فارس احلامى

السلام عليكم ورحمة الله وبركاته

هي التوبيك طويله...........بس جميله أوي......أقرا وقول رأيك





أجمل المشاعر بين الجنسين.. أكثرها براءة

ونحن أطفال، لا ندرك بالتحديد الفارق بين الذكر والأنثى

يشعر الصبيان بحاجة للكلام مع الفتيات.. وتشعر البنات بنفس الأمر، وينجذبون إلى بعضهم البعض دون معرفة أسباب!


تقترب الطفلة من الطفل ويقترب الطفل من الطفلة. دون حسابات، ليس لدى كل منهما سوى شخصيته. على طبيعته وفطرته كطفل، فيتوجه إلى الطرف الآخر بما لديه تلقائياً.

قد تجد طفلة جميلة بصحبة طفل غير جميل. والعكس، وقد تجد طفلة فقيرة مع ولد غنى أو سمراء مع أ
شقر. والعكس. مطالب الأطفال محددة. لم تعرف قلوبهم التفرقة كما عرفها الكبار، لم يضعوا حواجز.
وبالتالي لا يوجد ما يتخطوه! تتوالى الأيام ونكبر. نتغير نفسياً وعقلياً وفسيولوجياً، لتظهر كل الأسباب
والحواجز والحسابات!

تمر اللحظات.........وتجري الأيام......ويكبر الطفل والطفله........ليصبح شابا يافعا......وتصبح هي ورده رقيقه

وهي نفس المشاعر تتغير وتتشكل مع الأيام ولكن نوع أخر من العلاقه قد تكون خطبه ......زواج........أو صداقه(أنتيمز).........أو صحوبيه

ولكن يبقي سؤال إيه هو الصح وإيه الغلط وإيه الحدود في العلاقه دي؟؟؟؟؟؟؟؟؟

أنت بقي إيه رأيك في علاقات الشباب والبنات؟؟؟؟؟؟

قول رأيك وخد بالك من الجانب الديني والعاطفي


وأقر معايا يمكن أختكم فتكات تساعدكم في أتخاذ رأيكم......وومكن برده تقلولها لو في حاجه في رأيها غلط

بونسوار عليك يا إنت

>>أنا بنوتة جميلة.. عندي 23 سنة..

>>اسمى.. مش مهم.. أي اسم..

>>أي بنت في الدنيا عندها 23 سنة.. مش كده؟؟

>>أو على الأقل.. كان عندها 23 سنة وهي بتحب واحد..


>>أو على أقل من الأقل.. حيبقى عندها 23 سنة وهي بتحب واحد..

>>عشان كده.. أنا عندي 23 سنة!!

>>عايزة أكلمك النهاردة عن فارس أحلامي.. حبيبي..

>>اللي لسة ملقيتوش!!!
>>تخيل؟؟

>>لسة ملقيتوش..

>>بس في الأول

>>أحب أكلمك عن نفسي شوية ...
أوصفلك نفسي شوية..

أنا طويلة.. ممكن أكون قصيرة.. وساعات متوسطة
الطول..

سمينة.. ورفيعة.. وبردة ساعات متوسطة الوزن..

أنا حلوة.. ومش حلوة.. وغالبا متوسطة الجمال.
ذكية.. غبية..عبقرية..بس الأكيد.. كيدي عظيم..


عاقلة.. مجنونة..بس في العادة.. مش عارفة..

تافهة.. سطحية..بس كتير جدا.. متعمقة..ومتأملة..


خيالية.. وواقعية..

ضعيفة.. وقوية
باختصار.. أنا كل بنت على وجه الأرض.. وبرده عندي 23 سنة!!!

أنا بنت..
عارف يعني ايه بنت؟؟
يعني فتنة.. يعني رقة.. يعني قلب..
يعني غضب وكره..

بس دمعة تمسح كل حاجة..
يعني كبرياء وكرامة.. بس في لحظة الضعف.. أدمعلك عنيك..وما أكثر لحظات ضعفى..

باختصار..


أنا نصف..

وانت النصف التاني..
عارف أنا لو حبيتك ممكن أديلك ايه؟؟
والله مانت عارف حاجة!!!

انت أساسا
ياراجل.. مخلوق على التعدد..أنا لأ..

تقدر تحب واحدة واتنين في نفس الوقت..


أنا لأ...

أنا محبش غير واحد بس..ياريت كنت أعرف.. بس للأسف معرفش..

مخلوقة على واحد.. ومن واحد.. منك انت !!!

