طاهر ابو زيد انا صديق اولادى وعلاقى بالمطبخ فول وبسطرمة

1- كلمنا عن حياتك الخاصة؟
انا زوج واب لثلاثة ابناء هم كل حياتى

2-ممكن نتعرف عليهم؟
محمد اكبر اولادى16 سنة ومريم14سنة ويوسف7 سنين

3-بتتعامل مع اولادك ازاى؟
اتعامل معهم على انى اب وصديق واخ واخاطبهم بالعقل لانهم جيل لا يعترف بالاوامر

4-واكتر حاجة بضيقك منهم؟
الاصرار والالحاح على تنفيذ رايهم ولصغر سنهم لا يعرفون المرونة ف اختيار الاشياء ولا يقتنعون بالبدائل

5-المكان اللى بيجمعكم خارج المنزل؟
دايما فارق السن بين اولادى بيسبب اختلاف الامزجة ف تحديد المكان علشان كدة بنقضى اوقات الفراغ ف البيت ولكن المكان الوحيد اللى بيجمعنا هو الساحل الشمالى.

6-بصراحة انت زوج ديمقراطى ولا ديكتاتورى؟
اكيد ديمقراطى جدا لان لغة الاوامر ليس لها وجود والامر لازم يكون شورى بين افراد الاسرة

7-بتقضى وقت فراغك ازاى؟
معظم وقت فراغى اقضى مع اولادى واستثمر الباقى ف القراءة

8-اية الاكلات اللى بتحبها؟
انا رجل فعلى ف الاكل يعنى باكل اى حاجة ولكن بطبيعتى بميل لسمك

9-علاقتك بالمطبخ؟
كل علاقتى بالمطبخ بعمل جميع انواع الفول والبسطرمة بالبيض

10-هوايتك غير كرة القدم؟
التنس والقراءة

11-الفريق اللى بتشجعة ف مصر وخارج مصر؟
فى مصر الاهلى طبعا وخارج مصر بشجع الكرة الحلوة سواء منتخب او نادى

12-اغنية بتحبها ولها ذكرى معاك؟
اعشق اغانى محمد فوزى ومحمد عبد المطلب

13-اجمل بلد زورتها؟
اجمل بلد كانت زيمبابوى فى بداية التحرير عام1980

14-الامنية اللى حققتها؟
مثلت بلدى دوليا ف محافل دولية وكان لى الشرف انا اشارك ف جميع بطولات مصر وحققت ما يتمناة اى رياضى

15-امنية لم تتحقق؟
المناخ الرياضى يسير بخطى ثابتة الى الوراء وليس الى الامام وما يحزنى اننى ارى المنظومة الكروية تتراجع

شكرا موضوع رائع