول للمنتدى الاخر
ان كان رب البيت بالضف ضاربا فشيمه اهل البيت الرقص
اتفضلى انا معاكى يا مايا@

اهلا بيك يامحمد
وطبعا كلامك كله صح
وانا تحت امرك
بس لازم كل شخص يقول الى جواه دى حريه يا قائد
**************
اتفضل عرف نفسك تعريف شامل ودقيق

بسم الله الرحمن الرحيم

انا اسمى

محمد ابراهيم

السن 22 سنه وشهور

الدراسه
بكالريوس سياسه واقتصاد

علوم سياسيه
جامعه القاهره
------------
ولدت فى محافظه المنوفيه
وعشت بها اكثر من 11 عام

ثم انتقلت مع اسرتى الى القاهره
تحديدا المهندسين

-------------
انا فخور اوى انى ولدت فى المنوفيه
وفخور انى بنزلها على الاقل مرتين فى الشهر
ولو تتيح لى الفرصه هنزلها كل يوم هنزلها
------------------

هو الادمن راح فييييييين
علشان الاسئلة

والله انا عاوزة اعلق علي حجات كتير جدااا وعاوزة اقول كلام كتير
بس خلينا في اجابات الادمن هوة اكيد بيجاوب يارانيا بس لسه ماخلصشي

بالنسبه لاكشن دة
تعرف ان اسلوبك دة شككني فيك وانا هناك
بس انت قلت كلام كتير وكان ممكن انتقد حجات كتير بس قلت ربنا هداني وبقيت انسان تاني وبطلت اي اشتغالات فاكر هناك واحدة اسمها هههههه مش هقول بس انت طلعت يااااااه
بصراحه كلامك ضايقني في حتت كتير لولا قلت اتغيرت علي ايد اهلاوي لاخر العمر ولو دي الحاجة الوحيدة لاهلاوي ع النت تكفيه عن كل حاجة وبس كفايه كدة انا ماسكه نفسي بالعافيه عشان عاوزة اقول كلام كتير
بس مستنيه نهاية الحوار

بالنسبه لاهلاوي
حضرتك مش محتاج اي دفاع او اي كلام من حد
ويمكن لما حد يتظلم اوي بيغلط اوي لما تحتاج تدافع عن نفسك وماتعرفش اكيد لو اتحطينا في موقف اهلاوي لاخر العمر ونشوف الاهانات اللي اتعرض ليها كان هيبقي موقف صعب
بس فعلا مش محتاج تبرأ نفسك يا أهلاوي

متابعاكم وربنا يوفق الجميع

التوبيك والحوار ممتع جدا طبعا وشيق للمتابعه
وانا معاكو بتابع الحولر ومش هقدر اعلق عالادمن لان ده هيكون مجرد كلام وهو يستحق الاكتر من الكلام ومرسى لمايا وماما وميرو عالاسئله
وانا فى انتظار المفاجأة
عشان نكمل السهرة الممتعه دى
واكيد رجعالكو تانى

السلام عليكم

ازيكم يا شباب

انا اسمى داليا وزى ما محمد قال وقدمنى ع انى مديرة الموقع الرسمى للكابتن عماد متعب

على فكرة لما اتقالى انى همسك موقع عماد متعب طبعا كنت مبسوطة جدا وفى نفس الوقت افتكرت انى هلاقى مساعدة من المنتديات الجماهيرية وكنت فاكرة والله انكم هتفرحوا ان متعب له موقع رسمى لا يقل عن اى لاعب آخر لكن للأسف لاقيت العكس تماما

مفيش ولا منتدى جماهيرى عاوز يعترف بده والغريبة من كده ان اعضاء المنتديات دى مش عاوزين يصدقوا ولما الاقى حد مصدق يقولى : احنا خلاص اتعودنا على المنتديات التانية

علشان اكون صادقة معاكم مفيش غير منتدى واحد بس جماهيرى هو اللى محترم وكان حريص اننا نقدم الاخبار فيه

لكن باقى المنتديات اللى بتدعى انها رسمية ماحبوش لدرجة وصلت بيهم انهم بيحطوا اخبار من المواقع كاذبة زى مثلا استغناء اتحاد جدة عن متعب وده مش صح لاننا احنا كدبنا ده