تقدر تقولي ده معناه ايه؟؟

ده معناه.. انك انت...يعني من الآخر انت.. بيتهيألي واضحة!!!!!!!!!؟

يعني قلبي مش حيتقسم.. مش حكون ماشية معاك في الشارع.. ويلفت نظري حد تاني
غيرك..فاهم يابو عين فارغة؟؟
سيبك من أي كلام بيتقال.. أنا نفسي صعب اني أعبر عن نفسي..
ومهما اختلفت طباعي.. ومهما اختلفت حياتي..ومهما اختلف شكلي..ومهما اختلف
مكاني وزماني..

بس مافيش اختلاف أبدا.. في مواصفاتي لفارس أحلامي..

فارس أحلامي..


اسمع... يمكن تطلع انت..يمكن يطلع واحد صاحبك.. أو جارك.. أو حتى أبوك.!!
أنا عايزاة راجل.. ده أكيد طبعا..
قوي؟؟
طبعا..


لذيذ... ده شيء عصري..
دمه خفيف..ضروري..

شيك؟؟ طبعا.. عشان المنظر العام وحفلات أبلة ظاظا..


عايزاه ناجح..عارف يعني ايه ناجح؟؟

يعني ناجح.. في شغله.. أيا كان.. بس ميكنش حرامي!!!!

أحب أكلمك على النجاح...

عارف... فيه حاجات كده.. الست مابتقدرش تعبر عنها...بس حاساها.. أنا ححاول
أعبرلك عنها.. ححاول..
و حطها في دماغك..
فيه حاجات بتجذب.. بتشد..من غير ما أقصد.. تلاقيني طبيت..

فكرت كتير عشان أعرف.. لقيت حاجة..
لما بيبان على الراجل.. الاتقان.. بيبقى أجمل حاجة في الدنيا..
الاهتمام.. التركيز.. فاهمني؟؟

عشان كده معظم البنات دلوقتي بيحبو لعيبة الكورة.. عشان مابيشفوهمش غير
مركزين..

ويمكن عشان كده بيكرهو إبراهيم سعيد!!!!!
بالنسبة ليا.. راجل معقود الحاجبين.. منكب على عمله.. يتساقط العرق منه..
وعلامات التصميم تغطي كل خلجة من خلجات وجهه
وجسمه..

لو كل هذا بدون اصطناع أو تكلف...
تكون أكتر شيء ساحر في الوجود..!!!
نفسي في دكتور مشهور..دقيق في عمله.. بيطور نفسه.. ناجح يعني
نفسي في مهندس.. مش أي مهندس..ناجح برده..

نفسي في أخصائي تحميض أفلام من نوعية روبين ويليامز في فيلم one hour photo
نفسي في رياضي محترف.. ناجح..
نفسي في مدرس عبقري.. ناجح..
نفسي في مبرمج كمبيوتر متميز.. أكيد ناجح..
نفسي في صنايعي ابن بلد.. مافيش في شطارته ولا في ضميره... ناجح
عارف ليه عايزاه ناجح كده؟؟ عشان أستمتع بيه.. في لحظات تركيزه!!!!!
نفسي يكون ليه موهبة..
شاعر..
مغني..
موسيقي..
كاتب..
عايزاه يكون صبور.. صوته واطي..
عادل.. ميظلمنيش..
عايزاه نقي ومبيشلش...

عايزاه أقوي مني..
أعتمد عليه...

أنسى تعبي.. وأحس بالأمان..
مش عايزة واحد أصنعه بإيدي.. لأ..
عايزة واحد يـdominate شخصيتي.. بحيث اني أبقى جزء منه.
عايزاه محب..


حالم..
ودود

مبتسم..

عايزاه يحتويني..

مش عايزاه عصبي.. ولا متعنت.. ولا من النوع اللي يداوي الغلط بغلط..
عيزاه لما يعرف انه غلطان.. يصلح.. وميداريش..
عايزاه متسامح.. متحمل.
عايزاه نظيف.. جميل..
مش قاعدلي طول الصيف بالشورت ولا البوكسر.. لأ..عايزة أشوفه.. زي ما هو يحب
يشوفني..

عارف؟؟

ليا واحدة صاحبتي.. طول ما هي في بيتها هي وجوزها.. كأنهم رايحين حفلة..

أنا عايزاه زي جوزها.. عشان أكونله زيها..!!!

وحاجة كمان..

عايزاه.. مهتم..عارف يعني ايه
مهتم؟؟

بيراعيني..
مبيطنش..
ميسبنيش أغرق في مشاكلي..

يشاركنى..
على الأقل يسمعني..

على أقل من الأقل.. يحزن لي بصدق..حتى لو شعر بتفاهة الأمر..

من الآخر caring
فهمت حاجة؟؟

مالك مبلم ليه؟

فيك ايه من ده كله؟؟

معلش..
صدمتك..
ماتقلقش..
أنا عاقلة..

وعارفة كويس... انك لايمكن.. يكون فيك كل ده..
ده لو واحدة بس فيك.. كفاية..

أيوة كده

اضحك..

