حوار مع امي وانا بغسل المواعين ... ماتستعجلوش الحكم

بووووووووووووووووووووسي حببتي ياوحشه هههههههههه كنتي عاوزة القمر دة يزعل مني وتفتكري اقدر
والله اني احبك في الله

ندخل بقي ع الجد
ياريت مواعيد البرامج الدينيه حد ينزلها عشان نتابعها لان البرامج دي ليها تأثير كبير اوي في العبادة

ولو فيه موقع ديني او حاجة زي عمرو خالد تحطي اللينك ماعتقدش الادمن هيمانع
بالنسبه للقرءان
ايه رأيك نبتدي سوا من انهاردة احفظي خمس ايات من اي مكان تحبيه ف المصحف انا وانتي
ونيجي سوا بكرة نقول حفظنا والا لا
واللي يدخل التوبيك اللي حابب يشترك معانا يقول ويشترك معانا بشرط نحاسب بعضنا كل يوم ونشوف مين حفظ كدة فيها تشجيع اكتر ومواظبه وانا رأيي نستمر فيها ع طول حتي بعد رمضان
ايه رأيك يارب تشجعيني كمان وكمان ولي عودة اعلق ع نقطة الساعه بدون معاصي
بجد يسلموا المرور والتشجيع وطمنيني ع روناتا

وعليكم السلام ورحمة الله وبركاته
كل سنة وانتي طيبة وربنا راضي عنك ومفرح قلبك دايما ياسمسمة..
فعلا شهر رمضان مش ينفع يعدي زيه زي أي شهر...
.والواحد بيعرف في الشهر ده إذا كان ضعيف بنفسه ولا لأ..لأن زي مااحنا عارفين الشياطين بتبقى مقيدة...يعني كل حاجة على حسب همة الواحد فينا
وتعرفي وقفتك مع ماماأو غسل المواعين لو حطيتي فيها نية انها بر لمامتك يعني انتي كدة بتطيعي ربنا وهتاخدي أجر...وكلنا عارفين ان رضاربنا من رضاالوالدين..
تاني حاجة شهر رمضان هو شهرالقرآن..
.يعني احنا لوبنختم في الأشهر العادية مرة المفروض رمضان يكون غير...وفعلا الموضوع محتاج مجاهدة شوية للنفس....يعني لو عدى رمضان وختماتي أقل من 3 بحس أن كان في حاجة غلط وان أنا قصرت ...لأننا عندنا الوقت الكافي اللي يخلينا نختم أكتر من مرة
في طريقةبحبها...بعدكل صلاة لوقريتي جزءهياخد معاكي نص ساعة يعني هتخلصي في اليوم خمس أجزاء...يعني كل6أيام تختمي مرة...على الأقل خالص هتختمي أربع مرات في الشهر...طبعا مع صدق النية ربنا بيعين
والأذكارزي ماقولتي لازم نداوم عليها وقتنا دايما فاضي لكل حاجة بس بيجي لحد الطاعات ومش عارفة مش بنلاقي وقت ليه؟؟؟؟مع انها مش هتاخدمن وقتنا كتير وهناخد عليها أجر كبير
الصلاة لازم تكون في وقتها...ماهو لو ضيعنا الصلاة مش عارفة صيامنا هيبقى مقبول ازاي
المسلسلات لازم فعلا تبقى مافيش...أصلها هتضيع الحسنات اللي بنعملها طول النهار كأننا بنبني وبإيدينا برده بنهدم اللي بنيناه....يعني ماعملناش حاجة
أما ساعة لقلبك دي فكل واحد فينا محتاجها....مع ان احنا بنحبها زيادة شوية...ممكن نخليها 3ساعات أو 4..على رأي مامتك...لما بنحب حاجة بنطلعلها أعذار
طبعا الأعمال التانية من صلة أرحام لإطعام فقير...لتفطير صائم تاخدي أجره...ربنا فتحلنا أبواب للخير كتيرة قوي...بس احنا نجتهد ونحط في كل عمل نعمله نية انه طاعة لربنا
وربنا قد إيه كريم قالنا دعوة الصائم عندالفطر مستجابة..لازم نحرص عليها...يعني عندك تلاتين دعوة ربنا هيحققهالك لو طلبتيها من ربنا وانتي صادقة فيها...
ماعليش طولت عليك...
ربنا يجعلنا من الفائزين في رمضان...ويتقبل منا الصيام والقيام وصالح الأعمال
ويجعلنا ممن اختارهم للعتق من النيران...آمين يارب
نسيت أقولك شعور ختم القرآن ده حفظا شعور مش ممكن تتخيليه في حياتك....ربنا يرزقك حفظ كتاب الله....واصدقي النية مع ربنا وربنا هيسهلك...بس محتاجة متابعة من حد مش ينفع تحفظيه لوحدك....حتى لو حد من البيت يسمعلك....ربنا يوفقك