كمان كان لينا السبق اننا نكتب عن تهديد متعب لفسخ التعاقد وكمان الحمد لله كان لينا السبق اننا نقول ان متعب هيشارك امام الوطنى اللى كان ف الوقت ده كل المواقع بما فيها ياللا كورة قالت ان متعب مش هيشارك
طب هو سؤال للناس دى هم عاوزين ايه تانى اثباتات اننا الموقع الرسمى

حتى حبينا نحط صور عماد متعب وهو مسافر لألمانيا واتشالت علشان اسم الموقع الرسمى عليه

كان فى مقولة لمشرف اسمه حسام لما اتسال هم كاتبين انهم المنتدى الرسمى وليس لمتعب علاقة بالمنتديات التانية ازاى

رد وقال هو لنا انا يكون عندى بيت هكتب واقول ده بيتى مش بيت احمد طبعا لا

يا جماعة فى فرق بين المنتدى الرسمى لعشاق او محبى متعب وبين المنتدى الرسمى للاعب عماد متعب

انا ماكانش غرضى انى اجيب اعضاء واخدهم من المنتديات التانية بس كان غرضى ان نعمل زى اوروبا لما يبقى ف موقع رسمى للاعب ومنتديات جماهيرية بيتم التعاون مع بعض يعنى المنتديات الجماهيرية دى بتحب تعرف الاخبار الصح من الموقع الرسمى للاعب بس للاسف الموضوع هنا مختلف للأسف هم انانيين مش بيحبوا عماد متعب لما الاقى منتدى جماهيرى بياخد اخبارنا دون ذكر المصدر بتاعنا يبقوا بيغشوا متعب وبيضيعوا حقه وفلوسه اللى بتقع ف الارض لان اللاعب بيصرف ع الموقع فحرام اللى بيتعمل ف متعب مايستاهلش منهم كده

انا هقولكم ع حكاية هتستغربوها احد المنتديات الجماهيرية التى تدعى حبهم لمتعب اخدوا تصميم الموقع بتاعنا كله وحطوها عندهم باسمهم حتى عملوا نسخة من المنتدى كب ده يرضى مين؟ هو ده دليل حبهم لمتعب؟

ربنا يقوى متعب بجد وانا ملاحظة فعلا ان الناس ماكانتش بتدخل لمتعب بدليل ان ف واحدة بقولها انتى مش تحبى تشوفى متعب فيديو وتسمعى صوته قالتلى لا انا مبسوطة هناك قولتلها اوك
المنتدى مفتوح لاى حد وشغلنا هو اللى هي ان شاء الله هيثبت نفسه
ميرسى يا محمد ع الفرصة دى وميرسى يا مايا

انا كنت عاوزة اقول حاجة بسيطة

يا جماعة قولوا رأيكم بحرية ده حقكم بس المهم نقوله بطريقة بجد تجبرنا ان الناس تحترمنا يعنى مثلا عندنا قسم للشكاوى ده موجود علشان اى حد عاوز يشتكى ويتكلم لكن مابتقاش ظريفة ان يبقى ف موضوع موجود فى المنتدى على الملأ والعضو الجديد بيدخل مش فاهم ف ايه

ميرسى بجد ليكم

وميرسى للناس اللى بتحب متعب علشان متعب مش علشان نفسهم

بجد انتي شخصيه اتشرفت اني سمعت كلامها وبنت محترمه للغايه
انا عمري ماشفت الموقف بتاعك ولا اعرف شخصيتك
بس كلامك وطريقة حوارك تخليني اقدملك اجمل تحيه من منتدانا الاهلاوي وحاسه بصدق كلامك
ويمكن مكنتش بحب اي توبيكات تمس بأي منتديات تانيه بس بصراحه كلامك اكثر من رائع ويدل علي شخصيه تفرض احترامها

بالتوفيق لمتعب ياااااااااارب دايما كلنا بنحبه جدااااااااااا
أدمن
لازم تقلق ع الاهلاوي عشان شكلي هروح اسجل هناك
انتي عجبتيني اوي

اختك
كما يلقبونني
الدكتورة اسماء
تحياتي .....

