السلام عليكم ورحمة الله وبركاته
مش تقول وعليكم السلام ورحمة الله وبركاته
ده رد السلام واجب عليك
موضوعنا النهاردة تحت عنوان
((اعمل خير وارميه فى البحر))
طيب ليه منقولش اعمل خير وارميه
فى النهراو الترعة او البير؟؟هههههههههههه
دلوقت هقول لكم فذورة
والشاطر اللى هيعرف يحلها
كان فى مرة ولد اسمه كريم كان معدى
من عند البحر
وفجأة سمع صوت راجل بيغرق
وبينادى النجدة وكده
المهم جرى كريم وعمل فيها شهم وشجاع
ونط فى البحر ونقذ الراجل
ولكن بعد ما كريم نقذ الراجل
لقى لافتة على شط البحر
مكتوب عليها كلام
قرأ كريم الكلام اللى مكتوب عالافتة
وبعدها راح رمى الراجل تانى فى البحر
ياترى ايه الكلام اللى كان مكتوب عاللافتة؟
سيبك بقى من الفذورة
وخلينا فى موضوعنا
هنتكلم النهاردة ان شاء الله عن عمل الخير
ربنا سبحانه وتعالى يحسنا على عمل الخير
فيقول سبحانه وتعالى:
{وَمَن يَعْمَلْ مِنَ الصَّالِحَاتَ مِن ذَكَرٍ أَوْ أُنثَى وَهُوَ مُؤْمِنٌ فَأُوْلَـئِكَ يَدْخُلُونَ الْجَنَّةَ وَلاَ يُظْلَمُونَ نَقِيراً}
صدق الله العظيم
ياترى كلنا ممكن نعمل الخير ولا ممكن نكسل
او نتغاطى عن عمل الخير؟؟
عشان نجاوب عالسؤال ده
محتاجين سفينة ننزل بيها من مدينة الرعب
الى ارض الواقع
ونشوف الناس هتقول ايه؟؟
بس خدوا بالكوا لازم نرجع قبل غروب الشمس
عشان منتأخرش
جاهزين يااهلاوية.....!!!
1
2
3
هيه هيه هيه
وصلنا الى ارض الواقع
يلا بينا بقى نمسك الميكرفون بتاعنا
ونقلد عمو اللى فى برنامج كلام من دهب
ونروح نسأل الناس فى الشارع عن اجابة السؤال ده
لو سمحت يا انسة
ممكن نتعرف بأسمكأنا أميرة
احنا اسرة الاهلاوبة وعاوزين نسألك كام سؤال
ياترى لو انتى ماشية فى الشارع ولقيتى قطعة زجاج مكسورة ياترى هتعملى ايه؟؟
أميرة:بصوا يا جماعة بصراحة لو ماشية لوحدى
هتحرج اوطى واشيلها عشان الناس هتعد تبص عليا
لكن لو معايا حد من صحباتى او كده ممكن اشيلها
طيب لو لقيتى يا اميرة لقمة عيش فى الشارع
ولقمة العيش دى متوسخة وعليها حاجة زى مربى؟؟
:لالالا مقدرش اشيلها
انا كده ايدى هتلزق لو شلتها وانا بصراحة بقرف من الحاجات دى
فهمشى بقى واسيبها
طيب لو لقيتى يا أميرة عشرين جنيه فى الشارع
بس متوسخة وعليها حاجة بتلزق كده ونمل ماشى فوقها
هتعملى ايه ياترى؟؟
أميرة:ليه الإحراج ده بقى
ده انا لسه من شوية
مرضتش اشيل لقمة العيش وقرفت
بس بصراحة ومن غير كدب
انا لو لقيت العشرين جنيه هشيلها وامسحها
واروح اسأل المحلات اللى فى المنطقة
حد ضايع منه فلوس ولو طلعت بتاعت حد هديها له
بس بينى وبين نفسى انا بقول
يارب متطلعش بتاعت حد عشان اخدها لنفسى
ده الواحد عالحديدة اوى اليومين دول
واهو رزق وجه من عند ربنا
نشكرك يا اميرة على اجابتك الصريحة
ودلوقت هننتقل الى مكان اخر من ارض الواقع
[b]
وهنسأل ونقول
لو سمحت ....انت يا استاذ
[b]
ايوة انت
ممكن لحظة من فضلك
احنا اسرة المرعبين
ممكن ناخد من وقتك دقيقتين ونسألك سؤالين
كريم:اتفضلوا
ياترى لو انتى ماشي فى الشارع ولقيت قطعة زجاج مكسورة ياترى هتعمل ايه؟؟
كريم:من غير تفكير طبعا هشيلها
ده الرسول عليه الصلاة والسلام بيقول
اماطة الاذى عن الطريق صدقة
طيب لو لقيت يا كريم لقمة عيش فى الشارع
ولقمة العيش دى متوسخة وعليها حاجة زى مربى؟؟
كريم:هطلع منديل من جيبى او اى ورقة امكسها بيها
واشيلها احطها على جنب
دى نعمة ربنا وحرام لو حد داس عليها
ده فى ناس مش لاقية تاكل وبتموت من الجوع
طيب لو لقيت يا كريم عشرين جنيه فى الشارع
بس متوسخة وعليها حاجة بتلزق كده ونمل ماشى فوقها
هتعمل ايه ياترى؟؟
ده الرسول عليه الصلاة والسلام بيقول
اماطة الاذى عن الطريق صدقة
طيب لو لقيت يا كريم لقمة عيش فى الشارع
ولقمة العيش دى متوسخة وعليها حاجة زى مربى؟؟
كريم:هطلع منديل من جيبى او اى ورقة امكسها بيها
واشيلها احطها على جنب
دى نعمة ربنا وحرام لو حد داس عليها