نانا يا جميل بجد انتي انسانه شكلك ماشاء الله علي خلق ودين دة من خلال الرد الجميل
اعتقد انك حافظة القرءان ؟؟
بس عاوزة اقلك شجعيني اني احفظ القرءان ولو بأي طريقه سواء حد هيساعدني او لاء لاني لو استنيت حد هفضل استني كتير انا عاوزة ابدأ
اهم شيء بالنسبالي البداية
وبجد جزاكي الله كل خير
واعتقد كل حد هيعدي ع التوبيك هيضفلي جديد
وموضوع النية مهم اووووووي لاننا بنؤجر ع حسب نيتنا
ربنا يارب يطهر نويانااا ديمااا
نووووووورتي دااايماااا

انا آسفة ياحبيبتي ماكانش قصدي أقلل من همتك...
وانتي نيتك صادقة عشان كدة أكيد ربنا هيعينك...
كنت بتكلم من خلال التجربة مش أكتر...وكان قصدي ان كل ماتحفظي خلي حد يسمعلك مش مهم شخص بعينه...بس تحطي في بالك ان حد متابعك...
وانتي أصلا كل ماتحفظي شوية..وتسمعي بعد كدة وتلاقي نفسك حافظة هيديك قوة تكملي..
لأنه شعور جميل قوي.

وانا احبـــــــك فى الله ياسومتى
البرنامج اللى بقولك عليه بيجى على قناة المحور الساعة خمسة وعشرة او وربع قبل المغرب
الاعادة كانت تسعة ونص او عشررة العشا بس لماااا فتحت من شوية لاقيته شغال ع المحور برده
بس باقى البرامج مش حاااافظة اووى انا بمسك الريمووود وافضل اقلب والاقى بالحظ كدة
من شووية كان فيه محمود المصرى المهم هبقى احاوول اجمعهم ف توبيك هناااا
اما الحفظ مووووافقة طبعااااا نبدأ من سورة البقرة احسن
نفسي احفظ سوورة البقرة اووووووى
بصى بقى لو انتى بتعرفى تقرى بالتجوييييييد او عندك حد ف البيت بيقرأ بالتجوويد كويس اوووى يبقى خير وبركة
منفعشى يبقى تنزلى بقى من على النت لشيخ انتى بتستمتعى بقرأته وتحفظى ورااااااااه علشان تحفظى بالتجووويد
انا عن نفسي ماماااا بتقرأ بالتجوويد حلوو اووى هتساعدنى كتيييييييير
ونتقاااااااابل بكرة واقولك حفظت ولالآ
بس ننتظــــــــــــم
وروناتا بتسلم عليكى كتيييير
جزااااااااااااااكى الله خير وبارك الله فيكىىىىىىىى ياسووومة

انا عاجبني اووووي ردودكم
وكل حد فيكم قال حاجة لفتت نظري وهعلق قريبا ان شاء الله بس مفيش وقت دلوقتي
بس
فيه حاجة كلكم اجتمعتوا عليها
ماعلقتوش ع موضوع حفظ القرءان هتحفظوا معايا انا وبوسي والا ايه
احنا ميعادنا بعد التراويح هنشوف مين حفظ الخمس ايات ونخليها بعد الماتش بالمرة


صحيح فيه حته كنت قولتها مع ماماااا
عن اننا نصلي 12 ركعه سنه في اليوم ونسيت اكتبها والحمد لله صليتهم امبارح وانهاردة ماشيه ف الطريق الصح
ياريت نشترك كلنا في دة مش صعب ع فكرة

هما ركعتين سنة الفجر واربعه قبل الضهر واتنين بعده
واتنين بعد المغرب
واتنين بعد العشا
كدة يبقي 12
ع فكرة انا بواظب ع كل السنن الحمد لله بس سنة الضهر هيه كانت عقبتي بس يعني لو فكرنا فيها مش صعبه والا حاجة ونقدر نعملها بمنتهي البساطه بس لو صممنا واكيد مش هتاخد وقت كتير بس يارب اعنا ع الخشوع

روناتا ياريت لو تدخلي كل يوم تكتبيلنا حديث حلو ف المنتدي وهتعلقيه
اوعدك اني انا كمان اعمل الفكرة دى ونتشارك فيها كلنا عجبتني اوي

ولي عودة للتعليق الكامل
نورتم بجد

راااااااااااائع