بالتوفيق يا داليا يارب انتى باين انك حد جميل


محمد الادمن

تسلم يباشا طول عمرك فنان والله وانت لعبتها صح اوى

وبجد انت شخصيه ملهاش حل فى الدنيا دى

اهلا بيكى ياداليا فى منتدانا الغالى
وان شاءالله ربنا يوفقك فى ومنتدى
متعب الرسمى يبقى احسن منتدى علشان
الناس اللى بتحب متعب لشخصيته
وانتى واضح انك شخصية محترمة
جدا وربنا يوفقك فى عملك
ونورتى منتدانا

ماشاء الله عليكى حبيبتى
اسلوبك يوضح انك انسانه محترمه وجاده
وان شاء الله الموقع يكون زى مانتى عاوزاه واحسن وكل الى بيحب متعب زى ماقلتى هيدخل وهيكون منتداكى انجح ما يكون
ان شاء الله
مرسى ليكى وللادمن انه عرفنا عليكى
واسمحيلى اقولك ان كلامك يستحق التحيه والاحترام ويستحق انه يتقرى
واحنا اتبسطنا بوجودك ومشاركتك معانا النهارده

اهلاوية حتي الموت كتب:بجد انتي شخصيه اتشرفت اني سمعت كلامها وبنت محترمه للغايه
انا عمري ماشفت الموقف بتاعك ولا اعرف شخصيتك
بس كلامك وطريقة حوارك تخليني اقدملك اجمل تحيه من منتدانا الاهلاوي وحاسه بصدق كلامك
ويمكن مكنتش بحب اي توبيكات تمس بأي منتديات تانيه بس بصراحه كلامك اكثر من رائع ويدل علي شخصيه تفرض احترامها

بالتوفيق لمتعب ياااااااااارب دايما كلنا بنحبه جدااااااااااا
أدمن
لازم تقلق ع الاهلاوي عشان شكلي هروح اسجل هناك
انتي عجبتيني اوي

اختك
كما يلقبونني
الدكتورة اسماء
تحياتي .....

ميرسى يا دكتورة أسماء انا اللى اتشرفت بوجودك وانا مبسوطة انى معاكم هنا

مايا الاهلاويه كتب:اهلا يا داليا ياجميله انتى اكيد عارفانى

منوره معانا ياقمر

وان شاء الله منتداكى

يبقى الافضل لانك صادقه دايما

فى كلامك

واى منتدى اخر بيدعى انه صحيحى سواء كان للاعب او لنادى

هيجى يوم ويسقط


منورانا ياجميله وانتى واضح انك شخصيه عسوله

اه طبعا يا مايا اعرفك

بس عاوزة اقولك ع حاجة ده مش منتدايا ده منتداكم انتوا منتدى اللى بيحب متعب وطبعا ده منتدى متعب بس لان انا وغيرى من الادارة ممكن نمشى ويجى غيرنا لكن ان شاء الله الاعضاء هم اللى هيخلوا المنتدى باق وا نشاء الله هيخلى اسم عماد متعب باق

ادعولى بس ان ربنا يبعد عننا عين الناس لان والله ف كتير مش عاوزين الموقع ده يستمر ادعوا انه يستمر ان شاء الله

ميرسى يا جميل

moon كتب:انا نفسي اقوال حاجه
وحموت لو مقولتش
انتم ليه بترفعوا من قدر عماد متعب او منتدى اخير
او العكس السقوط ببعض
احنا
لا خليني اتكلم عن نفسي انا لايعنيني سوا هذا المكان بكل ما في
من اشخاص محترمه
شكرا اتمني استعوب الي بيحصل

عماد متعب لاعب كبير وهو مش محتاج اننا نرفع منه لانه بفضل الله مجهوده هو اللى بيرفع منه

لكى كل الحرية فى طريقة التعبير عن رأيك طالما لن تمس أى طرف أو فيها اى اهانة وميرسى ليكى يا قمر

خلينا بالاسئله

1- بتحس انك ظلمت حد

انا والله يمكن اكون ظلمت
ولو ظلمت حد فبقله
انا اسف وياريت تسامحنى
ولو اتظلمت برده
فانا مسامح
انا الى ليه حق عند ربنا مبيضعشى
2- حاسس ان ربنا راضي عنك