ده فى ناس مش لاقية تاكل وبتموت من الجوع
طيب لو لقيت يا كريم عشرين جنيه فى الشارع
بس متوسخة وعليها حاجة بتلزق كده ونمل ماشى فوقها
هتعمل ايه ياترى؟؟
كريم:هشيلها وانضفها واروح اسأل عليها فى المنطقة
اللى لقتها فيها وهبلغ المحلات اللى فى المنطقة
لو حد سأل عن فلوس ضايعة منه
وهسيب رقم موبايلى لهم
وهستنى اسبوع كامل
لو مظهرش للعشرين جنيه صاحب
هروح احطها فى صندوق الجامع
او اتصدق بيها على حد غلبان ومحتاج
نشكرك يا كريم على اجابتك الصريحة
ودلوقت حان موعد غروب الشمس
يلا بينا بسرعة نركب السفينة بتاعتنا ونروح بيتنا
عشان نعرف نهاية حكايتنا
جاهزين يااهلاوية
انطلقوا
1
2
3
هيه هيه هيه
عدنا الى ارض الرعب من تانى
ودلوقت نقدر نكمل حكايتنا
اخدنا نموذجين من ارض الواقع هما
(اميرة-كريم)
ولكن الفرق بينهم كان كبير
وكان واضح مين فيهم الطيب ومين الشرير
ياترى انت تختار تبقى مين فيهم؟؟
ياترى هتعمل الخير ولا هتمشى وتطنش؟
على فكرة
فى اعمال خير كتيييييييييرة بسيطة
وثوابها عظيم جداااااااا
بس للاسف احنا بنستهون بالاعمال دى
ونقول مش مهم او مليش دعوة
او وانا مااااااااالى خلينى فى حالى
تقدر تقولى هتخسر ايه لو
لقيت طوبة او زلطة لو زجاجة فى الشارع وانت شلتها؟
تقدر تقولى هتخسر ايه لو
لقيت لقمة عيش او بسكوتة وشلتها؟
تقدر تقولى هتخسر ايه لو
لقيت واحد عجوز وخدت ايده وعديته الطريق؟
تقدر تقولى هتخسر ايه لو
كنت راكب فى اتوبيس او ترام او مترو الانفاق
ولقيت راجل عجوز
او ست عجوزة واقفة
وروحت قايم وقعدتهم مكانك؟
تقدر تقولى هتخسر ايه لو
دخلت على جماعة وقولت السلام عليكم ورحمة الله وبركاته؟
تقدر تقولى هتخسر ايه لو
صليت كل صلاة فى معادها ووقتها؟
تقدر تقولى هتخسر ايه لو
قولت بسم الله الرحمن الرحيم
قبل اى عمل تبدأه؟
تقدر تقولى هتخسر ايه لو
قريت كل يوم شوية قرأن؟
تقدر تقولى هتخسر ايه لو
ساعدت والدتك فى شغل البيت؟
تقدر تقولى هتخسر ايه لو
.......................؟
بالعكس انت مش هتخسر حاجة خاااااالص
ده انت هتكسب حسنااااااات كتيرة جدا عند ربنا
وكل دى اعمال بسيطة تقدر تقوم بيها
من غير اى تعب ومن غير اى فلوس
ومش هتضيع فى وقتك ولا حاجة
اتمنى ان الموضوع يكون عجبكم يا اهلاوية
ياريت كل واحد منا يحاول يعمل خير فى حياته
عشان ياخد ثواب عند ربنا
وياريت كل واحد مننا يعرف اى عمل خير
يقولنا عليه عشان نعمله احنا كمان
وعشان ربنا يرضى عنا ويصلح حالنا
» العاب روحانيه ادخل مش هتندم
» لعبه ايه امنيتك
» انا عضوه جديده
» لعبة الاوامر
» والله دي لعبه هتجنني
» قصة لمن يريد التزوج
» اختبر شخصيتك ادخلوو لايفوتكم
» الجائزة 1000 جنية يلا مستنين اية
» اكلات خفيفة وسريعة التحضير
» تعارف عضو زملكاوى جديد
» صور خطوبه عماد متعب على يارا نعوم)(حصريا على الاهلاوى الاول
» كلمات نابعه من قلب محطم " تستحق القراءه
» من افلام جنيفر لوبيز فلم الاجرام والاثارة للكبار فقط مترجم 259 ميجا U Turn دي في دي
» من افضل لاعب مصري
» سجل دخولك على المنتدى بصلاه على النبى
» عايز تبعت رساله تهنئه بشهر رمضان ادخل وشوف وال تعجبك اكتبها
» عيد ميلاد الليله مين عيد ميلاد حبيبة قلبي ادخل هني بسرعه ...!!!
» **هنا بيانات كل الاعضاء**اتفضلم عرفم نفسكم **وتعرفم على غيركم **
» شريط شرين الجديد حبيت *كامل (حصريا)
» هتضحك غصب عنك
» بالصور.. تصاميم ملاعب قطر لكأس العالم 2022
» ايه اكتر موقف محرج اتعرضت ليه؟؟؟؟؟؟؟؟
» ألبوم منوعات اغانى حزن وجرح اروع الاغانى
» *ننفرد كعادتنا بالاغنيه التى هزت الوطن العربى *الضمير العربى *حصريا على الاهلاوى
» اجازة الربيع في دبي مع مكتب ترحال العربية
» اجازة الربيع في دبي مع مكتب ترحال العربية
» برنامج يحول الكتابه الى صوت رجل أو إمرأة
» البطاقه العائليه للرسول عليه الصلاة والسلام " ارجو التثبيت للأهمية"
» جوزية