الضعف و الهوان وجهااااااان لعملة واحدة خلاص زهقت و تعبت ******** للنقااااااااش هاام

الضعف و الهوان
وجهان لعملة واحدة
اسمها الخوف


الخوف هو ده حالنا
هي دي حياتنا
ليه نرضي بالخوف حل
من مين خايفين من الاقوى في الدنيا طب و الاقوي في الاخرة نسينا الي خلقنا نسينا ان احنا ف الاخر كده و لا كده هنموت و دي حقيقة لا مفر منها

التوبيك غريب
بس انا الي حاسه بيه بجد تعبني جدا

الزمن
الدنيا الناس كل حاجة اتغيرت و ده ف نظري
عشان عرفوا حاجة اسمها خوف

في مصر احنا بنخاف من كل حاجة
و برغم اني ضد كل واحد يتكلم عن الحكومة بشكل عام لان الحكومة او النظام لما يتقال عليه بالجملة نظام فاسد فده غلط و اكبر غلط
اذا فيه ناس فاسديين فمش كله كده

بس احنا لاننا امنا ان كل النظام فاسد
بقينا بنخاف منه
و الخوف منه
ولدت فينا حاجات كتير
ولد كفر بالنعمة بأن كل حاجة غلط و كل حاجة مترضيش
التوبيك غريب مش كده
عارفين حاجة انا مؤمنة بها جدا جدا

احنا الي غلط مش النظام احنا الي من خوفنا بنرمي الحمل ع النظام لانه لبانه بقت ع لسان كل حد فينا
يعني تلاقي مثلا واحد شهم كده و قال ايه بقي خايف بقي ع البلد و ع نفسه و اولاده
طالع ف برنامج من برامجنا الجماهرية العرقة يشتكي و يصوت و يلعن و يسب
و يقول الزبالة الي قدام بيته
طب مين اي رمى الزبالة
احنا و لا النظام و لا النظام هو شماعة بنعلق عليها كل غلط ف حياتنا

ده مثل صغير اوي

انا منكرش ان فيه فساد بس احنا كشعب المفروض فيه ناس حطينهم مكانا مش بنرمي الناس بالباطل
م فيه حاجة
اسمها مجلس الشعب
و حاجة اسمها الوزارت
و حاجة اكبر من كل ده اسمها رئاسة الجمهورية
و لكل من يتهم اي فرد بالفساد
يريت الاول يتأكد و لو معاه اثبات اهلا بيه

اوك في تقصي و ده حقيقي
يعني مثلا
لما الكهربا تتقطع عن الناس ف رمضان ده اكيد تقصير
لما لوحة تمنها يتعدي المليار تتسرق
ده تقصير
و الي يدور في المواضيع دي هيلاقي ان النظام الي بنتهمه بالفشل
عاقب المسؤولين انا الي اعرفه عن موضوع اللوحة المسروقة انما عن الكهربا
انا بصراحة معرفش متابعتش الموضوع
بس بصراحة انا زهقت
كل ام اشوف اي حد بيتكلم عن احوال المحروسة الاقيه ل بيشتم ف الحكومة و النظام
و يلعن في التوريث
ليه منغيرش ف نفسنا
في مثل
صيني معروف جدا
بدل ان تلعن الظلام اشعل شمعة
شمعة واحدة
شوفوا احنا كام مليون
شوفوا احنا نقدر نعمل ايه
تعالوا نبدأ بنفسنا
كل حد بيعمل حاجةتسئ لبلده و حتي لو بورقة بيرميها ف الشارع يفكر
انا عشت عمري ف الكويت
الكويت بلد جميلة جدا
و نظيفة جدا
عمري م شوفت حد بيرمي ورقه ع الارض دي تبقى وقعته سودا هناك
انما هنا
يلاهو
لا انا هتعب اوي ف البلد دي
بجد
حرااااااااااام
دي مصر
دي الي غيرنا يتمنوها
الي بيطمعوا فيها

ع الاقل نحافظ عليها

تحياتي انا اتخنقت
ممكن نفتح الحوار احسن م اكلم نفسي كده و كفاية خوف و ضعف بقي


MEMOOO

عندك حق بس ممكن اقول حاجة بعيدة عن الكهربا واللوحة والنضافة
انا اعرف حد قريب مني جدا عشان قال كلمة حق وصمم عليه مستقبله كان هيضيع صمم على موقفه اشتكى للكبار وقفوا جنب الظلم بس صمم ان محدش يكسره ولما لقى والده ووالدته هيتبروا منه لو ماتراجعش قال مافيش فايدة وقهروه حس انه مايقدرش يعمل اي تغيير لوحده لقى كل الناس تخلت عنه حتى اقرب الناس ليه كان احساس اصعب مايكون لحد دلوقتي دموعه مازالت في قلبه بسبب الموضوع ده وحسبي الله ونعم الوكيل

عارفة يا نورهان
انا م حملت الشعب مسؤولية الي الاوضاع الي مصر فيها اتهاجمت كتير اوي و استغربت
لقيت ف مصر الكل مش شايف الا شماعة النظام الفاسد
كلنا نسينا اننا نقدر نغير
و لو عندنا 100 بس من الي انتي بتقولي عليه ده
100 يصمموا ع حاجة
هنعمل و البلد دي عمرها م هتكون كده
بلدنا محتاجة شغل
محتاجة نتعب ليها
مين بيخاف ع البلد دي بجد نفسي حد يجاوب ع سؤالي
ليه مفيش ناس تقف ع كلمتها
ليه كل محاولات التغير دايما تبدأ بمظاهرة و شوية عيال و همة بقي و نشاط و فجأة كل المحاولة تنتهي
لاننا مبنعرفش نبدأ بنفسنا قبل م نروح لغيرنا
منعرفش نقتل خوفنا
احنا نسينا ان العمر واحد و الرب واحد


وو بشكرك
ع ردك
و بستغرب ع قلو الردود ف القسم هنا
احنا مش اعداء لحد
و لا بنعادي حد
القسم عامل زي بلد الرعب الردود الي فيه قليلة جدا
دده
كمان ممكن يكون خوف
و ضعف ؟؟؟؟؟!!!!!!!!!!!!!!!!!!!!!!