الحمد لله على كل شئ

واهم حاجه ان ربنا يكون راضى عن الانسان دى اهم حاجه فى الدنيا
3- اختر شخص ووجهله كلمه

انا بوجه كلمه لكل اعضاء الاهلاوى

بقلهم المنتدى ده منتداكم بيكم انتم هيبقى افضل منتدى بقول لكل الناس الاهلاوى مش ملك حد ده ملكككم

خليكم معانا هنا فى الجو النظيف
حافظوا على نفسكم

راعوا ربنا فى افعالكم
4- هل انت شخص كتوم ام ان هناك من تلجأ لهم للحديث عن نفسك في بعض الاوقات

لا انا كتوم ابن كتوم ههههههههه
5- بالتاكيد كلنا بنلجأ لربنا بس حدد شخص معين سواء صديق قريب او انسان عزيز عليك بتحب تحكي معاه

احب احكى مع درش حبيب قلبى
6- كلمه توجهها للناس الغايبه عن المنتدي

بقلهم انتوا وحشتونا كلكم اوى اوى
بوجه الكلمه لاى عضو مشترك معانا سواء غايب لخلافات او لظروف
بقله انت مجرد اشتراكك معانا اصبحت واحد مننا وانا مستنيكم كلكم ترجعه وتنورونا من جديد

7-كلمة توجهها لأخواتك علي النت وياريت تقول اساميهم صعب دة هههههه

والله انا بقلهم ان مفيش حاجه اسمها اخوات على النت خالص

ايوه بجد
الاخ هو اخ فى اى مكان واى زمان واى وقت
الاخ هو الى بيحس بيك بجد
والنت ده مجرد وسيله زيه زى غيره
وانا الحمد لله ليا ناس مقربين منى جدا وعلى اتصال دائم
وانا بدعلهم ربنا يوفقهم فى حياتهم يارب

8- مين اكتر حد بيوحشك

اكتر حد بيوحشنى هيا انسانه غايبه عنى بقالها فتره

9- كلمه توجهها لماما

بقلها سامحينى يا امى
باباا

بقله نفسى اعمل الى يرضيك بس انت كمان شوف ايه يرضى ابنك
اخوك

بحبك يا احمد اوى اوى
وربنا يوفقك فى
الثانويه العامه
وفى ناشئين المقاولين العرب

10- متي تخونك ارادتك

مش عارف بجد
بس بتخونى لما احس انى مكتئب
11- ماهو الشيء الذي يكسرك
الظلم

12- تهمه التصقت بك ولم يكن ذنبا لك فيها ؟

انى روميوا هههههههههههههههه
اه والله بيحبونى على ايه الله اعلم يمكن على شويه الشعر الى بيطيره هههههههههه
اوع وشك
الصراحه مفيش احسن منها

13 انسان ندمت انك عرفته واجابه محددة

واحد اسمه ايمن
وناس تانيه كتير
كفايه كدة دلوقتي يادوب تلحق تجاوب


شكرااا اهلااوووووووووووي

مالك يا مايا عاوزة تخلصى مننا ولا ايه
هههههههههههههههههههههههه
عالعموم انا عندى بس سؤال واحد للادمن
هو ممكن يكون غريب شويه بس هو ده الى خطر على بالى هههههههههههه
وطبعا ليك كل الحريه لو مجاوبتش
ياترى لو انت مشيت فى طريق والطريق ده جميل اوى وكله ورود وزهور وبساتين وكل ماتخطى خطوة جديده تسعدك زياده وتزيد بهجتك
وتحس انك مبسوط لانك بتدخله وجالك حد نصحك ان الطريق ده هتكون اخرته مؤلمه بالنسبالك وانت واثق من الى نصحك ومتأكد من كلامه ياترى
هتكمل عشان انت مبسوط فيه 00ولا هتخرج منه لانك مش هترضى بانك تتألم ؟؟؟؟؟
ومرسى لاتاحه الفرصه