كركر براحتك..

جتك خيبة..!!

بس فعلا.. لو فيك حاجة واحدة بس..كفاية..
عشان كده أحب أفكرك بحاجة اوعي تنساها..
أهم حاجة في الوجود..
انت حتملى حياتي.. آه..

وحتملي قلبي آه..

بس بمعنى آخر..
ان مافيش غيرك فيهم..


فعلا.. ده أكيد..
لكن.. أعذرني.. أنا عارفة
انك عيزني لو مت.. أموت وراك!!!
على أساس انك الحب الوحيد في حياتي..

أنا آسفة مش حقدر..

عشان فيه حب تاني..

لازم أعيش علشانه..

حب.. ماعتقدش انك تعرفه.. أو ممكن تكون عارفه.. الله أعلم..
حب كبير.. ملي عليا كل خلية من خلايا جسدي الضعيف..
حب يبكيني ليل نهار..
ذل وضعف وانكسار..
حبك ده ما هو إلادرجة بدائية جدا.. من هذا الحب..
متخفش..
الحب ده لا يناقض ده..
فقط حبك وهم دنيوي..

ليه؟؟

عشان مسيرك يوم وتخلص
بح..!!

تنتهي..
في التراب..
يعني انت نفسك وهم..
فلازم حبك يبقى وهم..

وبرده حبك ليا يكون وهم..

مش قصدي تموت بعد الشر..
قصدي الحب اللي مات..
اتخانقنا مثلا..
قطعنا هدوم بعض..

ضربنا بعض بالجزم..
أحزن عليك
آه..
لكن مش حترهبن..

ومش حعيش عمري على ذكراك..

عارف ليه؟؟
عشان فيه حب كبير مش حيموت..

وليه محبوش ؟؟
ليه؟؟

سؤال
مش هو الأقوي؟؟

مش هو المهندس الأعظم..
مش هو الطبيب الأعظم؟؟
مش عو الصانع الأعظم؟؟
مش هو المبتكر الأعظم؟؟
مش هو الحنون الأعظم؟؟

مش هو الودود الأعظم؟؟
مش هو الصبور الأعظم؟؟
مش هو العالم الأعظم؟؟
مش هو اللي خلق المواهب؟؟

مش هو أكتر واحد بيستحملني؟؟
مش هو اللي بيحللي مشاكلي؟؟
مش هو اللي أنا مابغبش عن عينه لحظة واحدة؟؟
مش هو اللي متابعني طول عمري؟؟
مش هو اللي اداني روحي؟؟
مش هو اللي عايزني أرجعله لو بعدت عنه؟؟
مش هو اللي بيعوز يغفرلي.. لما أغلط في
حقه؟؟
أخي الانسان..


أوهبلك عمري نعم..


وحياتي وبكائي وكلي.. نعم


لكن تذكر دائما..

أن تراعي الله في..
حتى يعطيك من خصال النبوة..
فأري فيك ما أحب..

فتري في ماتحب..
فنزداد حبا في المحب..
انت بتعيط؟؟

بقولك ايه... ممكن تتجوزني؟؟؟!!!!!!!!!!!!!!!

>>بسم الله الرحمن الرحيم
>>
>>قُلْ إِن كَانَ آبَاؤُكُمْ وَأَبْنَآؤُكُمْ وَإِخْوَانُكُمْ وَأَزْوَاجُكُمْ
>>وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ
>>كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُم مِّنَ اللّهِ
وَرَسُولِهِ وَجِهَادٍ فِي سَبِيلِهِ فَتَرَبَّصُواْ حَتَّى يَأْتِيَ اللّهُ
بِأَمْرِهِ وَاللّهُ لاَ يَهْدِي الْقَوْمَ الْفَاسِقِينَ

>>التوبة 24
>>
>>
>>
رسالة إلى كل فتيات وفتيان لأرض...

لم نخلق للرهبنة.. ولا للسهر في حب المحبوب والمحبوبة..

بل خلقنا لحب الخالق..

وما أي حب في هذا الكون.. إلا حب بدائي..

أفني روحك فيه طالما هو موجود..فهذا قمة الإخلاص..

ولكنه لايستحق أبدا..

أن نفني عمرنا في ذكراه إذا انتهى أو ضاع..

فلا تحزنو.. أو تحبطو..

وتذكروا دائما..


أن حبكم الأعظم .. لا يموت

أختكم.. ذات ال 23 عاما!!!!!!!!!!!
فتكات

شكرايا مرمر على الموضوع الجميل
وفعلا حب الله ورسوله فوق كل شىء
لكن لايمنع ان كل واحد فينا يكون بيحب حد وبيرتاح معاه

ميرسي مرمر

ميرسي كتير ليكي
بجد كلامك جميل

مرسى

شكرا