العموم انا عندى بس سؤال واحد للادمن
هو ممكن يكون غريب شويه بس هو ده الى خطر على بالى هههههههههههه
وطبعا ليك كل الحريه لو مجاوبتش
ياترى لو انت مشيت فى طريق والطريق ده جميل اوى وكله ورود وزهور وبساتين وكل ماتخطى خطوة جديده تسعدك زياده وتزيد بهجتك
وتحس انك مبسوط لانك بتدخله وجالك حد نصحك ان الطريق ده هتكون اخرته مؤلمه بالنسبالك وانت واثق من الى نصحك ومتأكد من كلامه ياترى
هتكمل عشان انت مبسوط فيه 00ولا هتخرج منه لانك مش هترضى بانك تتألم ؟؟؟؟؟

----------------------
اولا منوره ياريهام وطبعا طول عمر اسئلتك كده تحير

بس عارفه انا طبعى انى لا احير ولا احتار

انا همشى فى الطريق وهكمل حتى لو كان موتى فى اخر الطريق
بس همشى فيه
افضل ليا مليون مره من انى ارجع
محدش ضامن عمره مش يمكن وانا راجع تحصلى حاجه

السعاده ربنا هو الى بيخلقها وربنا هو الى بياخدها من الانسان
ومدام ربنا خلى اول الطريق سعاده فهو قادر يخلى السعاده تكمل للاخر
وقادر يقلبها تعاسه
يبقى انا هكمل ياريهام فى الطريق لاخره انا ماشى فى البدايه وعرفت فيها ايه اما النهايه دى بتاعت ربنا بقى

مهو صاحبى ده مش ربنا علشان يقول ان اخر الطريق شوك وتعب والم
دا لو هو شاف بعينه ان اخر الطريق مسدود
انا همشى وادعى ربنا
انه يفتح الطريق
--------------------

الله عليك يا محمد
فنان يا ابنى والله ههههههههههههههههه

فى حد عاوز يسئل الادمن اى حاجه تانى
قدامكم دققتين

والله العظيم اروع حلقه واحلى حاجه مشوقه شفتها فى النت

والادمن بتاعنا طلع حد جاامد اوى

وانا مبسوط انى معاكم هنا

ربنا يحميك ادمن انت جامد اخر حاجه

ومايا دى عسوله اوى فى الحوار والتقديم

هوة طلب اخير او سؤال اخير

فيه حاجة كنت عاوز تتكلم عنها وماجاتشي الفرصه
او سؤال كان نفسك يتسأل وجاوبه ؟؟؟

شكرا مايااا

الحلقة حلوه جدا
وفى سؤال لوممكن اسئله
مين اكتر شخص غير حياة محمد
وهل فى سر فى حياتك
شكرا ياادمن على الحلقة الجامده دى

هوة طلب اخير او سؤال اخير

فيه حاجة كنت عاوز تتكلم عنها وماجاتشي الفرصه
او سؤال كان نفسك يتسأل وجاوبه ؟؟؟

هو فى حاجه كنت عاوز اتكلم فيها بس هيا خاصه بمكان تانى
وانا محبش انى اخوض فى حجات بمكان اخر
-------------
وبخصوص السؤال
فالحمد الله انتم وفيتم والله هههههههههههه

الحلقة حلوه جدا
وفى سؤال لوممكن اسئله
مين اكتر شخص غير حياة محمد
وهل فى سر فى حياتك
شكرا ياادمن على الحلقة الجامده دى
--------------------
والله انا حياتى كلها اسرار

اكتر شخص غير حياتى
هو ابويا

شكرا ياادمن والحلقة
جميلة جدا واحلى حلقه فعلا لحددلوقتى
وربنا يوفقك وتحقق كل اللى بتتمناه
فى حياتك ان شاءالله

محمد حبيب قلبى طول عمرك امبراطور انت ماجيكوا
الاهلاوى الاول ياعز واجمل صاحب انت مش مجرد صديقى انت اخويا وحبيبى
انت استازى
وتلامزتك بيقلولك

كل الى فات من عمرى عدى كانه ساعات
وكمان
قولى يا نورا

اقول ايه بس يا متر

غير انه معلمنا واخونا كلنا

وبكمل عليك واقله

ياحبيبى اه هعيش معاك طول الحياه

ايه يباشمهندس احمد مترد